Fréttablaðið - 25.07.2013, Side 62

25. júlí 2013 FIMMTUDAGUR| SPORT | 46SPORT
FÓTBOLTI Íslandsmeistarar FH eiga
fyrir höndum einhverja mikilvæg-
ustu leiki íslensks félagsliðs í mjög
langan tíma þegar liðið mætir aust-
urrísku meisturunum í Austria Vín
í þriðju umferð forkeppni Meistara-
deildar Evrópu. FH-ingar unnu
frækinn sigur á FK Ekranas í vik-
unni en með honum á FH nú mögu-
leika á að tryggja sér tekjur sem
myndu gerbreyta rekstri félagsins
og hafa veruleg áhrif á landslag
íslenskrar knattspyrnu.
Knattspyrnusamband Evrópu,
UEFA, greiðir liðum sem keppa í
bæði Meistaradeild Evrópu og Evr-
ópudeild UEFA þátttökubónusa
sem hækka eftir því sem liðin kom-
ast lengra. FH-ingum voru tryggð-
ar tekjur upp á 60 milljónir króna
samkvæmt núgildandi gengi er
liðið varð Íslandsmeistari í fyrra
og komst þar með í aðra umferð for-
keppni Meistaradeildarinnar.
Hins vegar eru þær upphæð-
ir fljótar að hækka eftir því
sem liðinu gengur betur. Með
sigrinum á Ekranas er tryggt
að FH mun að minnsta kosti
spila fjóra Evrópuleiki í við-
bót, sem mun tryggja liðinu
tekjur upp á 52,5 milljónir
króna. Sigurinn á lithá-
ísku meisturunum var
því sannarlega kær-
kominn fyrir rekst-
ur knattspyrnu-
deildar FH.
Upphæðirn-
ar verða þó
fyrst svim-
andi háar ef
Íslandsmeist-
urunum tekst
að bera sigur-
orð af Austria
Vín í næstu
umferð. Sam-
kvæmt upp-
lýsingum frá
Knattspyrnu-
sambandi Evr-
ópu fyrir síðasta
Hálfur milljarður í húfi hjá FH
FH-ingum verða tryggðar tekjur upp á minnst 653 milljónir króna ef liðinu tekst að slá Austria Vín úr leik í
þriðju umferð forkeppni Meistaradeildar Evrópu. FH er þegar öruggt með tekjur upp á 112 milljónir króna.
keppnistímabil mun FH
fá rúmar 540 millj-
ónir króna fyrir að
komast áfram því
þá bíður liðs-
ins þátttaka í
umspilsumferð
fyrir riðlakeppni
Meistara-
deildar innar
og að minnsta
kosti sæti í
riðlakeppni Evrópudeildarinnar.
Þess ber að geta að þessar tekjur
eru aðeins þær sem koma frá UEFA.
Þá eru ótaldir aðrir tekjumögu-
leikar, eins og af sjónvarpstekjum,
miðasölu og árangurstengdum
greiðslum. Þátttökunni fylgir líka
kostnaður en langstærstur hluti
hans liggur í ferðakostnaði og
bónus greiðslum til leikmanna.
Eitt er þó ljóst. FH hefur þegar
tryggt sér gott forskot fyrir
næsta rekstrarár. Félagið fær að
minnsta kosti 112 milljónir í tekjur
vegna þátttöku liðsins í forkeppni
Meistara deildarinnar í ár. Miðað
við upplýsingar Fréttablaðsins er
heildar velta stærstu félagsliða
landsins, FH, Breiðabliks og KR, á
bilinu 150-200 milljónir árlega fyrir
hvert félag. 112 milljónir hafa því
mikil áhrif á reksturinn.
Til samanburðar má nefna að
heildarvelta Austria Vín er nálægt
20 milljónum evra – um 3,2 milljörð-
um króna – og um 20 sinnum meiri
en hjá stærstu félagsliðum Íslands.
Engum dylst að sigurlíkur Austur-
ríkismannanna eru meiri í rimm-
unni við FH. „Litla“ liðið á þó ávallt
möguleika í fótbolta og það vita FH-
ingar mætavel. eirikur@frettabladid.is
KÖRFUBOLTI Íslenska landsliðið
í körfuknattleik mætir Dönum í
æfingaleikjum í kvöld í Ásgarði og
annað kvöld í Keflavík. Leikirnir
eru hluti af undirbúningi liðsins
fyrir undankeppni Evrópumótsins í
körfubolta sem fram fer í Úkraínu
árið 2015. Liðið mætir Búlgaríu og
Rúmeníu að heiman og í Laugardals-
höll á fyrsta stigi undankeppninnar
um laust sæti á Evrópumótinu.
