Fréttablaðið - 13.08.2014, Blaðsíða 20

| 4 13. ágúst 2014 | miðvikudagur
Nýsköpunarfyrirtæki gegna lykil-
hlutverki í hagkerfi nu vegna fram-
lags þeirra til tækniframfara og
nýrrar þekkingar. Vöxtur slíkra
fyrir tækja er að margra mati for-
senda þess að Ísland geti fjölgað
stoðum útfl utnings og aukið fram-
leiðslugetu landsins á komandi
árum.
Klak Innovit er einkarekið
nýsköpunar- og frumkvöðlasetur.
Kjarnamarkmið þess er að kynna og
hvetja til nýsköpunar, vera til staðar
fyrir íslenska frumkvöðla og stuðla
að því að hugmyndir þeirra verði að
veruleika með verðmætasköpun að
leiðarljósi.
Mikil gróska
Salóme Guðmundsdóttir er nýr
framkvæmdastjóri Klak Innovit en
hún tók við stjórnartaumunum þar
í mars síðastliðnum. Salóme segir
mikla grósku vera í íslensku frum-
kvöðlaumhverfi .
„Við hjá Klak Innovit bjóðum upp
á mjög hagnýta nálgun fyrir frum-
kvöðla. Við bendum þeim ekki aðeins
á hvar þeir geta leitað sér upplýs-
inga; við tökum á móti þeim, til
dæmis á ráðgjafarfundum, beinum
þeim í réttar áttir og bjóðum upp á
ýmiss konar leiðir þar sem þeir
geta þróað hugmyndir sínar,“ segir
Salóme.
Gulleggið er dæmi um slíka leið,
en það er hugmyndasamkeppni
innan háskólanna sem er opin öllum.
„Gulleggið er eitt af okkar rót-
grónustu verkefnum. Það hefur
vaxið verulega frá árinu 2008 þegar
það fór fyrst af stað. Síðast bárust
okkur 400 umsóknir og þar hafa til
dæmis sprottið upp fyrirtæki á borð
við Meniga, Clara og Controlant
ásamt fl eirum. Þannig byrja mörg
fyrirtæki. Gulleggið er viðskipta-
hugmyndakeppni að fyrirmynd frá
MIT og CBS. Það var eitt af fyrstu
verkefnum Innovit á sínum tíma.“
Viðskiptahraðlar skilvirkir
Klak Innovit er ekki síst þekkt fyrir
viðskiptahraðlana sem það býður
upp á og þar er Startup Reykjavík
best þekkt.
„Viðskiptahraðlarnir eru án efa
árangursríkustu verkefnin okkar.
Þar erum við að hraða ferlinu frá
hugmynd og þar til búið er að pakka
hugmyndinni inn og hún er tilbúin
til að bera hana undir fjárfesta.“
Klak Innovit stendur fyrir tveim-
ur viðskiptahröðlum, annars vegar
Startup Reykjavík sem er opinn
öllum tegundum sprotafyrirtækja
og hins vegar Startup Energy
Reykjavík, sem er aðeins fyrir orku-
tengdar hugmyndir.
„Fyrirtækin fá 2-5 milljóna króna
fjármögnun auk fullbúinnar vinnu-
aðstöðu og þar með svigrúm til að
vinna að hugmyndinni sinni í um tíu
vikur. Við sjáum um framkvæmd-
ina á verkefninu, aðstoðum teymin
og skipuleggjum fundi fyrir fyrir-
tækin með svokölluðum „mentor-
um“ eða leiðbeinendum sem eru
alls kyns sérfræðingar, stjórnend-
um, fjárfestum eða frumkvöðlum
sem náð hafa árangri. Við erum með
hátt í 80 mentora á lista hjá okkur.
Þessir fundir eru kjarninn í svona
verkefni. Það er mjög flott að sjá
allt þetta fólk, stjórnendur í íslensku
atvinnulífi, sem er mjög tímabund-
ið vera viljugt til að koma og hitta
teymin, gefa af sínum tíma til að
miðla reynslu og þekkingu. Þegar
fólk gefur af sér með þessum hætti
er það að leggja gríðarlega til sam-
félagsins þar sem það græða allir
ef sprotafyrirtækjum gengur vel.
Þetta skiptir gríðarlega miklu máli.“
Salóme segir að þótt fólk og fyrir-
tæki geti augljóslega náð árangri án
þess að leita sér aðstoðar sé það ljóst
að með því að leita á náðir seturs á
borð við Klak Innovit muni ferlið
ganga mun hraðar fyrir sig.
„Þú kemst hraðar af stað og nærð
hraðar árangri með því að heyra
af reynslu annarra og komast inn
í tengslanet annarra. Þess vegna
skiptir það máli að fyrirtæki taki
þátt í að efla nýsköpunarum hverfið
á Íslandi, ekki aðeins með fjár-
magnsstuðningi heldur einnig með
því að miðla þekkingu og gera það
markvisst.“
Salóme nefnir að á ári hverju
séu haldnir yfir 300 viðburðir í
tengslum við frumkvöðlastarf á
Íslandi, þar af stóð Klak Innovit
fyrir vel á fimmta tug á síðasta ári
þar sem um 4.000 manns tóku þátt.
Næsta skref
Salóme segir að almennt séð sé fólk
orðið meðvitað um hvert það geti
leitað eftir stuðningi þegar það fær
aðstoð.
