Fréttablaðið - 21.02.2015, Blaðsíða 34

21. febrúar 2015 LAUGARDAGUR| HELGINTÆKNI | 34
lengi að gera vart við sig (HIV). Við
værum varnarlaus gegn veiru sem
sameinar þessa þætti. Þrátt fyrir
öflugar sjúkdómavarnir er aukið
þéttbýli vandamál og öflugri sam-
göngur opna á nýjar og alvarlegri
smitleiðir.
4. Hrun vistkerfa
Aldauði er hugtak sem notað er
yfir atburð þegar yfirgnæfandi
meirihluta einstaklinga af ákveð-
inni tegund drepst. Þetta hefur
gerst nokkrum sinnum, til dæmis
með risaeðlunum. Út frá gífurleg-
um fjölda tegunda sem er útrýmt
á ári hverju eru margir sem full-
yrða að við lifum núna á nýju skeiði
aldauða.
5. Hrun samfélaga
Hér er vísað til efnahagskreppu og
félagslegs glundroða sem fylgir í
kjölfarið. Höfundarnir benda á að
heimsskipan stjórnmála og fjár-
mála byggist á nokkrum stórum
kerfum sem öll reiða sig hvert á
annað til að þrauka. Ekki vænlegt
til árangurs.
6. Árekstur við smástirni
Við fáum heimsókn frá stóru smá-
stirni (5 km í þvermál) á 20 milljóna
ára fresti eða svo. Blessunarlega
þekkjum við þessa ógn nokkuð vel.
Sjálfur áreksturinn yrði alvarlegur
en stóra vandamálið verður rykský-
in sem leggjast yfir jarðkringluna
og kæfa gróður og menn.
7. Ofureldstöð
Þær þekkjum við líka vel. Rétt eins
og vandamálið með smástirnið þá
eru það gosagnir sem þyrlast upp
í andrúmsloftið sem verða stóra
vandamálið með tilliti til samgangna
og fæðuframleiðslu. Við vitum um
tuttugu ofureldstöðvar sem stendur.
8. Líftækni
Við erum rétt að fóta okkur í spenn-
andi heimi líftækninnar. Þrátt fyrir
að erfðabreytt matvæli gefi góða
raun er regluverkið í þessum bransa
ungt og máttlítið þegar frumkvöðl-
ar eru annars vegar. Hættan á stór-
felldum breytingum á vistkerfum er
sannarlega áhyggjuefni, svo ekki sé
minnst á þróun efnavopna.
9. Nanótækni
Önnur tækni sem við skiljum ekki
nægilega vel en möguleikarnir
eru stórkostlegir. Rannsakendur
benda á hættuna á þróun véla sem
framleiða eftirlíkingar af sjálfum
sér sem mögulega geta yfirtekið
umhverfi sitt.
10. Gervigreind
Raunveruleg gervigreind, ekki
meðalsnjallar vélar heldur vélar
með yfirburðagreind eru fyrir-
bæri sem við munum, eðli málsins
samkvæmt, ekki skilja. Hvernig
stjórnum við því sem við skiljum
ekki? Hvað ef velferð mannanna
skiptir ofurgreinda vél ekki
nokkru máli?
PODCAST
Mér finnst huggulegt að geta hlustað á fína
örþætti á meðan ég labba á milli staða. Mæli
sérstaklega með þáttunum This American Life
og Freakonomics.
QUIZUP
Þetta íslenska spurningakeppnisapp hefur
löngu sannað sig sem frábær tímaþjófur.
Ég bíð spennt eftir nýju útgáfunni.
TWITTER
Ég var lengi hrædd við Twitt er en við að ná
smám saman tökum á því sýnist mér það
vera skemmtilegasti samfélagsmiðillinn.
NIGHT SKY
Sniðugt app fyrir okkur sem
lærðum aldrei almennilega
hvernig Karlsvagninn lítur
út með því einfaldlega að
beina símanum til himins.
DUOLINGO
Tungumálakennsluapp þar sem þú verður að
ná ákveðinni færni til að komast áfram eins
og í tölvuleik. Skemmtilegt að læra ítölskuna
sem mig hefur alltaf langað til að kunna.
UNTAPPD – DISCOVER BEER
Samfélagsleg viðbót við aukna bjórmenn-
ingu landans þar sem bjóráhugamenn geta
deilt myndum og staðsetningu bjórsöturs
með athugasemdum og einkunnagjöf.
PERIOD TRACKER
Fyrsta appið sem ég fékk mér á eftir
Facebook. Sniðugt app sem lærir inn á tíða-
hring hverrar konu betur en hún sjálf, sem
getur aldeilis verið nytsamlegt.
MENIGA
Skynsamlegt app þótt það sé svolítið erfitt
að hætta að vera í fullkominni afneitun um
hvað ég eyði peningunum mínum í.
Þróun í rétta
átt
EVOLVE ★★★★ ★
Turtle Rock Studios/
XBOX ONE/PS4 SPENNA
