Fréttablaðið - 24.05.2014, Blaðsíða 38

24. maí 2014 LAUGARDAGUR| HELGIN | 38
Klúbburinn Geysir er í gamla Ópalhúsinu við Skipholt. „Hér varð sá blái til,“ segir Þór-unn Ósk Sölvadótt-ir framkvæmdastjóri
glaðlega og maður fær ósjálfrátt
vatn í munninn. Húsið er á þrem-
ur hæðum og í því eru margar
vistar verur sem Þórunn Ósk sýnir
okkur Fréttablaðsfólki, eina af
annarri. En við byrjum á að skrá
okkur inn í húsið, það gera allir,
hverra erinda sem þeir koma.
Ólöf Þóra Steinólfsdóttir er í mót-
tökunni. Hún kveðst í gríni vera
„úr hreppnum“ en þegar nánar er
grennslast kemur í ljós að hún er
frá Fagradal í Dalasýslu.
Um þrjátíu manns koma í klúbb-
inn Geysi á dag að meðaltali, í
vinnu og á námskeið, að sögn Þór-
unnar Óskar. „Við erum öll jafn-
ingjar hér og samstarfsfélag-
ar,“ segir hún. „Eini munurinn á
félögum og öðru starfsfólki er sá
að starfsfólkið þarf að skila 40
klukkustunda vinnuviku en félag-
arnir mæta og fara þegar þeir
vilja. Það eru engar kvaðir á þeim.
Svo höfum við gleðina ætíð að leið-
arljósi og á fimmtudögum gerum
við alltaf eitthvað skemmtilegt
eftir vinnu, annaðhvort hér eða við
förum í sund, keilu eða á kaffihús.“
Fólk úr öllum stéttum
Allir virðast hafa nóg að gera
þessa stundina. Á efstu hæð er
skrifstofa og þar er fólk að útbúa
fréttabréf, undirbúa málþing og
uppfæra heimasíðuna www.kgeys-
ir.is Þarna eru okkur réttir bækl-
ingar um starfsemina sem allir
eru unnir á staðnum. Þeir bera
undirtitilinn „Virkni skapar vel-
líðan“. Einmitt það sem Þórunn
Ósk segir markmið klúbbsins snú-
ast um. Að gefa fólki sem hefur
átt við andlega erfiðleika að stríða
möguleika á að hafa eitthvað fyrir
stafni og nýta sínar sterku hliðar.
„Við erum með meistara í mörgum
fögum hér og nýtum okkur það,“
segir Þórunn Ósk og sýnir okkur
tölvustofu.
„Viðhaldsdeildarkarlarnir sem
kunna á allt í sambandi við tölvur
eru bara ekki mættir þennan dag-
inn en það sem aðrir ráða ekki við í
tölvunni, það gera þeir,“ segir hún.
Við skoðum annað verkstæði
með smíðatólum og verkfærum
eins og í besta bílskúr. Meðal þess
sem þar er í viðgerð þennan dag-
inn er ryksuga og reiðhjólagjörð.
„Hingað kemur fólk úr öllum stétt-
um og sinnir þeim störfum sem það
er sterkt í. Við reynum að kaupa
sem minnsta vinnu,“ segir Þórunn
Ósk. „Þrifin eru til dæmis okkar
verkefni. Við skiptumst bara á.“
Sturtur og þvottavélar standa
félögum til boða. „Þeir sem ekki
hafa aðstöðu til að þvo af sér
heima geta komið hingað og þveg-
ið. Vélarnar eru í stanslausri notk-
un sem er bara gott,“ segir Þór-
unn Ósk. Hún segir hugmynd hafa
komið upp um að kaupa þurrkara
en horfið hafi verið frá því þegar
einn félagi sem oft hafði séð um
þvottinn hafi spurt hvað yrði þá
um hans vinnu. „Því fjölbreytt-
ari verkefni sem fólk tekst á við
hér, því betra. Með því styrkir
það sjálfstraust og færni og eflir
hæfni sína í samstarfi og sam-
skiptum. Hún nafna mín hefur
nú reynslu af því,“ segir hún og
bendir á Þórunni Helgu sem er
með okkur í skoðunarferðinni um
húsið. „Já, það hefur alveg bjarg-
að mér að koma hingað,“ áréttar
Þórunn Helga. „Að passa að næra
ekki kvíðann með sænginni, það er
stórt atriði.“ Hún kveðst skráð sem
starfsmaður Krónunnar en vera
frá vinnu þessa dagana. Þórunn
Ósk lýsir í framhaldinu fyrirkomu-
lagi sem hún kallar RTR – ráðn-
ing til reynslu. „Klúbburinn á störf
hjá fyrirtækjum og stofnunum úti
í bæ, við þjálfum fólk og ef það
veikist sjáum við um afleysingu
á meðan, þannig að vinnuveitand-
inn á ekki að skaðast vegan hugs-
anlegra fjarvista. Þetta hjálpar
Meistarar á mörgum sviðum
Klúbburinn Geysir býður þá velkomna sem hafa glímt við geðsjúkdóma og afleiðingar þeirra, aðstoðar þá við að efla sjálf-
stæði sitt og sjálfstraust og í framhaldinu að fóta sig á vinnumarkaði. Geysir fékk Samfélagsverðlaun Fréttablaðsins 2014.