„Við megum varla misstíga okkur
í þessari undankeppni til þess að
eiga möguleika á því að komast á
Evrópumótið,“ segir Peter Öqvist.
„Búlgararnir eru með frábært lið og
þeir verða virkilega erfiðir við að eiga,
sérstaklega á þeirra heimavelli. Rúm-
enar eru ekki með eins gott lið og við
ættum að eiga fínan möguleika í þá
leiki. Liðið er samt sem áður aðeins
skipað leikmönnum sem leika utan
heimalandsins og atvinnumönnum í
hverri stöðu. Ég vildi óska þess að ég
gæti sagt að þetta yrðu auðveld verk-
efni en þetta eru bæði mjög hávaxin
liði og ærið verkefni fram undan.“ - sáp
112
207
334
653
59,6
20,7
31,8
112
27,8
59,6
31,8*
EF FH VINNUR AUSTRIA VÍN Í 3. UMFERÐ en tapar í umspilsumferðinni
Tekjur úr fyrsta og öðru þrepi
Þátttökubónus fyrir umspilsumferð Meistaradeildar Evrópu
Þátttökubónus fyrir riðlakeppni Evrópudeildar UEFA.
Samtals
ÍSLANDSMEISTARI 2012
Þátttaka í forkeppni Meistaradeildar
Þátttaka í 2. umferð forkeppninnar
Samtals
*öll lið sem falla úr leik í forkeppninni fá umrædda upphæð. Allar tölur í milljónum króna, miðað við núverandi gengi.
TEKJUR FH AF SIGRINUM GEGN EKRANAS*
*miðað við tap gegn austria Vín í 3. umferð
Tekjur úr fyrsta þrepi
Þátttaka í 3. umferð forkeppninnar
Þátttaka í umspilsumferð Evrópudeildar UEFA
Samtals
Tekjumöguleikar FH í Evrópukeppnum 2013-2014
RAUNSÆR Öqvist segir verkefnið
erfitt en möguleiki sé til staðar.
FRÉTTABLAÐIÐ/ARNÞÓR
Megum ekkert misstíga okkur í undankeppninni
KÖRFUBOLTI Hörður Axel Vil-
hjálmsson er bjartsýnn á leikina
sem fram undan eru hjá íslenska
landsliðinu í körfubolta. Ísland
mætir Dönum í tveimur vináttu-
landsleikjum í kvöld og annað
kvöld.
„Við erum gríðarlega sam-
rýmdur hópur og menn þekkja
hver annan vel. Það er einnig
mikil eftirvænting að fá að spila
fyrir framan okkar fólk á heima-
velli og vonandi verður stuðning-
urinn góður,“ segir Hörður Axel.
Íslenska landsliðið mun leika
með sorgarbönd til heiðurs Ólafi
Rafnssyni sem lést í síðasta mán-
uði. Ólafur var forseti Íþrótta- og
Ólympíusambands Íslands og for-
seti Körfuknattleikssambands
Evrópu.
„Ólafur gerði mikið fyrir
hreyfinguna bæði hérna heima
og í Evrópu yfir höfuð. Ég held
að fólk geri sér ekki almenni-
lega grein fyrir því hversu mikil-
vægur hann var fyrir íþróttina.
Við ætlum okkur að sýna honum
þá virðingu sem hann á skilið og
leggja okkur alla fram til heiðurs
honum.“
Hörður Axel er sem stendur án
félagsliðs en hann lék með þýska
liðinu Mitteldeutscher BC á síð-
ustu leiktíð.
„Mín mál eru ekki alveg komin
á hreint en það fer vonandi að
skýrast. Ég hef nokkra kosti sem
ég get ekki farið nánar út í, en
ég útiloka að spila hér á landi á
næsta tímabili.“ - sáp
Heiðrum
minn ingu Ólafs
FÓTBOLTI Helgi Kolviðsson þekkir vel til í
austur ríska fótboltanum en hann er nú þjálf-
ari B-deildarliðsins Austria Lustenau sem var
nálægt því að vinna sér sæti í úrvalsdeildinni
síðastliðið vor. FH mætir meisturunum þar í
landi, Austria Vín, í þriðju umferð forkeppni
Meistaradeildar Evrópu en eins og kemur fram
hér fyrir ofan er gríðarlega mikið í húfi fyrir
Hafnfirðinga.
„Austria Vín spilar samkvæmt 4-3-3 leik-
kerfinu eins og FH. Þetta er sókndjarft lið með
leikmenn sem eru góðir á boltann og með mikla
tæknilega getu. Liðið spilar þar að auki heima-
leiki sína á besta vellinum í Austurríki,“ segir
Helgi en vill þó alls ekki afskrifa möguleika
FH-inga í rimmunni.
