Fréttablaðið - 24.05.2014, Blaðsíða 112

24. maí 2014 LAUGARDAGUR| SPORT | 76
FÓTBOLTI Lars Lagerbäck og Heimir Hallgrímsson, landsliðsþjálfarar í
fótbolta, tilkynntu í gær landsliðshópinn sem mætir Austurríki og Eistlandi
í tveimur vináttuleikjum. Strákarnir okkar mæta Austurríki ytra 30. maí en
Eistar koma í heimsókn í Laugardalinn 4. júní.
Fátt kom á óvart í hópnum en Selfyssingarnir Jón Daði Böðvarsson og
Viðar Örn Kjartansson, sem spilað hafa frábærlega í Noregi, eru í hópnum
en taka aðeins þátt gegn Austurríki þar sem norska deildin er í fullum
gangi. Eiður Smári Guðjohnsen baðst undan því að vera valinn í þetta verk-
efni en Heimir Hallgrímsson sagði að hann væri ekki formlega hættur með
landsliðinu og kæmi svo sannarlega til greina í hópinn þegar undankeppni
HM 2016 hefst í haust.
Björn Bergmann Sigurðarson heldur áfram að afþakka landsliðssæti en
hann er þó farinn að svara í símann. Lars Lagerbäck sagði í gær að hann
hefði rætt við Skagamanninn unga þrívegis á undanförnum vikum. „Hann
segist ekki 100 prósent klár í þetta og ég vil ekki neyða neinn til að spila
fyrir landsliðið,“ sagði Svíinn en dyrnar standa Birni áfram opnar. - tom
Eiður Smári er opinn fyrir undankeppninni
MESTU MÁTAR Lars og Heimir á blaðaman-
nafundi í gær FRÉTTABLAÐIÐVILHELM
HANDBOLTI Tveir íslenskir þjálf-
arar, Guðmundur Guðmundsson
hjá Rhein-Neckar Löwen og Alfreð
Gílsason hjá Kiel, keppa í dag um
Þýskalandsmeistaratitilinn með lið
sín en það er sérstök staða komin
upp á lokadegi tímabilsins. Rhein-
Neckar Löwen og Kiel eru jöfn að
stigum en Ljónin hafa sjö marka
forskot í markatölu. Lærisveinar
Guðmundar eru því í betri stöðu
í töflunni en á meðan þeir sækja
Gumm ersbach heim þá taka læri-
sveinar Alfreðs á móti löskuðu liði
Dags Sigurðssonar.
„Þetta er langt frá því að vera
í höfn. Kiel á heimaleik og hefur
ákveðið forskot þar. Við erum á erf-
iðum útivelli á móti erfiðu liði sem
hefur verið að ná góðum úrslitum
undanfarið,“ segir Guðmundur sem
á allt eins von á skrautlegum úrslit-
um í Kiel. „Við erum búin að sjá
úrslit í deildinni í vetur sem eru að
mörgu leyti mjög undarleg. Það er
allt inni í þessu,“ segir Guðmundur.
Vinni Löwen með fjögurra marka
mun þá þarf Kiel að vinna með tólf
sem dæmi. Guðmundur ætlar að
halda stöðunni í Kiel leyndri fyrir
sínum leikmönnum. „Leikmennirn-
ir munu ekkert fylgjast með þessu.
Einu upplýsingarnar um stöðuna í
hinum leiknum berast til mín,“ segir
Guðmundur.
Leikmenn sem spila með hjartanu
Guðmundur er ánægður með liðið
sitt á þessu tímabili. „Þetta er vel
samsettur og samstilltur hópur.
Þetta eru leikmenn sem eru að spila
með hjartanu og berjast frá fyrstu til
síðustu mínútu,“ segir Guðmundur
en meðal leikmanna hans eru lands-
liðsmennirnir Alexander Petersson
og Stefán Rafn Sigurmannsson.
„Alexander er búinn að standa
sig mjög vel og er gríðarlega mikil-
vægur liðinu. Stefán er líka búinn að
standa sig mjög vel þótt hann hafi
ekki spilað mikið síðustu vikurnar.
Stefán spilaði töluvert mikið í einn
og hálfan mánuð eftir áramót og
gerði það mjög vel. Hann bætir sig
á hverjum degi,“ segir Guðmundur.
