Fréttablaðið - 17.09.2014, Page 16
17. september 2014 MIÐVIKUDAGURSKOÐUN
HALLDÓR
FRÉTTABLAÐIÐ Skaftahlíð 24, 105 Reykjavík Sími: 512 5000, ritstjorn@frettabladid.is FRÉTTASTJÓRI: Andri Ólafsson andri@frettabladid.is RITSTJÓRNARFULLTRÚI: Álfrún Pálsdóttir alfrun@frettabladid.is VIÐSKIPTI: Fanney Birna Jónsdóttir fanney@frettabladid.is MENNING: Friðrika Benónýsdóttir fridrikab@frettabladid.is
DÆGURMÁL: Lilja Katrín Gunnarsdóttir liljakatrin@frettabladid.is VÍSIR: Kolbeinn Tumi Daðason, kolbeinntumi@365.is LJÓSMYNDIR: Pjetur Sigurðsson pjetur@frettabladid.is FRAMLEIÐSLUSTJÓRI: Sæmundur Freyr Árnason sfa@frettabladid.is ÚTLITSHÖNNUN: Silja Ástþórsdóttir siljaa@frettabladid.is
ÚTGÁFUFÉLAG: 365 miðlar ehf. STJÓRNARFORMAÐUR: Ingibjörg S. Pálmadóttir FORSTJÓRI: Sævar Freyr
Þráinsson ÚTGEFANDI OG AÐALRITSTJÓRI: Kristín Þorsteinsdóttir kristin@frettabladid.is FRÉTTARITSTJÓRI:
Sigurjón M. Egilsson sme@frettabladid.is. Fréttablaðið kemur út í 90.000 eintökum og er dreift ókeypis á heimili á
höfuðborgarsvæðinu og Akureyri. Einnig er hægt að fá blaðið í völdum verslun um á landsbyggðinni. Fréttablaðið
áskilur sér rétt til að birta allt efni blaðsins í stafrænu formi og í gagnabönkum án endurgjalds. ISSN 1670-3871
FRÁ DEGI
TIL DAGS
R
itstjóra Morgunblaðsins er Fréttablaðið ofarlega í
huga þessa dagana. Hann ætlar þeim ekki mikið
sem þar starfa. Það er svo sem allt í besta lagi. En
hvað fær hann til að halda og fullyrða að á Frétta-
blaðinu starfi síðra fólk og aumara en til að mynda
á Morgunblaðinu, er verra að skilja. Stundum hef ég verið
spurður um hvað mér þyki um stöðu Davíðs Oddssonar og
helstu eigenda Morgunblaðsins.
Einatt svara ég á þá leið, að ég sé sannfærður um að hafi
Davíð Oddsson þurft að verja sig og sína ritstjórn fyrir
ágangi eigenda, áhrifafólks
eða frekjudalla þá hafi hann
gert það. Stappað niður fæti,
skellt hnefa í borðið, staðið
fastur á sínu, allt eftir því
hvað hefur þurft hverju sinni,
hafi þess þurft á annað borð.
Þannig gera flestir ritstjórar.
Af þeim sökum er ég
stundum alveg gáttaður þegar Davíð ætlar fólki í sambæri-
legum störfum, á öðrum fjölmiðlum að vera lausara í eigin
sannfæringu, að annað fólk en hann sjálfur sé almennt
prinsipplaust og aumt fyrir. Blaðamaður veit að hann hefur
skyldur við marga en einkum og sér í lagi við lesendur og
svo sig sjálfan.
Stundum les ég eða heyri fjölmiðlafólk og jafnvel fólk í
stjórnmálum fullyrða að einstaka fjölmiðlamenn, og jafnvel
heilu ritstjórnirnar, láti annað fólk stýra hugsunum sínum og
gerðum. Hvert ætli það fólk sæki þá hugsun? Í eigin reynslu?
Trúlegast.