Leikjahönnuðirnir hjá Turtle Rock
Studios kunna að búa til tölvuleiki.
Þeir sönnuðu það með Left 4 Dead,
einum besta fjölspilunarleik fyrr og
síðar. Áherslan á samskipti spilara
er einnig í Evolve en hér gengur
framleiðandinn skrefinu lengra.
Spilarinn velur milli fjögurra
flokka veiðimanna elta skrímslið
á fjarlægri plánetu. Flokkarnir
eru afar fjölbreyttir. Hver og einn
er ómissandi ef markmiðið er að
drepa skrímslið. Þannig er samstarf
spilara nauðsynlegt. Spilarinn getur
síðan valið að stjórna skrímslinu
og um leið breytist Evolve í satan-
íska útgáfu af Pacman. Skrímslið
drepur og étur til að komast á
næsta stig þróunar. Þegar 3. stigi er
náð er skrímslið nánast ósigrandi.
Spilunin er frábær og sömu-
leiðis hönnun umhverfisins og
borðanna. Sagan er þó varla til
staðar sem er miður og óheyrilegt
framboð af niðurhalsefni (DLC) við
útgáfu er síðan hálfgerð móðgun
við spilara.
Stóra vandamálið aftur á móti
er mannlegi þátturinn. Afar fáir
spilarar nota hljóðnemann, örfáir
í raun og um leið hrynja samskipti
spilara. Ef þú ætlar að spila hinn
frábæra Evolve, notaðu hljóð-
nemann. - khn
T. S. Eliot veltir fyrir sér í stórvirki sínu The Holl-ow Men tilgangsleysi mannsins, vonleysinu sem sífellt gerir vart við sig í skúmaskotum
mannshugans. Eliot fullyrðir í lokin
að heimurinn farist ekki með hvelli,
heldur kjökri. Mögulega sá Eliot
ekki stóru myndina. Mögulega er
enginn tilgangur annar en að bæta
heiminn. Þetta er að minnsta kosti
það sem Dennis Pamlin og Stuart
Armstrong, rannsakendur hjá
Global Challenge Foundation og Fut-
ure of Humanity-stofnuninni lögðu
til þegar þeir skráðu tíu líklegustu
sviðsmyndirnar fyrir ragnarök út
frá vísindalegum heimildum. Hætt-
urnar eru til staðar og munu líklega
raungerast. Það er markmið okkar
að koma í veg fyrir það.
1. Stórfelldar loftslagsbreytingar
Þetta ætti ekki að koma á óvart.
Óvissuþættirnir eru margir (þiðnun
sífrera o.fl.) og gera það að verkum
að erfitt er að segja til um hversu
mikið hitastig kemur til með að
hækka. Bjartsýnismenn segja 2°C,
aðrir gera ráð fyrir 4°C og 6°C á
næstu öldum. Slík hækkun mun
hafa ólýsanleg áhrif á vistkerfi
jarðar. Fótunum er kippt undan til-
vist mannsins. Það sem meira er þá
vitum við að loftslagsbreytingar
hafa verið orsökin fyrir hruni sið-
menninga áður.
2. Kjarnorkustyrjöld
Gömul og góð hugmynd. Hér er
áhersla lögð á samskipti kjarnorku-
veldanna, hvernig þeim er háttað og
líkur á átökum. Styrjöld sem þessi
og kjarnorkuveturinn sem fylgir
mun að öllum líkindum raska fæðu-
framleiðslu heimsins. T.S. Eliot hefði
verið hrifinn af þessu. Í kjarnorku-
styrjöld sveltum við.
3. Hnattræn farsótt
Við þekkjum pestir sem eru ólækn-
anlegar (ebóla), banvænar í meiri-
hluta tilfella (hundaæði), gríðarlega
smitandi (venjulegt kvef) og eru
Stórfelldar loftslagsbreytingar
líklegasta orsök heimsendis
Hvernig ferst heimurinn? Ný rannsókn byggð á vísindalegum gögnum útlistar líklegustu ástæður heimsendis. Markmið
rannsóknarinnar er að hvetja fólk til umhugsunar um hætturnar.
EVOLVE
Leikurinn
er ný
nálgun á
skotleiki.
1
9
23
6
UPPÁHALDS
ÖPPIN8
Hildur
Sverrisdóttir
borgarfulltrúi
Sjálfstæðis-
flokksins
Kjartan Hreinn
Njálsson
kjartanh@365.is
3G 9:41 AM
NightSky Twitter PeriodTracker
QuizUp PodCast DuoLingo Untappd
Meniga
2
0
-0
2
-2
0
1
5

2
1
:4
6
F
B
1
2
0
s
_
P
0
8
7
K
.p
1
.p
d
f
F
B
1
2
0
s
_
P
0
8
7
K
.p
1
.p
d
f
F
B
1
2
0
s
_
P
0
3
4
K
.p
1
.p
d
f
F
B
1
2
0
s
_
P
0
3
4
K
.p
1
.p
d
f
A
u
to
m
a
ti
o
n
P
la
te
r
e
m
a
k
e
:
1
3
E
0
-E
C
5
0
1
3
E
0
-E
B
1
4
1
3
E
0
-E
9
D
8
1
3
E
0
-E
8
9
C
2
8
0
X
4
0
0
1
B

F
B
1
2
0
s
C
M
Y
K