Guðmundur Guðmundsson tók við
liði Löwen í september 2010 og liðið
er nú að bæta sig þriðja árið í röð
í stigatöflunni. „Liðið hefur verið í
gríðarlegri uppsveiflu. Það gekk vel
í fyrra, við náðum í fyrsta Evrópu-
bikarinn og við spiluðum vel. Mér
finnst liðið spila enn betur í ár en í
fyrra. Lokakaflinn er búinn að vera
frábær. Við höfum unnið alla leikina
í Bund esligunni eftir áramót,“ segir
Guðmundur.
Bara helmingslíkur
„Fyrsti titillinn kom í fyrra en það
er möguleiki að vinna fyrsta Þýska-
landstitilinn. Það er ekki hægt að
lýsa því með orðum ef það tekst en
það er ekki komið í höfn og verður
þrautin þyngri. Við vitum að Gum-
mersbach mun selja sig dýrt á móti
okkur. Við munum gera allt sem við
getum til að vinna þetta. Það getur
allt gerst í hinum leiknum og það
getur líka allt gerst hjá okkur. Að
mínu mati eigum við bara helm-
ingslíkur á því að vinna,“ segir Guð-
mundur sem leggur mikla áherslu á
það við sína menn að gleyma ekki að
taka fyrsta skrefið.
Alfreð hefur gert Kiel að Þýska-
landsmeisturum undanfarin tvö
ár og alls fjórum sinnum á síðustu
fimm árum. Guðmundur á aftur á
móti möguleika á því að vera þriðji
íslenski þjálfarinn sem vinnur
þýsku deildina.
„Það er bara gríðarleg viður-
kenning fyrir íslenskan handbolta.
Það er allavega ljóst að það verður
íslenskur þjálfari sem hampar þess-
um titli hvorum megin sem þetta
lendir og allavega tveir leikmenn,“
segir Guðmundur.
Leikir Rhein-Neckar Löwen og
Kiel hefjast báðir klukkan 14.00
og verða í beinni á sportstöðvum
365; Gummersbach-Rhein-Neck-
ar-Löwen á Stöð 2 Sport og Kiel –
Fuchse Berlin á Stöð 2 Sport 3.
ooj@frettabladid.is
Leikmenn fá ekkert að vita
Guðmundur Guðmundsson, þjálfari Rhein-Neckar Löwen, getur kvatt félagið í dag með því að gera liðið að
Þýskalandsmeisturum í fyrsta sinn. Liðið hefur sjö marka forskot á Alfreð Gíslason og lærisveina hans í Kiel.
STRESSDAGUR Lokadagur þýsku deildarinnar mun reyna á taugarnar hjá Guð-
mundi Guðmundssyni, þjálfara Rhein-Neckar Löwen. FRÉTTABLAÐIÐ/GETTY
SPORT
HM Í FÓTBOLTA Í BRASILÍU
19 DAGAR Í FYRSTA LEIK
FÓTBOLTI Atletico Madrid og Real Madrid spila í
kvöld sögulegan úrslitaleik í Meistaradeildinni þegar
nágrannarnir mætast á Leikvangi ljóssins í Lissabon.
Þetta er fyrsti borgarslagurinn í úrslitaleik Meistara-
deildarinnar. Leikurinn hefst klukkan 18.45 að íslensk-
um tíma og verður í beinni á Stöð 2 Sport.
Atletico Madrid vann spænsku deildina um síð-
ustu helgi í fyrsta sinn frá 1996 en getur þarna unnið
Meistaradeildina í fyrsta sinn. Strákarnir hans Diegos
Simeone tóku deildina fyrir framan nefið á Barcelona
og geta nú gert það sama við hina risana á Spáni. Það
yrði sárt fyrir stóra bróður í Madríd. Nágrannarnir
í Real eiga nefnilega möguleika á því að verða fyrsta
félagið til að vinna Evrópukeppni meistaraliða í tíunda
sinn.