Stundum læðist að mér sá grunur að einstaka menn gefi
sér að annað fólk sé því sjálfu síðra, hafi lægri og verri
hvatir. Það held ég um Davíð Oddsson þegar ég les sumt
sem hann skrifar um það sem hefur gerst, og ekki síður það,
sem hefur ekki gerst á mínum vinnustað. Stundum stjórnast
menn vissulega af heift. Engum dylst að tilvist Fréttablaðs-
ins hefur haft mikil áhrif á stöðu Morgunblaðsins, veikt það
blað og sært.
Ég hef oft dáðst að svari sem Davíð Oddsson gaf eitt sinn
þegar hann var spurður hvort hann væri langrækinn. Hann
sagði svo ekki vera, en bætti við að hann væri minnugur.
Það eru ekki nema rúm fjórtán ár frá því að Fréttablaðið hóf
göngu sína og styttri tími síðan Morgunblaðið tók að særast
undan tilvist þess. Þau straumhvörf muna flestir og allir
minnugir menn.
Þegar ég þáði núverandi starf var ég ekki, og hef ekki enn
verið, spurður af einum né neinum um viðhorf mín til eins
né neins. Til að mynda veit ég ekkert um hvort maki helsta
eiganda Fréttablaðsins sætir rannsókn hér eða þar. Ef svo er,
er það ekki mitt vandamál. Heldur hans.
Áfram held ég að Davíð Oddsson sé þungur í taumi og láti
ekki draga sig þangað sem hann vill ekki fara. Þannig er
háttað um mig og það samstarfsfólk sem ég hef.
Þegar fjölmiðlum er tíðrætt um fjölmiðla:
Davíð Oddsson
og Fréttablaðið
Sigurjón Magnús
Egilsson
sme@frettabladid.is
Um mitt síðasta ár varð Samgöngustofa
til úr fjórum stofnunum: Flugmálastjórn,
Umferðarstofu og stjórnsýsluhlutum Sigl-
ingastofnunar og Vegagerðarinnar. Frá
þeim tíma hefur stofnunin starfað á þremur
stöðum á höfuðborgarsvæðinu en kemur
sér þessa dagana loksins fyrir í nýjum
höfuðstöðvum á horni Háaleitisbrautar og
Ármúla. Það er áþreifanlegur lokaþáttur í
sameiningunni sem hefur verið vandasamt
en jafnframt lærdómsríkt ferli.
Öryggi og fagmennska
Í stuttu máli má segja að Samgöngustofu sé
ætlað að vinna að þróun öflugra og öruggra
samgangna. Það gerum við meðal annars
með því að nýta aukna tækniþekkingu og
ítarlegar rannsóknir, sinna vönduðu eftir-
liti og ástunda betri stjórnsýslu því með öllu
þessu hefur náðst umtalsverður árangur í
fækkun alvarlegra slysa þeirra sem eru á
faraldsfæti. Samnýting á þekkingu hefur
þannig og mun áfram skila góðum arði fyrir
íslenskt samfélag. Opinberu eftirliti er fyrst
og fremst ætlað að tryggja sem best öryggi
fólks. Eftirlit er ekki síður mikilvægt til
þess að við sem þjóð getum staðist alþjóðleg-
ar úttektir og staðið jafnfætis þeim löndum
sem við eigum í alþjóðlegri samkeppni við.
Þetta er grundvallaratriði fyrir grunnstoðir
atvinnulífsins eins og til dæmis skipaútgerð-
ir og flugrekendur. Með sameiningu eftirlits
í samgöngumálum í eina stofnun samnýt-
um við reynslu með það í huga að eftirlitið
verði hagkvæmt og skilvirkt án þess að tapa
gæðum eða veita afslátt af öryggi.
