Fréttablaðið - 21.02.2015, Blaðsíða 112

21. febrúar 2015 LAUGARDAGUR| SPORT | 68
KÖRFUBOLTI Bikarúrslita dagur er
runninn upp í körfu boltanum. Í
dag verða bikarmeistarar krýnd-
ir í Laugardalshöll þar sem
Keflavík og Grindavík mætast í
kvennaflokki og KR og Stjarnan í
karlaflokki. Kvennaleikurinn fer
fram klukkan 13.30 og karlaleik-
urinn klukkan 16.00.
Fastlega er búist við sigri KR
hjá körlunum eins og spáin hér til
hliðar gefur til kynna. Liðið hefur
drottnað yfir Dominos-deildinni í
vetur og verið nær ósigrandi. KR-
liðið var einnig óárennilegt árið
2009 þegar Stjarnan vann einn
óvæntasta bikarsigur sögunnar
gegn Jóni Arnóri Stefánssyni og
félögum. Það er því ekkert bókað
fyrir fram.
Spennan ætti að vera meiri í
kvennaleiknum. Þrír spekingar
Fréttablaðsins spá Grindavík sigri
og þrír Keflavík sigri, en Kefl-
víkingar eiga í smá meiðslavand-
ræðum. Carmen Tyson-Thomas,
bandarískur leikmaður Keflavík-
ur, er meidd og verður líklega ekki
með.
Hrafn röngum megin?
KR hefur aðeins einu sinni orðið
bikarmeistari frá og með 2002, en
liðið vann tvöfalt árið 2011. Þjálf-
ari liðsins þá var Hrafn Kristjáns-
son sem þjálfar Stjörnumenn í dag.
Stjörnumenn eru vafalítið fegnir
að vera með hann í sínu liði.
Stjörnumenn urðu árið 2013
fjórða félagið til að vinna tvo
fyrstu bikarúrslitaleikina í sögu
félagsins en hin eru KR, Haukar
og Grindavík. Stjarnan á með sigri
möguleika á að komast í hóp með
KR og Grindavík sem unnu fyrstu
þrjá úrslitaleikina sína.
Aðeins þrír leikmenn KR sem
urðu bikarmeistarar árið 2011
verða með liðinu í úrslitaleiknum
í ár en það eru þeir Brynjar Þór
Björnsson, Finnur Atli Magnússon
og Pavel Ermolinskij.
Svo skemmtilega vill til að það
eru jafnmargir í Stjörnuliðinu í
dag sem tóku þátt í þessum bikar-
sigri Vesturbæinga fyrir fjórum
árum. Ágúst Angantýsson og Jón
Orri Kristjánsson léku þá báðir
með KR-liðinu í úrslitaleiknum og
Hrafn Kristjánsson var þjálfari
KR á þeim tíma.
Sverrir enn og aftur í Höllinni
Kvennalið Grindavíkur mætir í
Höllina með ása uppi í erminni því
innan liðsins eru fjórir sem hafa
orðið bikarmeistarar með Kefla-
vík.
Pálína Gunnlaugsdóttir (2011
og 2013), María Ben Erlings dóttir
(2004) og Ingibjörg Jakobs dóttir
(2011) hafa allar orðið bikarmeist-
arar með Keflavíkurliðinu og
þjálfarinn, Sverrir Þór Sverrisson,
vann bikarinn líka tvisvar sinnum
sem leikmaður Keflavíkur.
Sverrir Þór Sverrisson, þjálf-
ari kvennaliðs Grindavíkur, hefur
verið fastagestur á bikarúrslita-
helginni undanfarin ár en hann er
nú kominn með lið í Höllina fjórða
árið í röð.
Sverrir Þór gerði karlalið
Grindavíkur að bikarmeisturum
í fyrra og fór einnig með Grinda-
víkurliðið í úrslitaleikinn árið
áður þar sem Grindvíkingar töp-
uðu fyrir Stjörnunni. Árið þar
áður varð hann bikarmeistari með
kvennalið Njarðvíkur.
Getum bara hægt á þeim
„Sem hópur erum við bara góðir.
Þjálfaraliðið hefur sett upp góða
leikáætlun og ef við förum eftir
henni eigum við góðan mögu-
leika á að vinna KR,“ segir Just-
in Shouse, leikmaður Stjörnunnar.
