Fréttablaðið - 17.09.2014, Síða 19

www.visir.is Sími: 512 5000 | Miðvikudagur 17. september 2014 | 23. tölublað | 10. árgangur
V I Ð ELSKUM

U M H V E R F I Ð !
TÆKIFÆRI Í FJÖLGUN SKEMMTIFERÐASKIPA
➜ Alls komu 89 skemmti-
ferðaskip til Reykjavíkur í
sumar með um 98 þúsund
farþega.
➜ Framkvæmdastjóri TVG-
Zimsen segir áhuga á
Norðurslóðum opna á
tækifæri.
➜ Ísland er orðið sér áfanga-
staður fyrir skemmtiferða-
skip.
SÍÐA 6-7
Alcoa gerir samning við Boeing
Alcoa hefur undirritað langtímasamning við
bandaríska flugvélaframleiðandann Boeing um
framleiðslu á margvíslegum íhlutum og álplötum
í flugvélar Boeing. Samningurinn er metinn á um
einn milljarð Bandaríkjadala að því er fram kemur
á heimasíðu Alcoa. Samningurinn er sá stærsti
sem fyrirtækin hafa gert til þessa og felur hann
einnig í sér umtalsvert samstarf um þróun á nýju,
háþróuðu og léttara málmblendi í flugvélar Boeing.
„Samstarf Alcoa og Boeing er nú tryggt næstu
35 árin og við munum halda áfram samstarfi um
þróun á nýjum og framúrskarandi tæknilausnum
fyrir flugvélaiðnaðinn,“ segir Klaus Kleinfeld, for-
stjóri og stjórnarformaður Alcoa, um samninginn.
- fbj
Stefnir í heimsmet í útboði
Amerískir fjárfestar bítast nú um að kaupa hlut í
kínverska netsölurisanum Alibaba, sem fer á mark-
að í útboði sem gæti orðið það stærsta í sögunni.
Skráð verð á hvern hlut hefur hækkað verulega og
er komið upp í 66 til 68 Bandaríkjadali. Eftirspurnin
er því mikil en Alibaba stefnir að sölu fyrir 25 millj-
arða dala í útboðinu. Argricultural Bank of China
aflaði sem nemur 22,1 milljarði Bandaríkjadala í út-
boði í Kína árið 2010 sem er núverandi heimsmet.
Fari sem horfir verður heildarmarkaðsvirði fyrir-
tækisins um 168 milljarðar Bandaríkjadala og þann-
ig verðmætara en Amazon. - fbj
Stjórnendur ekki við sama borð
Kaupmáttur launa hækkaði um 3,5 prósent í júlí
frá sama tíma í fyrra. Aukinn kaupmáttur með
litlum launabreytingum er rakinn til þess að
áherslur við gerð síðustu kjarasamninga hafi tekist
vel. Þetta kemur fram í Hagsjá Landsbankans.
Þar kemur að auki fram að athygli veki að
stjórnendur virðist ekki skara fram úr í launaþró-
un að nokkru leyti, en mikil umræða var um mikl-
ar launahækkanir forstjóra eftir útkomu tekju-
blaða í sumar. Þjónustu- og afgreiðslufólk hafi
notið mestra hlutfallslegra kjarabóta og þar á eftir
skrifstofufólk, tæknar og sérmenntað fólk. Þessar
upplýsingar bendi til að mikill munur sé á launa-
hækkunum stjórnenda, ekki sitji allir við sama
borð. Verkafólk og iðnaðarmenn hækki minnst í
kaupmætti á tímabilinu. - fbj