„Eftir að við unnum þann níunda í Glasgow voru
menn farnir að spyrja okkur um þann tíunda strax dag-
inn eftir,“ sagði Iker Casillas, fyrirliði Real Madrid í
dag og sá eini sem spilaði þennan úrslitaleik fyrir tólf
árum. Undanfarin ár hefur öllu verið tjaldað til á Sant-
iago Bernebau til að setja saman Evrópumeistaralið.
Stærstu stjörnur liðanna tveggja verða vonandi leik-
færar í kvöld. Cristiano Ronaldo er klár eftir að hafa
misst af síðustu tveimur leikjum og Atletico-menn
beita öllum aðferðum til þess að Diego Costa verði með
í kvöld. Costa þarf samt á litlu kraftaverki að halda.
„Það verður algjör draumur fyrir mig að spila úrslita-
leik í Portúgal,“ skrifaði Cristiano Ronaldo á Twitter-
síðu sína í gær en hann er þegar búinn að setja marka-
met með því að skora sextán mörk í Meistaradeildinni
á þessari leiktíð. Ronaldo er búinn að skora 51 Meist-
aradeildarmark fyrir Real en fær nú loksins að spila
úrslitaleik með liðinu og það á „heimavelli“.
Hjörtur Hjartarson hitar upp fyrir úrslitaleikinn á
Stöð 2 Sport (hefst klukkan 17.45) þar sem hann fær til
sína góða gesti og Guðmundur Benediktsson mun svo
lýsa leiknum af sinni alkunnu snilld. - óój
Tími fyrir nr. tíu?
Úrslitaleikur Meistaradeildarinnar í kvöld.
VITTORIO POZZO, þjálfari heimsmeistaraliða Ítala 1934
og 1938, er eini þjálfarinn sem hefur gert tvö lið að heims-
meisturum í fótbolta en tveir menn eiga möguleika á því
að bætast í þennan fámenna hóp í sumar. Vicente
del Bosque gerði spænska landsliðið að heims-
meisturum fyrir fjórum árum og er mættur
aftur til að verja titilinn. Luiz Felipe Scolari,
sem gerði Brasilíumenn að heimsmeisturum
2002, stýrir brasilíska landsliðinu aftur á HM í
sumar. Bæði lið eru sigurstrangleg í Brasilíu.
Brasilíumenn unnu sjö síðustu leiki sína í
úrslitakeppni HM undir stjórn Scolari og
spænska landsliðið vann sex síðustu leiki sína
á HM í Suður-Afríku 2010.
KÖRFUBOLTI Stórskyttan Magnús
Þór Gunnarsson hefur ákveð-
ið að yfirgefa Keflavík og spila
með nágrönnunum í Grindavík í
Dominos-deild karla í körfubolta
á næsta tímabili. Þetta staðfestir
hann við karfan.is.
Magnús Þór nær þar með að
spila með öllum þremur Suður-
nesjaliðunum en hann hafði áður
spilað með Njarðvík í tvö tíma-
bil frá 2008 til 2010. Magnús er
uppalinn Keflvíkingur þar sem
hann hefur spilað stærsta hluta
síns ferils.
„Ástæða skiptanna er sú að
Grindavík hafði samband en það
hafa þeir ekki gert áður og ég
hafði í raun mikinn áhuga á því
að spila fyrir Sverri Þór. Eins
hlakka ég til að takast á við nýjar
áskoranir og þakka Keflavík
fyrir tímann þar,“ sagði Magnús.
Hann og Sverrir Þór urðu fjórum
sinnum Íslandsmeistarar saman
með Keflavíkurliðinu.
Magnús Þór Gunnarsson var
með 9,5 stig og 2,5 stoðsending-
ar að meðaltali í deildarkeppn-
inni en missti þá mikið úr vegna
meiðsla á hendi. Hann hækkaði
meðalskorið sitt upp í 13,7 stig í
leik í úrslitakeppninni en Kefla-
vík datt þá út á móti Stjörnunni.
- óój
Samdi við
Grindavík
FARINN Magnús spilar í gulu næsta
vetur. FRÉTTABLAÐIÐ/DANÍEL
FÓTBOLTI Frank Lampard, leik-
maður Chelsea og markahæsti
miðjumaður ensku úrvalsdeild-
arinnar frá upphafi, hefur verið
látinn fara frá félaginu en það
ákvað að endurnýja ekki samn-
ing hans.
