Fréttablaðið - 24.05.2014, Blaðsíða 6

24. maí 2014 LAUGARDAGUR| FRÉTTIR | 6
EFNAHAGSMÁL Alþjóðagjaldeyrissjóðurinn (AGS) telur
að nota hefði mátt þá fjármuni sem fara í skuldaleið-
réttingu ríkisstjórnarinnar í önnur áríðandi verkefni
eins og að greiða niður skuldir hins opinbera.
Þetta segir Peter Dohlman, yfirmaður sendinefnd-
ar AGS. Hann kynnti nýja úttekt sjóðsins á stöðu
Íslands á Kjarvalsstöðum í gær.
Þar kom fram að sendinefndin telur að skuldaleið-
réttingin muni hafa jákvæð áhrif á efnahag íslenskra
heimila og að íslenska hagkerfið sé á réttri leið. Ýmis
skref hafi verið tekin í vetur sem hafi leitt til aukins
efnahagslegs stöðuleika. Stjórnvöld þurfi hins vegar
að halda áfram að takast á við afleiðingar fjármála-
kreppunnar og meðal annars móta skýra og skyn-
samlega stefnu um afnám gjaldeyrishafta, enda hafi
skilningur manna á umfangi málsins breyst.
Ríkisstjórnin er að mati sjóðsins á réttri leið þegar
kemur að lækkun opinberra skulda en AGS telur, eins
og áður segir, frekari skuldalækkun nauðsynlega. Þá
sagði Peter tillögur ríkisstjórnarinnar í húsnæðismál-
um skref í rétta átt.
Í yfirlýsingu sendinefndarinnar er einnig bent á að
verðbólgan sé nú undir verðbólgumarkmiðum Seðla-
banka Íslands en að hún eigi líklega eftir að hækka á
næsta ári, meðal annars vegna nýgerðra kjarasamn-
inga. Fyrirhugaðar breytingar á lögum um Seðlabank-
ann muni varðveita sjálfstæði hans og ábyrgð. - hg, fbj
Á KJARVALSSTÖÐUM Anna Bordon-Rose hagfræðingur og Peter
Dohlman, yfirmaður sendinefndar AGS. FRÉTTABLAÐIÐ/STEFÁN
Fjármunum skuldaleiðréttingar betur varið í að draga úr skuldum ríkisins:
AGS segir skref tekin í rétta átt
TAÍLAND Yingluck Shinawatra, fyrr-
verandi forsætisráðherra Taílands,
var handtekin í gær ásamt fleiri
ráðherrum stjórnar hennar.
Herforingjastjórnin, sem tók öll
völd í landinu á fimmtudag, kallaði
um það bil hundrað manns á sinn
fund í gær, flest hátt setta ráðamenn
fyrri stjórnar en einnig nokkra for-
sprakka stjórnarandstöðunnar.
Tugir þeirra voru enn í haldi
þegar liðið var að kvöldi, en að
minnsta kosti átta fyrrverandi ráð-
herrum hafði þó verið sleppt.
Prayuth Chan-ocha yfirherforingi
kallaði á sinn fund æðstu embætt-
ismenn landsins og sagði þeim að
áður en hægt yrði að efna til kosn-
inga í landinu yrði að gera breyting-
ar á stjórnarskránni.
Stjórnarandstæðingar höfðu
mánuðum saman krafist afsagnar
stjórnar Yinglucks, og tóku ekk-
ert mark á þingkosningum í febrú-
ar. Fyrst vildu þeir stjórnarskrár-
breytingar sem tryggðu að ný stjórn
kæmist ekki upp með sömu spill-
ingu og stjórn Yinglucks. - gb
Taílenski herinn vill stjórnkerfisbreytingar áður en boðað verði til kosninga:
Yingluck handtekin í Taílandi
YFIRHERFORINGINN Prayuth Chan-
ocha fer með völdin í Taílandi núna.