„Ef þeir ná að spila þéttan varnarleik og
treysta á skyndisóknir og föst leikatriði er vel
hægt að ná góðum úrslitum hér úti í fyrri
leiknum og halda öllu opnu fyrir þann
síðari í Kaplakrika,“ segir Helgi sem sá
FH spila leik í forkeppni Evrópu deildar
UEFA í Liechtenstein í fyrra. „Ég tel
að FH geti vel haldið í við Austria Vín á
góðum degi,“ bætir hann við.
Meðal þeirra leikmanna liðsins
sem helst hafa vakið athygli er
sóknarmaðurinn Philipp Hosiner
sem var síðast í gær orðaður við
Everton og Crystal Palace í ensku
pressunni.
„Það er ekkert nýtt að lið eins
og Austria missi sína bestu leik-
menn en það er algengt að þeir fari
yfir í þýsku úrvalsdeildina. Hos-
iner hefur þar að auki unnið sér sæti
í austurríska landsliðinu og er byrjaður að
skora fyrir það,“ segir Helgi og bætir við að
Austria sé vel mannað á öllum vígstöðum.
„Þetta er lið sem á vissulega mörg
vopn sem FH-ingum ber að varast.
Austria Vín er þar að auki eitt stærsta
félag landsins með mjög fagmann-
lega umgjörð og ríka sigurhefð.
En þó svo að liðið þyki sigur-
stranglegra á pappírnum er allt
hægt. Íslensk lið eiga alltaf
möguleika á heimavelli.“ - esá
Íslensk lið eiga alltaf möguleika á heimavelli
Helgi Kolviðsson, knattspyrnuþjálfari í Austurríki, vill ekki afskrifa möguleika FH gegn Austria Vín.
HELGI Hefur starfað lengi í
Austur ríki og Þýskalandi, fyrst
sem leikmaður og nú sem þjálf-
ari. Hér er hann sem leikmaður
Kärnten árið 2003.
BJARTUR Hörður Axel er fullur til-
hlökkunar. FRÉTTBLAÐIÐ/DANÍEL
FH-ingar starfrækja öflugt starf í yngri flokkum sínum eins og svo
mörg önnur íslensk félög. Starfið hefur borið góðan ávöxt
því í byrjunarliði FH gegn Ekranas voru sex uppaldir
leikmenn. Þá voru Emil Pálsson og Róbert Örn Óskars-
son á táningsaldri þegar þeir gengu í raðir félagsins.
➜ Sex uppaldir í byrjunarliði FH
FÓTBOLTI Karlalið Breiðabliks,
ÍBV og KR verða í eldlínunni
í kvöld í 3. umferð forkeppni
Evrópudeildarinnar. Stuðnings-
menn liðanna og íslenskrar
knattspyrnu geta fylgst vel
með gangi mála.
Breiðablik stendur
best að vígi en liðið
sækir Sturm Graz heim
í Austurríki. Eftir marka-
laust jafntefli í fyrri
leiknum er möguleiki
svo sannarlega fyrir
hendi hjá Kópavogs-
liðinu. Staða KR-inga er ekki
jafn góð í Belgíu eftir 3-1 tap
gegn Standard Liege. Blikar og
KR-ingar á klakanum eiga þess
kost að fylgjast með leikjunum
í útvarpi og á netinu. Blikar
senda út á síðu sinni, www.blikar.is,
klukkan 16 en KR-ingar á netheimur.
is eða FM 98,3 klukkan 18.30.
ÍBV tekur á móti Rauðu stjörnunni
frá Belgrad á Hásteinsvelli.
Serbarnir hafa 2-0 forskot úr fyrri
leiknum. Leikurinn verður sýndur
beint á Stöð 2 Sport klukkan
18.30. - ktd
Góð þjónusta fyrir stuðningsmennina
FÓTBOLTI Þýskaland tryggði sér
í gærkvöldi sæti í úrslitaleik
Evrópu móts kvennalandsliða
með 1-0 sigri á Svíum. Dzsenifer
Marozsán skoraði eina markið á
33. mínútu.
Draumur Svía um úrslitaleik
á heimavelli er því úr sögunni.
Þjóðverjar geta nú unnið titilinn í
áttunda skipti og það sjötta í röð.
Í kvöld kemur í ljós hvort and-
stæðingurinn verður Danmörk
eða Noregur. - ktd
Draumurinn úti
GLEÐI Þjóðverjar fögnuðu en svekkelsi
Svía var mikið. NORDICPHOTOS/GETTY