„Ég held að þetta sé orðið mjög
aðgengilegt. Það sem við þurfum
hvað helst að styrkja er það stig
þegar fyrirtækin eru komin aðeins
af stað. Við höfum unnið mjög öfl-
uga vinnu inni í grasrótinni en það
sem ég myndi vilja gera væri að
stíga af meiri krafti inn í að tengja
saman frumkvöðla og fjárfesta og
okkar alþjóðlega tengslanet til að
koma þeim upp á næsta stig – þar
er í rauninni okkar helsta áskorun
í dag.“
Salóme segir afrakstur grasrót-
arvinnunnar sjást vel í háskólasam-
félaginu.
„Við sjáum unga háskólanema
átta sig á því að það að stofna eigið
fyrirtæki er raunverulegur starfs-
vettvangur. Þú ert ekkert endilega
að fara beint inn í stóru fyrirtækin
að loknu háskólanámi og ætlar að
vera þar heldur eru tækifæri fyrir
þig að stofna þitt eigið fyrirtæki. Ég
held að árangur nýsköpunarfyrir-
tækja undanfarin ár á borð við CCP,
Meniga og Plain Vanilla ásamt fleir-
um, hafa varpað ljósi á nýsköpunar-
samfélagið sem starfsgrein. Þetta
eru allt skref í rétta átt.“
Vantar upp á fjárfestingu
Fjárfesting í nýsköpunarfyrirtækj-
um er enn einn stærsti hjallinn fyrir
þau að komast yfir.
„Styrkir eru algengt form fjár-
mögnunar sprotafyrirtækja á fyrstu
stigum og leikur Tækniþróunarsjóð-
ur þar stórt hlutverk. Bankarnir
hafa einnig verið nokkuð duglegir
að veita styrki en Arion banki hefur
verið svolítið frábrugðinn með því
að fjárfesta í fyrirtækjum í gegnum
viðskiptahraðlana. Einkafyrirtæki
eru ekki mikið að fjárfesta beint í
sprotafyrirtækjum en hafa oft komið
inn sem fyrsti viðskiptavinurinn og
tekið þannig þátt í þróun þeirra og
vexti. Svo eru ýmsir fjárfestinga-
sjóðir fyrir hendi og er vitað af um
átta sprotasjóðum sem verið er að
setja á laggirnar. Nýsköpunarsjóður
atvinnulífsins er eini sjóðurinn sem
hefur verið að fjárfesta í sprotafyrir-
tækjum í einhverjum mæli. Á síðasta
ári var fjárfest í slíkum fyrirtækjum
fyrir um 700 milljónir en samkvæmt
úttekt sem McKinsey gerði þyrfti sú
upphæð að vera nær þremur millj-
örðum. Þarna vantar augljóslega upp
á,“ segir Salóme.
Frumkvöðlar ná hraðar árangri ef
þeir fá að læra af reynslu annarra
Salóme Guðmundsdóttir er nýr framkvæmdastjóri frumkvöðlasetursins Klak Innovit. Hún segir að enn vanti upp
á fjárfestingu í nýsköpunarfyrirtækjum sem var í fyrra um 700 milljónir en þurfi að vera nær 3 milljörðum. Hún
vill að Klak Innovit leggi meiri áherslu á að tengja saman fyrirtækin og fjárfesta. Það sé helsta áskorunin í dag.
„Nýsköpun er ein af lífæðum fyrirtækja, því án hennar
ná fyrirtæki ekki að þróast í takt við þarfir og væntingar
viðskiptavina. Klak-Innovit gegnir því afar mikilvægu
hlutverki og veitir frumkvöðlum einstakt tækifæri til að
þróa lausnir og hugmyndir sem mögulega næðu ekki
flugi. Við hjá Nýherja erum afar stolt af því að taka þátt
í rekstri Klak-Innovit því þar hafa fjölmörg verkefni orðið
að arðbærum fyrirtækjum og ég tel að við eigum eftir
að sjá enn meira af þeim á komandi árum,“ segir Finnur
Oddsson, forstjóri Nýherja og stjórnarmaður í Klak Innovit.
NÝSKÖPUN EIN AF LÍFÆÐUM FYRIRTÆKJA
Salóme lauk viðskiptafræði frá Háskólanum í Reykjavík árið 2007 með áherslu
á alþjóðaviðskipti og tungumál. Að því loknu bætti hún við sig einu ári þar
sem hún sérhæfði sig í markaðssamskiptum og vörumerkjastjórnun.
Hún var ráðin til Háskólans í Reykjavík árið 2009 sem verkefnastjóri hjá
Opna háskólanum. Síðustu þrjú árin veitti hún þeirri deild forstöðu.
„Það má því segja að ég sé alin upp hjá HR og hef fengið þar dýrmæta
reynslu. Í starfi mínu hjá HR starfaði ég með mörgum af stærstu fyrirtækjum
landsins auk fagfélaga á sviði tækni, viðskipta og laga. Markmiðið var að við-
halda þekkingu útskrifaðra nemenda HR og annarra sérfræðinga og stjórn-
enda en í starfi mínu hjá Klak Innovit felst hlutverk mitt í því að virkja þessa
þekkingu og stuðla þannig að verðmætasköpun,“ segir Salóme.
HVER ER SALÓME GUÐMUNDSDÓTTIR?
VIÐTAL
Fanney Birna Jónsdóttir
fanney@frettabladid.is

FRÉTTABLAÐ
IÐ
/G
VA
GRÓSKA Í FRUMKVÖÐLASTARFI
Salóme segir einstaklinga
vita hvert þeir geti leitað
fái þeir góða viðskiptahug-
mynd.