Fréttablaðið - 25.10.2014, Qupperneq 37

- fyrir fólkið í landinu!
Viðurkenning
fyrir hágæða
mjólkurafurðir
án laktósa
Í umsögn dómnefndar segir: Fjöregg MNÍ var afhent
á Matvæladegi 17. október og hlýtur Arna ehf. þessa
viðurkenningu fyrir framleiðslu sína á hágæða mjólkur-
afurðum án laktósa. Tilkoma Örnu var ákveðin tímamót
fyrir þá sem eru með laktósaóþol en vilja geta neytt
ferskra mjólkurafurða af því tagi sem fyrirtækið fram-
leiðir. Arna er lítið en vaxandi fyrirtæki sem starfar í
tæplega 1000 manna bæjarfélagi á Vestfjörðum. Einn
af styrkleikum Örnu felst í því að hún er lítið og sveigjan-
legt fyrirtæki.
Fjöregg MNÍ
Önnur fyrirtæki sem voru tilnefnd til verðlaunanna og náðu hátt að mati dómnefndar voru: Eimverk ehf. fyrir vöruþróun og notkun á lífrænu íslensku byggi til framleiðslu á viskíi og gini en Eimverk er fyrst íslenskra fyrirtækja til að framleiða maltviskí; Garðyrkjustöðin
Sunna í Sólheimum í Grímsnesi fyrir frumkvöðlastarf og elju við lífræna ræktun grænmetis; Omnom ehf. fyrir skemmtilega nýjung í súkkulaðigerð á Íslandi en fyrirtækið framleiðir súkkulaði alveg frá grunni, þ.e. beint úr baununum auk þess sem umbúðahönnun er einnig
mjög vel heppnuð; Sólsker ehf. fyrir úrvinnslu afurða úr makríl en fyrirtækið framleiðir bæði makrílpaté og heitreyktan makríl auk þess að stunda umhverfisvænar veiðar og vinnslu.
Jón Bjarni Gunnarsson, aðstoðarframkvæmdastjóri SI og formaður dómnefndar, afhenti Fjöreggið en það er sem fyrr gefið af Samtökum iðnaðarins.
ARNA ehf.
Matvæla- og næringarfræðafélag Íslands
Nýtt frá Örnu
Íslenskur Salatfeti í kryddlegi, án laktósa
Arna mun á næstu dögum setja á markað
Salatfeta án laktósa í kryddolíu.
Í kryddolíuna er blandað rauðlauk,
hvítlauk, rósmaríni, basiliku, timjan
og rósapipar og ber osturinn keim
af þessum kryddum.
Verði ykkur að góðu!