Bandaríkjamaðurinn eldhressi
er að fara í sinn fjórða bikar-
úrslitaleik á ferlinum og þann
þriðja með Stjörnunni. Áður vann
hann einn með Snæfelli. Mótherj-
inn, KR, er á toppi deildarinnar
og hefur verið illviðráðanlegt allt
tímabilið.
„Aðalatriðið er að hafa tök á
Pavel sem er erfitt því hann er svo
góður leikmaður. Ef þú getur
stöðvað hann að einhverju
leyti þá ertu í góðum málum.
Svo verðum við að hafa hemil
á Craion inni í teignum. Það
er auðvitað erfitt en við teljum
okkur geta mætt KR í flest-
um stöðum. Lykilatriðið
er bara að hægja á öllum
leikmönnum KR-liðsins
því það er ekki hægt að
stoppa það,“ segir Justin.
Fyrir fimm árum fór
Justin fyrir Stjörnu-
liðinu sem vann óvænt
draumalið KR í bikar-
úrslitum með Jón
Arnór Stefánsson og
Jakob Örn Sigurðar-
son innanborðs.
„Maður lærir af svo-
leiðis reynslu. Það eru nokkrir í
liðinu sem spiluðu þann leik og
líka ungir strákar sem upplifðu
gleðina eftir þann leik í kringum
félagið. Þetta er allt annar leikur
auðvitað og við verðum að spila af
krafti og gera þetta með hjartanu.
Við munum samt hvað gerðist 2009
og höfum það aftast í hausnum,“
segir Justin.
Stjarnan hefur verið að spila
betur eftir áramót og er í þriðja
sæti Dominos-deildarinnar. Kana-
skiptin höfðu góð áhrif á liðið.
„Það var mikilvægt púsl fyrir
okkur að fá Jeremy Atkinson.
Hann bætir sig með hverjum leikn-
um sem er mikilvægt í aðdraganda
svona stórleiks. Við unnum Fjölni
og Skallagrím í síðustu leikjum og
þó að þau séu við botninn var hann
að spila vel. Að fá hann hefur líka
gert okkur kleift að sækja bæði
inn í teig og að skjóta fyrir utan
eins og við gerðum of mikið
af með Jarrid Frye,“ segir
Justin.
Gott fyrir ferilskrána
„Við erum rosalega spennt-
ar og það er góð
stemning í mann-
skapnum,“ segir
Pálína Gunn-
laugsdótt-
ir, leik-
maður
Grinda-
víkur.
Bæði lið
hafa verið á
miklum skriði
að undanförnu
og þau mætt-
ust 11. febrú-
ar í gen er al-
prufu fyrir
úrslitaleik-
inn. Þann
leik vann
Grindavík með níu stiga mun og
Grindjánar unnu einnig leikinn á
undan því gegn Keflavík.
„Keflavík er með flott lið en
við líka. Þarna eru tvö góð lið
að mætast. Við einbeitum okkur
samt bara að okkar leik og sér-
staklega að því að hafa gaman.
Það eru bara tvö lið sem komast
í úrslitaleikinn og hin liðin eru í
tíu daga fríi á meðan. Það skiptir
miklu máli að njóta þess að vera í
Höllinni,“ segir Pálína.
Stemningin er búin að vera
mikil í Grindavík í aðdraganda
leiksins og æfingavikan óhefð-
bundin hjá stelpunum.
„Vikan fyrir bikarúrslitaleik-
inn er alltaf skemmtilegust og
hún þjappar hópnum saman. Við
erum búnar að fara í keilu og út
að borða í vikunni. Svo fengum
við bréf frá nafnlausum aðila
með mynd af okkur en í þeim
stóðu vel valin orð. Svo er gulur
dagur í dag [gær] í bænum. Allir
mæta í gulu í vinnuna, skólann og
á bæjarskrifstofuna. Það er kátt í
bænum.“
Þessi magnaða körfuboltakona,
sem hefur þrisvar verið kjörin
besti leikmaður ársins, þekkir
það vel að fara í bikarúrslit. Hún
getur orðið sú þriðja sem vinnur
bikarinn með þremur félögum.
„Ég er orðin virkilega spennt.