Enska úrvalsdeildin birti í gær
lista yfir alla þá leikmenn sem
liðin ætla að halda og láta fara á
frjálsri sölu. Lampard er á list-
anum hjá Chelsea líkt og Ashley
Cole, Samuel Eto‘o og Mark
Schwarzer.
Þetta kemur nokkuð á óvart
þótt Lampard sé orðinn 35 ára
gamall. Hann á að baki 648 leiki í
öllum keppnum fyrir Chelsea og
hefur skorað í þeim 211 mörk.
Hann er staddur þessa dagana
á Portúgal með enska landslið-
inu sem undirbýr sig nú af kappi
fyrir heimsmeistarakeppnina í
Brasilíu sem hefst í næsta mán-
uði.
Á meðal annarra leikmanna
sem geta farið á frjálsri sölu í
sumar eru Gareth Barry, leik-
maður Manchester City, og Nick-
las Bentdner, Daninn í liði Ars-
enal. - tom
Lampard fer
frá Chelsea
© GRAPHIC NEWSHeimildir: UEFA, Infostrada Sports Myndir: Getty Images
Courtois
Juanfran
Filipe Luis
Godin
Miranda
Koke
Garcia
Suarez
Gabi
Lopez
Costa
Casillas
Di Maria
Benzema
Khedira
Ronaldo
Coentrao
Modric
Carvajal
Ramos
Pepe
Bale
Líkleg byrjunarlið:
Xabi Alonso hjá Real Madrid
er eini leikmaður liðanna sem
tekur út leikbann en hann fékk
spjald í seinni undanúrslita-
leiknum við Bayern.
Estadio da Luz
Dómaratríóið í leiknum:
Dómari: Bjorn Kuipers, Holland
Aðstoðardómarar: Sander van Roekel, Erwin Zeinstra, Holland
2013
ÞÝS
2008
ENG
2003
ÍTA
2000
SPÁ
Bayern
Dortmund
Man Utd
Chelsea
Milan
Juventus
Real Madrid
Valencia
2-1
1-1
Víti 6-5
0-0
Víti 3-2
3-0
Úrslitaleikir milli liða frá sama landi
Síðustu sigurvegarar
2013
2012
2011
2010
2009
Bayern, Þýskaland
Chelsea, England
Barcelona, Spánn
Internazionale, Ítalía
Barcelona, Spánn
REAL MADRID ATLETICO MADRID
Maí 24, Estadio da Luz,
Lissabon, Portúgal
Þjálfari:
Carlo
Ancelotti
Fyrirliði:
Iker Casillas
Árangur í
Meistaradeildinni:
S115 J39 T45
Besti árangur í keppninni:
Nífaldur meistari
Síðasta tímabil:
Tapaði í undanúrslitum fyrir
Dortmund
Þjálfari:
Diego
Simeone
Fyrirliði:
Gabi
Árangur í
Meistaradeildinni:
S16 J13 T5
Besti árangur í keppninni:
Komst í úrslitaleikinn 1974
Seinasta tímabil:
Evrópudeildin, datt út fyrir
Rubin Kazan í 32 liða úrslitum
Innbyrðisleikir
(Spænska deildin og spænski bikarinn)
Real 102 Atletico 46
D46
Hafa mæst fjórum sinnum á tímabilinu.
Atletico vann annan deildarleikinn og hinn
endaði með jafntefli. Real vann báða bikarleikina.
Leiðin í úrslitaleikinnEfstir í B-riðli,
skoruðu 20 mörk
Efstir í G-riðli,
skoruðu 15 mörk
Schalke 6-1 (ú), 3-1 (h)
Dortmund 3-0 (h), 0-2 (ú)
16 liða úrslit
Milan 1-0 (ú), 4-1 (h)
8 liða úrslit
Barcelona 1-1 (ú), 1-0 (h)
Bayern 1-0 (h), 4-0 (ú)
Undanúrslit
Chelsea 0-0 (h), 3-1 (ú)
3.08
0.75
2.08
0.50
Markahæstur:
Cristiano
Ronaldo,
16 mörk
Markahæstur:
Diego Costa,
8 mörk
ÚRSLITALEIKUR MEISTARADEILDARINNAR 2014