HÚSIÐ Klúbburinn Geysir er í góðu hús-
næði við Skipholt sem Kiwanis safnaði
fyrir á sínum tíma.
BAKARINN Þórður Ísaksson er að hræra
í hvítlauksbrauð til að hafa í hádeginu.
Gunnþóra
Gunnarsdóttir
gun@frettabladid.is
SAMFÉLAGSVERÐLAUN FRÉTTABLAÐSINS 2014
Í BORÐSALNUM „Hér er verið að skipuleggja heilsuvikuna sem verður í júní,“ upplýsir Þórunn Ósk. Á bak við hópinn er ávísuninni frá Fréttablaðinu stillt upp. Þórunn Ósk
lofar að milljóninni verði vel varið. FRÉTTABLAÐIÐ/GVA
félögum að fóta sig á vinnumark-
aðinum og byggja upp ferilskrá á
ný eftir veikindi.“
Geysisdagur og heilsuvika
Eldhúsið er stórt og gott með heim-
ilislegum borðsal. Þar stendur yfir
heilsufundur. 14. júní verður nefni-
lega svonefndur Geysisdagur og
vikuna á undan verður klúbburinn
með heilsuviku.
Ilmur af hvítlauk berst frá
brauðdeigi sem Þórður Ísaksson
er að hnoða. „Hér er enginn ráðinn
til að elda. Fólk gerir það af eigin
hvötum, bæði félagar og starfs-
menn,“ segir Þórunn Ósk. „Mér
finnst svo gott að vera hér því ég
þarf ekkert að kunna allt, það eru
svo margir snillingar í kringum
mig. Þórður hafði til dæmis aldrei
komið nálægt eldhússtörfum áður
en hann kom hingað en nú býður
hann reglulega upp á nýbökuð
brauð og kökur. Það er alger lúxus.
Verst að hann stingur stundum af
til Kanarí!“
Á SKRIFSTOFUNNI Björn Ægir Björnsson, Filip Simonfy, Janina Fietz, Guðmundur Norðdahl, Benedikt Gestsson, Aðalheiður
Davíðsdóttir, Þórunn Helga Garðarsdóttir, Þórunn Ósk Sölvadóttir og Guðmundur Kristjánsson.
Í MÓTTÖKUNNI Ólöf Þóra Steinólfs-
dóttir passar að allir sem koma í húsið
skrái sig.
Klúbburinn á
störf hjá fyrir-
tækjum og stofn-
unum úti í bæ, við
þjálfum fólk og ef
það veikist sjáum
við um afleysingu á
meðan, þannig að
vinnuveitandinn á
ekki að skaðast
vegan hugsanlegra
fjarvista.
Klúbburinn Geysir byggir á alþjóðlegri hug-
myndafræði klúbbhúsahreyfinga og fer eftir
viðmiðunarreglum þeirra. Þar kemur fram að
grundvallarmarkmið hreyfingarinnar er að
hjálpa fólki sem á við geðræn veikindi að stríða
til að þurfa ekki að dvelja á stofnunum á meðan
það er að ná markmiðum sínum sem varða
félagslíf, fjárhag og atvinnu.
Viðmiðunarreglurnar þjóna einnig hlutverki
stjórnarskrár félaga og eru siðareglur starfs-
fólks og stjórnarmanna. Í þeim er þess krafist
að klúbbhúsið sé staður virðingar og tækifæra.
➜ Vinnur samkvæmt
alþjóðlegum reglum