Ég var að skoða þetta hjá mér í
vikunni. Ég hef farið sex sinnum
í Höllina og unnið fjórum sinnum.
Það yrði því algjör himnasending
að vinna með þriðja liðinu og gott
fyrir ferilskrána mína,“ segir
Pálína sem yfirgaf einmitt Kefla-
vík fyrir Grindavík:
„Þetta er það sem mig langaði
að gera þegar ég fór til Grinda-
víkur. Ég var búin að vinna öll
liðs- og einstaklingsverðlaun með
Keflavík og vildi því takast á við
nýjar áskoranir.“
SPORT
FULLTRÚAR LIÐANNA FJÖGURRA SEM SPILA TIL ÚRSLITA Í DAG Talið frá vinstri: Brynjar Þór Björnsson (KR), Sandra Lind
Þrastardóttir (Keflavík), Pálína Gunnlaugsdóttir (Grindavík) og Dagur Kár Jónsson (Stjarnan). FRÉTTABLAÐIÐ/STEFÁN
KÖRFUBOLTI Fréttablaðið fékk sex
leikmenn úr sex liðum úr bæði
Dominos-deild karla og kvenna í
körfubolta til að spá um úrslita-
leikina í Powerade-bikarnum í
Laugardalshöllinni í dag.
Fimm af sex spá KR-liðinu
sigri í karlaleiknum og það er
aðeins Þórsarinn Grétar Ingi
Erlendsson sem hefur trú á
Stjörnuliðinu.
Það er útlit fyrir mjög spenn-
andi úrslitaleik því það eru jafn
margar sem spá Keflavík sigri
og spá Grindavík sigri. Snæfell-
ingurinn, Haukakonan og Blikinn
spá Keflavík sigri en Valsarinn,
Hamarsstelpan og KR-ingurinn
hafa meiri trú á Grindavík. - óój

KARLALEIKURINN KL. 16.00
PÉTUR RÚNAR BIRGISSON, TINDASTÓL
KR vinnur með 7 stigum
Maður leiksins: Michael Craion, KR
LOGI GUNNARSSON, NJARÐVÍK
KR vinnur með 7 stigum
Maður leiksins: Helgi Már Magnússon, KR
EMIL BARJA, HAUKUM
KR vinnur með 9 stigum
Maður leiksins: Michael Craion, KR
GRÉTAR INGI ERLENDSSON, ÞÓR ÞORL.
Stjarnan vinnur með 2 stigum
Maður leiksins: Marvin Valdimarsson, Stjörnunni
JÓHANN ÁRNI ÓLAFSSON, GRINDAVÍK
KR vinnur með 4 stigum
Maður leiksins: Helgi Már Magnússon, KR
SIGURÐUR ÞORVALDSSON, SNÆFELLI
KR vinnur með 16 stigum
Maður leiksins: Michael Craion, KR
KVENNALEIKURINN KL. 13.30
HILDUR SIGURÐARDÓTTIR, SNÆFELLI
Keflavík vinnur með 13 stigum
Maður leiksins: Birna Valgarðsdóttir, Keflavík
AUÐUR ÍRIS ÓLAFSDÓTTIR, HAUKUM
Keflavík vinnur með 8 stigum
Maður leiksins: Carmen Tyson-Thomas ef hún
spilar en annars Bryndís Guðmundsdóttir, Keflavík
GUÐBJÖRG SVERRISDÓTTIR, VAL
Grindavík vinnur með 7 stigum
Maður leiksins: Pálína Gunnlaugsdóttir, Grindavík
SALBJÖRG SÆVARSDÓTTIR, HAMRI
Grindavík vinnur með 3 stigum
Maður leiksins: Petrúnella Skúladóttir, Grindavík
BJÖRG GUÐRÚN EINARSDÓTTIR, KR
Grindavík vinnur með 5 stigum
Maður leiksins: Pálína Gunnlaugsdóttir, Grindavík
JÓHANNA SVEINSDÓTTIR, BREIÐAB.
Keflavík vinnur með 4 stigum
Maður leiksins: Sara Rún Hinriksdóttir, Keflavík
Hvernig fer í
Höllinni í dag? Ekki hægt að stoppa KR
Bikarúrslitin í körfunni fara fram í dag. Kefl avík mætir Grindavík í kvennafl okki og KR og Stjarnan eigast við
í karlafl okki. Búist er við spennuleik hjá konunum en eins og 2009 er Stjarnan litla liðið hjá körlunum.