FRÉTTABLAÐIÐ/AP
DÓMSMÁL Lögmaður Hjördís-
ar Svan Aðalheiðardóttur í Dan-
mörku, Thomas Berg, segir samn-
ing milli Danmerkur og Íslands
tryggja að Hjördís geti afplánað
dóm sinn á Íslandi.
Hjördís hefur því ákveðið að
áfrýja ekki átján mánaða fang-
elsisdómi danskra dómstóla.
Thomas segir að sótt hafi verið
um flýtimeðferð hjá dönskum
yfirvöldum og vonar hann að
flutningurinn geti farið fram eftir
eina til tvær vikur.
Það getur tekið fjóra til fimm
mánuði að áfrýja málinu til hæsta-
réttar í Danmörku og Thomas
segir Hjördísi ekki hafa þann tíma.
„Hún vill komast til Íslands og
berjast gegn því að dæturnar fari
aftur út til föður síns. Fangelsis-
dómur er ekki stærsta áhyggju-
efni Hjördísar, heldur öryggi
barnanna hennar,“ segir Thomas.
Hann bætir við að ef Hjördís
hefði áfrýjað málinu í Danmörku
hefði rannsókn mála um meint
brot barnsföður gegn börnunum
frestast.
„Eftir að íslensk sálfræði-
skýrsla, sem var tekin af stúlk-
unum, var tekin til greina hér í
Hors ens var málið gegn föðurnum
tekið upp að nýju. Þetta er sama
skýrsla og íslenskir dómstólar
litu fram hjá þegar stúlkurnar
voru dæmdar til að fara aftur til
pabba síns.“
Héraðsdómur Reykjavíkur fyr-
irskipaði afhendingu stúlknanna
til föður síns. Þeim dómi hefur
verið áfrýjað til Hæstaréttar
sem mun taka málið fyrir á næstu
vikum. Stúlkurnar voru dæmdar
til að gangast undir sex vikna sál-
fræðimeðferð til að auðvelda þeim
flutninginn til Danmerkur.
Stúlkurnar hafa verið hér á
landi frá því í ágúst síðastliðnum
og búa hjá fjölskyldu Hjördísar.
Hjördís hefur setið í gæsluvarð-
haldi í Danmörku frá því í byrjun
febrúar, en hún var dæmd fyrir
brot á umgengnisrétti yfir dætrum
sínum og ólöglegt brottnám þegar
hún fór með þær í leyfisleysi frá
Danmörku til Íslands.
Fram hefur komið í Frétta-
blaðinu að aðstandendur Hjör-
dísar hafi farið á fund innan-
ríkisráðherra, Hönnu Birnu
Kristjánsdóttur, og beðið um að
öryggi barnanna yrði tryggt kæmu
þau til landsins. Ráðherra hefur
sagt að loforð hafi verið gefið um
að börnin fengju réttláta málsmeð-
ferð eins og þau eiga rétt á, en ekki
hafi verið gefið loforð utan vald-
sviðs ráðherra. erlabjorg@frettabladid.is
Hjördís Svan afplán-
ar í íslensku fangelsi
Hjördís mun ekki áfrýja dómi danskra dómstóla en hún var dæmd í 18 mánaða
fangelsi. Lögmaður Hjördísar segir hana vilja vera nær dætrum sínum á Íslandi og
berjast fyrir því að þær verði ekki sendar úr landi til föður síns í Danmörku.
KVENNAFANGELSIÐ Í KÓPAVOGI Hjördís Svan hefur sótt um að fá að afplána fangelsisdóm sinn á Íslandi og mun þá að öllum
líkindum afplána hann í Kvennafangelsinu í Kópavogi. FRÉTTABLAÐIÐ/GVA
Fangelsisdómur er
ekki stærsta áhyggjuefni
Hjördísar, heldur öryggi
barnanna hennar.
Thomas Berg,
lögmaður Hjördísar.