Fréttablaðið - 13.08.2014, Blaðsíða 24

KYNNING − AUGLÝSING MIÐVIKUDAGUR 13. ÁGÚST 2014
Fyrsta ferðatölvan, eða port able computer, kom á markað í apríl 1981. Þetta var Osborne 1. Hún var hönnuð af Adam Osborne hjá Osborne Compu-
ter Corporation.
Snemma árs 1982 keypti rafmagnstæknifræðingurinn
Arnlaugur Guðmundsson slíka tölvu og notaði í nokkur ár
með góðum árangri. „Það má reyndar deila um það hvort
mín fyrsta fartölva hafi verið eða geti flokkast sem far-
tölva. En hún var vissulega færanleg tölva,“ segir Arnlaug-
ur. Hann starfaði á þessum tíma hjá fyrirtækinu Örtölvu-
tækni sem flutti tölvuna inn. Ári síðar var flutt inn sams
konar tölva til að nota sem stjórntölvu fyrir mælitæki sem
smíðað var fyrir Vegagerðina og mældi yfirborðsástand
vega. „Ég veit ekki til þess að fleiri slíkar tölvur hafi komið
hingað til lands en ég veit nú ekki allt,“ segir Arnlaugur.
Hann notaði tölvuna nokkuð mikið og fór með hana
talsvert út á land. Á sínum tíma birtist mynd af tölvunni í
Tölvumálum, tímariti Skýrslutæknifélags Íslands, en þar
var henni stillt upp við Gullfoss til að undirstrika bylting-
arkennda notkunarmöguleika hennar.
Arnlaugur segir suma hafa rekið upp stór augu þegar hann kom með tölv-
una í farteskinu en hann hafði jafnframt prentara meðferðis. „Tölvan minnti
þó mest á saumavélartösku og þætti ekki handhæg í dag. Ég vann þó talsvert
á hana og notaði mest í ritvinnslu þótt skjárinn væri lítill. Tölvunni fylgdu
jafnframt nokkur forrit. Þar á meðal Sup ercalc sem ég notaði mjög mikið
í alls konar útreikninga. Ég er heldur ekki frá því að fyrsta bókin sem sett
var á tölvu hafi verið sett á þessa vél og send til Odda með rafrænum hætti.
Örlög vélarinnar urðu þó þau að vera tekin í sundur og notuð í varahluti.“
Minnti einna helst
á saumavélatösku
Fyrsta fartölvan kom á markað árið 1981. Snemma árs 1982 festi raf magns -
tæknifræðingurinn Arnlaugur Guðmundsson kaup á slíkri tölvu. Hann notaði
hana mest í ritvinnslu og útreikninga og ferðaðist talsvert með hana um landið.
Arnlaugur starfaði
hjá Örtölvutækni
á þeim tíma sem
hann keypti tölv-
una. Hann fékkst
meðal annars við
að hanna og smíða
mælitæki og leysa
ýmis tæknileg
vandamál. Eins
að setja íslenska
stafi í tölvuskjái og
prentara. Þá fékkst
hann lítilleg við að
forrita.
Skjárinn á Osborne 1 var 5“ og komust 62 stafir fyrir í hverri línu.
Tækniþróun hefur fleygt fram undanfarin ár og
eru ýmis raftæki sem þekktust ekki fyrir örfáum
áratugum nú í daglegri notkun hjá allflestum.
Lítið er hægt að segja með fullri vissu um áhrif
þessara raftækja en margir velta þeim fyrir sér.
Á Vísindavef Háskóla Íslands segir í svari við
spurningu um hvort geislun frá fartölvum sem
menn sitja með í kjöltunni hafi skaðleg áhrif á lík-
amann, að rafsegulgeislun frá fartölvu, til dæmis
þegar hún er tengd þráðlausu neti, hafi fremur lága
tíðni og flytji litla orku, minni en geislun frá farsím-
um og margfalt minni en til dæmis röntgengeislun.
Í rannsóknum á áhrifum rafsegulsviðs á frum-
ur, meðal annars sæðisfrumur, hafa menn greint
breytingar á starfsemi þeirra í tilraunaglösum, en
það er hins vegar ekki hlaupið að því að sýna fram
á áhrif rafsegulsviðs á menn. Það skýrist meðal
annars af því hve margt annað í umhverfinu getur
valdið sömu eða álíka einkennum. Einnig er rétt að
hafa í huga að rafsegulgeislun af ýmsum uppruna
er mjög algeng í umhverfi okkar.
Nokkur dæmi eru um að hiti frá fartölvu sem
hvílir á lærum hafi skaðað húðina og valdið var-
anlegum húðroða. Slíkur roði kemur fram við
langvarandi hita sem þó er ekki svo mikill að
húð brenni. Að lokum má geta þess að aukinn
hiti getur haft óhagstæð áhrif á sæðisframleiðslu.
Heimild: visindavefur.is
Minni geislun frá fartölvum en frá farsímum
Nokkrar staðreyndir um
Osborne 1
Stýrikerfið var CP/M 2.2.
Skjárinn var 5“ CTR og komust
62 stafir í línu. Hins vegar var
auðvelt að „skrolla“, það er að
færa línuna til vinstri og hægri
eftir hentugleika.
Tvö 5 ¼ disklingadrif, 100 kB
hvort.
Minnið var 64 kB.
Örgjörvinn var 8 bita, Z80 og
tiftíðnin 4MHz.
Rað- og hliðtengi voru á vélinni.
Hliðtengið var nýtt sem prent-
aratengi en raðtengið fyrir sam-
skipti. Það var 300 baud (bit/sec).
Þessu breytti ég fljótlega þannig
að velja mátti með skiptara milli
300, 600, 1200, 2400, 4800 og
9600 baud.
Með tölvunni fylgdi hugbúnaður,
t.d. Wordstar, Supercalc, Basic o.fl.
FARTÖLVUÚTSALA!
Sendum hvert á land sem er DAGLEGA
COMPUTER.IS · SKIPHOLTI 50C · 105 REYKJAVÍK
- Græjaðu þig fyrir skólann hjá okkur!"
Asus D550MA,
15,6 tommu skjár, Intel Dual Core, 4GB DDR3, 500GB
diskur, 4 klst rafhlöðuending.
Útsöluverð 59.990 (áður 64.990)
Asus K552EA,
15,6 tommu snertiskjár, AMD Quad Core, 6GB DDR3,
750GB diskur, 5 klst rafhlöðuending.
Útsöluverð 94.900 (áður 99.900)
Acer Aspire V3-771,
17,3 tommu skjár, Intel Core i3, 6GB DDR3,
500GB diskur, 4 klst rafhlöðuending.
Útsöluverð 99.900 (áður 114.900)