Fréttablaðið - 13.08.2014, Blaðsíða 46
13. ágúst 2014 MIÐVIKUDAGUR| LÍFIÐ | 30
Lax eða bleikja sem er búin að
standa í ísskáp í þrjá daga, sett á
birkifjöl, er mjög gott. Sneidd sæt
kartafla sem er búin að liggja í
blöndu af sætri sojasósu og olíu eða
pensluð með teriyaki.
Júlíus Júlíusson, framkvæmdastjóri Fiskidags-
ins mikla á Dalvík.
BEST Á GRILLIÐ
„Ég hef aldrei verið í betra formi og
finnst þetta alltaf skemmtilegra og
skemmtilegra,“ segir Pétur Einars-
son járnkarl, en hann er að fara að
taka þátt í sínu öðru járnkarlsmóti
á sex vikum um næstu helgi. Hann
keppti í járnkarlsmóti í Austurríki
fyrir sex vikum og er nú að undir-
búa sig þar sem hann keppir í öðru
járnkarlsmóti í Svíþjóð.
Pétur, sem varð fimmtugur á
árinu, segist þó ekki alltaf hafa verið
svona mikill íþróttamaður. „Um fer-
tugt var ég bara meðalskrifstofu-
maður með smá bumbu og drakk
og reykti. Ég hætti þó að drekka og
reykja um þrítugt en fór þá að borða
meira og vaknaði svo upp við það að
vera í engu formi og allt of þungur,
þetta hafði svo mikil áhrif á andlega
líðan,“ útskýrir Pétur. Hann ákvað
að snúa við blaðinu og hljóp sitt
fyrsta maraþon þegar hann var fer-
tugur en kynntist svo þríþrautinni
fljótlega.
Pétur hefur keppt í sjö mara-
þonum á tíu árum, meðal annars í
Berlín, London, New York, Boston
og Chic ago. „Árið 2006 byrja ég að
keppa í þríþraut og hef keppt um
allan heim. Ég held ég sé búinn að
keppa í svona fimmtán þríþrautar-
mótum síðan árið 2006,“ bætir Pétur
við.
Járnkarlsmótið er í raun þríþraut
nema vegalengdirnar eru mun meiri
í járnkarlsmótinu. „Í járnkarlinum
syndum við 3,8 kílómetra, hjólum
180 kílómetra og hlaupum 42 kíló-
metra en í hefðbundinni þríþraut eru
þetta 1,5 kílómetra langt sund, hjólað
í 40 kílómetra og hlaupnir tíu kíló-
metrar. Það er mikill munur þarna
á og maður þarf að vera vel búinn
undir járnkarlinn,“ segir Pétur.
Hann er eins og fyrr segir að fara
að taka þátt í sínu öðru járnkarls-
móti á einungis sex vikum; er ekki
erfitt að búa sig undir svona keppni?
„Þegar ég tók þátt í minni fyrstu
þríþrautarkeppni var sagt við mig
að það tæki svona sjö ár að undir-
búa sig fyrir sinn fyrsta járnkarl.
Nú æfi ég í um þrjá tíma á dag, sex
daga vikunnar í sex til níu mánuði,
þetta er gríðarlega mikill undirbún-
Tveir járnkarlar í röð
Pétur Einarsson fékk áhuga á líkamsrækt þegar hann var fertugur og var þá ekki í góðu
formi. Tíu árum síðar er hann að taka þátt í sínu öðru járnkarlsmóti á sex vikum.
Í HÖRKUFORMI Pétur Einars-
son járnkarl verður fimm-
tugur á árinu og hefur aldrei
verið í betra formi.
MYND/EINKASAFN
Járnkarl:
Sund 3,8 km
Hjólreiðar 180 km
Hlaup 42 km
Hefðbundin þríþraut:
Sund 1,5 km
Hjólreiðar 40 km
Hlaup 10 km
Pétur Einarsson kláraði
járnkarlsmótið í Austur-
ríki fyrir skömmu á
tímanum 11:29:49 og
ætlar sér að gera enn
betur í Svíþjóð um
helgina.
JÁRNKARLINN
ER EKKERT
LAMB AÐ LEIKA
SÉR VIÐ
Leikstjórarnir Lana og Andy Wach-
owski hafa valið Ísland sem einn
af tökustöðum nýrrar sjónvarps-
seríu, Sense8. Systkinin er vel
þekkt í Hollywood þar sem þau
leikstýrðu og skrifuðu meðal ann-
ars Matrix-þríleikinn og Cloud
Atlas og skrifuðu V for Vendetta.
Tökur hefjast hér á landi 26. ágúst
og standa til 6. september en
Eskimo-Casting leitar nú að íslensk-
um aukaleikurum fyrir seríuna.