Tækifærin
Með flutningum í sameiginlegt húsnæði
felast mörg tækifæri um samræmda og
greiða þjónustu sem hefst strax með einum
og sama afgreiðslutímanum sem áður var
mismunandi eftir staðsetningum. Í beinu
framhaldi munum við byggja áfram ofan á
það verk sem hafið var um mitt síðasta ár
með því að leggja aukna áherslu á rafræna
stjórnsýslu og sjálfsafgreiðslu sem dregur
úr kostnaði og gerir viðskiptavinum kleift
að ljúka sínum málum á þeim tíma sem
þeim best hentar. Þetta sáum við til dæmis
vel þegar sjómönnum og útgerðum var
gert fært að sjá sjálf um lögskráningu sjó-
manna. Svipuð þróun er markmiðið í öðrum
greinum en fyrst og síðast viljum við halda
góðu sambandi við viðskiptavini okkar og
veita þeim örugga og greiða þjónustu. Þar
er lykilorðið samvinna, því markmið um
öryggi og fagmennsku geta allir verið sam-
mála um. Í gildum Samgöngustofu sem
allt starfsfólk tók þátt í að móta má sjá það
sem við viljum standa fyrir: Jákvæðni, fag-
mennska, traust og virðing.
Samgöngustofa – undir einu þaki
SAMGÖNGUMÁL
Þórólfur Árnason
forstjóri
Samgöngustofu
Áhugaverð skipan í ráðuneytið
Stefán Haukur Jóhannesson hefur verið
skipaður ráðuneytisstjóri í utanríkis-
ráðuneytinu, eins og Vísir greindi frá
í gær. Það er Gunnar Bragi Sveinsson
utanríkisráðherra sem skipar í stöðuna
og var starfsmönnum ráðuneytisins
tilkynnt þetta fyrr í þessum mánuði.
Stefán Haukur er einn allra virtasti
diplómat á Íslandi. Eitt stærsta verk-
efni hans á undanförnum árum hefur
þó ekki verið í sérstöku uppáhaldi
hjá utanríkisráðherra. Hann var
formaður samninganefndar
Íslands í aðildarviðræðunum
við Evrópusambandið. Varla
er þetta þó til marks um
stefnubreytingu Gunnars Braga
í utanríkismálum, eða
hvað?
Stuðningur úr óvæntri átt
Ungir sjálfstæðismenn í Heimdalli álykt-
uðu á dögunum gegn þeim áformum
Bjarna Benediktssonar, formanns
Sjálfstæðisflokksins, að hækka neðra
þrep virðisaukaskattsins. Þessi ályktun
er í takti við meginhugsjónir Heimdallar
um lága skatta og minni ríkisafskipti.
Í gær bar svo við að Stefán Ólafsson,
prófessor í félagsfræði, lýsti stuðningi
við ályktun Heimdallar í skrifum á
vefsvæði sitt. Þetta er skemmtilegt í
ljósi þess að Stefán hefur hingað til
ekki samsamað sig við hugmynda-
fræði frjálshyggjunnar. Nú er bara
spurning hvort fleiri fræðimenn
í félagsvísindadeild séu tilbúnir
til að lýsa yfir stuðningi við
ályktanir Heimdallar.
Það væri til dæmis
skemmtilegt að sjá
prófessorinn Svan Kristjánsson fagna
þeim.
Óþarfa tillögur
Greint var frá því í gær að hópur
þingmanna úr fimm flokkum hefði
gert fjórðu tilraunina til að fá ríkið til
að kanna hagkvæmni á því að hefja
lestarsamgöngur milli Reykjavíkur og
Keflavíkurflugvallar. Katrín Jakobsdóttir,
formaður VG, er fyrsti flutningsmaður
tillögunnar en meðflutningsmenn eru
úr öllum flokkum nema Pírötum. Bjarni
Benediktsson fjármálaráðherra
hefur réttilega sagt að ríkisfjár-
málin séu í járnum. Það er því
umhugsunarefni hvers vegna
þingmenn kjósa að leggja fram
tillögur sem vitað er fyrirfram
að ekkert verður gert með.
jonhakon@frettabladid.is