MEÐ STJÖRNUNNI FRÁ 2008 Justin
Shouse í leik með Stjörnunni fyrir sex
árum. FRÉTTABLAÐIÐ/VILHELM
SKÍÐAGANGA Sævar Birgisson skíða-
göngukappi er ekki ánægður með
keppnistímabilið og árangurinn í
sprettgöngu á HM í Falun í Svíþjóð,
sem nú stendur yfir. Hann keppir
á morgun í sprettboðgöngu ásamt
Brynjari Leó Kristinssyni og verður
það hans síðasta grein á mótinu.
Sævar lenti í vandræðum í upphafi
keppnistímabilsins vegna veikinda og
missti af mörgum mótum. „Ég ákvað
að lengja keppnistímabilið mitt í
hinn endann fyrst byrjunin var
svona hjá mér. Ég keppi á kanad-
íska meistaramótinu í mars og
held svo jafnvel aftur til Svíþjóðar
og Noregs og keppi meira þar, sem og
á æfingamótum heima,“ sagði Sævar
í samtali við Fréttablaðið.
Hann er þegar byrjaður að hugsa
um næstu Vetrarólympíuleika en þeir
fara fram í Pyeongchang í Suður-
Kóreu árið 2018. „Ég er ekki búinn
að taka endanlega ákvörðun um
hvað ég geri en stefni að því að gera
það í apríl. Þá tek ég annaðhvort þá
ákvörðun að halda áfram í þessu í
þrjú ár eða einfaldlega hætta. Annað-
hvort gerir maður þetta almennilega
eða ekki enda vinnst ekki mikill tími
til annars ef maður vill ná almenni-
legum árangri,“ segir hann.
„Ég veit hvað ég get á mínum
besta degi. Þá á ég að geta strítt
mörgum af þeim bestu,“ segir hann.
Held áfram næstu þrjú árin eða hætti
VILL KOMAST TIL SUÐUR-KÓREU
Sævar var fánaberi Íslands á Vetrar-
ólympíu leikunum í Sotsjí. FRÉTTABLAÐIÐ/GETTY
FÓTBOLTI Bakvörðurinn Guðmundur Reynir Gunnarsson
er hættur við að hætta og mun spila með Víkingi Ólafsvík
í Pepsi-deild karla í sumar. Guðmundur Reynir hefur spilað
með KR allan sinn feril fyrir utan stutta dvöl í Svíþjóð.
„Ég ætlaði að hætta en síðan eru nokkrir strákar sem
ég þekki mættir í Ólafsvík og það kveikti aðeins í mér,“
sagði Guðmundur Reynir við Vísi í gær en Egill Jónsson
verður í láni hjá Ólafsvíkingum auk þess sem Torfi Karl
Ólafsson gekk til liðs við félagið frá KR í vetur.
„Ég hef pælt síðustu vikuna hvort ég ætti að prófa
eitthvað nýtt og ákvað á endanum að taka slaginn,“
segir Guðmundur en hann samdi við Víking til 2016.
„KR-ingarnir voru mjög liðlegir að leyfa mér þetta
og kann ég þeim bestu þakkir. Ég ætlaði aldrei að
spila í úrvalsdeildinni í sumar, en ég gæti spilað
aftur fyrir KR sumarið 2016. Það er enn óvíst.“ - esá
Guðmundur Reynir orðinn Ólsari
2
0
-0
2
-2
0
1
5
2
1
:4
6
F
B
1
2
0
s
_
P
1
1
3
K
.p
1
.p
d
f
F
B
1
2
0
s
_
P
1
1
2
K
.p
1
.p
d
f
F
B
1
2
0
s
_
P
0
0
8
K
.p
1
.p
d
f
F
B
1
2
0
s
_
P
0
0
9
K
.p
1
.p
d
f
A
u
to
m
a
tio
n
P
la
te
re
m
a
k
e
: 1
3
E
0
-D
8
9
0
1
3
E
0
-D
7
5
4
1
3
E
0
-D
6
1
8
1
3
E
0
-D
4
D
C
2
8
0
X
4
0
0
7
B

F
B
1
2
0
s
C
M
Y
K