Opnar prufur fara fram í húsakynn-
um Eskimo í Bolholti 4, 2. hæð, í dag
og á morgun frá 15–18.
„Við leitum að fólki á aldrinum
18-70 ára af öllum stærðum og gerð-
um og engrar leikreynslu er kraf-
ist. Einnig leitum við að fólki sem er
vant hjúkrunar- og læknisstörfum
sem og klassískum tónlistarmönn-
um,“ segir Andrea Brabin, eigandi
Eskimo, en um er að ræða einn til
tvo tökudaga fyrir íslensku leikar-
ana á tökutímabilinu.
Serían Sense8 er framleidd fyrir
Netflix og áætlað er að hún komi út
árið 2015. Samkvæmt heimildum
Fréttablaðsins er það framleiðslu-
fyrirtækið True North sem aðstoð-
ar tökuliðið hér á landi og er um
viðamikla framleiðslu að ræða. Þá
helst vegna þess að flestar tökurnar
munu fara fram á höfuðborgarsvæð-
inu þar sem kennileiti borgarinnar
á borð við Perluna og Hallgríms-
kirkju verða í lykilhlutverki. Ekki
er vitað mikið um söguþráð serí-
unnar en söguhetjan ku eiga að vera
íslensk. - áp
Leikstjórar Matrix taka upp á Íslandi
Lana og Andy Wachowski taka upp Netfl ix-seríuna Sense8 hér á landi og leita að íslenskum aukaleikurum.
TIL ÍSLANDS Systkinin Lana og Andy
Wachowski ætla að hafa Reykjavík
í stóru hlutverki í sinni fyrstu sjón-
varpsseríu, Sense8.
„Fólk gleymir því pínu hvað það er
ótrúlega gaman að fara í karókí,“
segir tónlistarkonan Ásdís María
Viðarsdóttir en hún heldur heljar-
innar karókípartí á Dolly í kvöld
klukkan 21.00 ásamt kærastanum
sínum Árna Gunnari Eyþórssyni.
„Við vorum að pæla í að kalla
þetta kærókíkvöld,“ segir Ásdís.
„En fólk á smá erfitt með að bera
það fram, þetta myndi þá hljóma
eins og ákærukvöld á Dolly sem
væri hundrað prósent skrítið.“
Parið tók við karókíkyndlinum
af þeim Margréti Erlu Maack og
Ragnheiði Maísól sem héldu svipuð
kvöld undir nafninu Hits and Tits.
„Það er svona ákveðið tabú að
fara í karókí,“ lýsir Ásdís. „Ég sting
oft upp á því á djamminu að fara á
Obladi Oblada en það er aldrei tekið
vel í það.“
Ásdís tók þá til sinna ráða og
kemur með karókíið til fólksins. „Við
erum að draga karókíið fram í dags-
ljósið á Dolly, hipsteralegustu búllu
bæjarins, það er eiginlega fáránlegt
að við megum gera þetta þarna,“
segir söngkonan og hlær. baldvin@365.is
Halda karókí á hipster-búllu
Söngkonan Ásdís María Viðarsdóttir heldur karókíkvöld ásamt kærastanum
sínum, Árna Gunnari Eyþórssyni, á Dolly, en þau íhuguðu að kalla það kærókí.
GLEÐIGJAFAR Kærustuparið segir það
vera tabú að fara í karókí.
ingur, það er ekki séns á að klára
svona keppni annars,“ segir Pétur.
Hann kláraði sitt fyrsta járnkarls-
mót á tímanum 11:29:49. „Í mínum
aldursflokki, 50 til 54 ára karlar,
voru 323 skráðir, 240 kláruðu og ég
var í 74. sæti. Það voru þrjú þúsund
keppendur í heildina og meðaltíminn
var um þrettán tímar þannig að ég
var sáttur.“
Hann er þó ekki eini Íslending-
urinn sem tekur þátt í járnkarlin-
um í Svíþjóð. „Við erum tólf manna
hópur frá Þríkó, sem er þríþrautar-
deild Breiðabliks. Ég held að þetta sé
stærsti hópur Íslendinga sem hefur
farið svona saman út að keppa,“
segir Pétur, sem er staðráðinn í að
bæta tíma sinn í Svíþjóð.
gunnarleo@frettabladid.is
➜ Lana hét áður Laurence en
hún gekkst undir kynleiðrétt-
ingaraðgerð árið 2008.
Ásdís María syngur sjálf alltaf
Think Twice með Celine Dion
og segir það algjöra neglu. „Árni
Gunnar tekur samt alltaf I Wanna
Know What Love Is,“ segir Ásdís.
„Ég verð alltaf enn þá meira skotin
í honum þegar hann tekur það.“
➜ Besta karókílagið?