Fréttablaðið - 13.08.2014, Blaðsíða 22

FÓLK|FERÐIR
1 MEST MYNDAÐA LAUGIN
Sundlaugin Neptune Pool við
Hearst Castle í Kaliforníu er talin
sú laug veraldar sem oftast hefur
verið ljósmynduð. Hugmynda-
smiður laugarinnar var banda-
ríski fjölmiðlamógúllinn William
Randolph Hearst. Laugin var
byggð í upphafi tuttugustu aldar
að rómverskri fyrirmynd og lét
Hearst flytja stóran hluta bygging-
anna beint frá Evrópu. Sundlaugin
sem nú stendur er í raun þriðja
útgáfan en Hearst lét endurbyggja
hana nokkrum sinnum þangað til
hann var sáttur við niðurstöðuna.
Mörg stjarnan hefur setið í
lauginni en Hearst bauð reglulega
kvikmyndastjörnum, umboðs-
mönnum og stjórnmálamönnum í
heimsókn.
2 STÆRSTA ÚTISUNDLAUGIN
Stærstu útisundlaug heims er
að finna í Síle, nánar tiltekið við
ferðamannastaðinn San Alfonso
del Mar í borginni Algarrobo.
Lengd hennar jafnast á við tutt-
ugu ólympískar keppnissundlaug-
ar og er í kringum þúsund metrar.
Hið manngerða lón var opnað í
desember 2006 og hafði þá verið
fimm ár í byggingu.
Í lóninu eru um 250 milljón
lítrar af tærum sjó. Sérstakt kerfi
sér um að dæla og sía sjó úr
hafinu við annan enda lónsins og
síðan er sjónum dælt út í hinum
enda þess. Sólin hitar sjóinn í
lóninu upp í 26 gráður. Lónið nær
yfir átta hektara svæði. Það er
35 metra djúpt þar sem það er
dýpst.
3 STÆRSTA INNISUNDLAUGIN
Seagaia Ocean Dome er stærsti
innanhússvatnagarður veraldar.
Hann er að finna í Miyazaki í
Japan og var opnaður árið 1993.
Garðurinn er 300 metrar að lengd
og hundrað metrar á breidd og
þar geta allt að tíu þúsund gestir
verið í einu.
Yfir öllum vatnagarðinum er
fjórskipt þak sem hægt er að
opna og loka að vild. Himinninn
í vatnagarðinum er ávallt heið-
skír því ef úti er rigning er þakinu
lokað en það er skreytt eins og
blár himinn á sumardegi.
Hitinn í garðinum er alltaf í
kringum 30 gráður og vatnið er
um 28 gráðu heitt.
4 DÝPSTA LAUGIN
Nemo 33 er dýpsta innilaug
í heimi. Laugin er í Brussel í
Belgíu og var hönnuð af belgíska
kafaranum John Beernaerts sem
aðstaða fyrir kafara til æfinga,
kennslu og skemmtunar en einnig
til kvikmyndatöku. Laugin er 34,5
metra djúp og í henni eru um 2,5
milljónir lítra af hreinu klórlausu
vatni sem er 30 gráðu heitt. Í
lauginni eru nokkrir manngerðir
neðansjávarhellar við tíu metra
dýpi. Þar sem vatnið er heitt
geta kafarar kafað í lengri tíma
án blautbúninga. Nokkrir gluggar
eru á sundlauginni á mismun-
andi dýpi svo hægt er að kíkja á
kafarana.
5 HÆTTULEGASTI
BAÐSTAÐURINN
Hættulegasta baðstað veraldar er
líklega að finna við Virginíufossa í
Simbabve í Afríku. Á vissum tíma
árs, oftast frá september og fram
í desember þegar minnst vatn er í
ánni, myndast væg hringiða í hyl
rétt við fossbrúnina. Þetta gerir
ævintýragjörnu sundfólki kleift að
busla tiltölulega hættulaust aðeins
nokkra metra frá þverhníptum 128
metra háum fossinum. Þó hafa
nokkrir sundmenn látið lífið þegar
þeim hefur skolað yfir klettana
sem umkringja hylinn.
STÓRMERKILEGIR BAÐSTAÐIR
Vafalaust fara fáar þjóðir jafn mikið í sund og Íslendingar. Hér á landi er að finna frábæra baðstaði en slíka má einnig finna víða
um lönd og eru margir hverjir hreint út sagt ævintýralegir og upplifunin stórkostleg eins og sjá má á þessum myndum.
21
3
4 5
Þjónustusími: 561 4200 Bílabúð Benna dekkjaþjónusta
Jeppadekk
Við skutlum Júlíu heim
Póstdreifing | Vatnagörðum 22 | 104 Reykjavík | Sími 585 8300 | www.postdreifing.is
Birtingur treystir okkur fyrir
öruggri dreifingu á Júlíu
Ábendingahnappinn má
finna á www.barnaheill.is