Skessuhorn - 27.11.2013, Side 24

24 ÞRIÐJUDAGUR 26. NÓVEMBER 2013
Bókaverzlun
Breiðafjarðar
Stykkishólmi
S
K
E
S
S
U
H
O
R
N
2
01
3
Þú færð jólagjafirnar
hjá okkur

Falleg lítil verzlun,
í gamla apótekinu
Stykkishólmi
Einnig umboð fyrir Símann,
Happdrætti Háskólans, SÍBS, og DAS

Hafnargötu 1 • Stykkishólmi • 438 1121
BÆKUR • RITFÖNG • LEIKFÖNG • GARN • GJAFAVARA
Verið hjartanlega velkomin
Jólamarkaður – laus pláss

HINN HÁTÍÐLEGI JÓLAMARKAÐUR
FRAMFARAFÉLAGS BORGFIRÐINGA
verður haldinn laugardaginn 7. desember í
Gömlu hlöðunni í Nesi í Reykholtsdal
frá 13:00 til 17:00.
Á markaðnum verður fagurt handverk og úrval
gæðaafurða. Komið og njótið þess besta sem
sveitin býður!
Enn eru nokkur laus pláss fyrir söluaðila. Hafið
samband við Írisi 863 3028 eða Eddu 699 2636
Síðustu misserin hafa tveir ungir
menn í Dölunum og á Barðaströnd
unnið að því að byggja upp sjávar-
útvegsfyrirtæki í útgerð og vinnslu
í Búðardal. Þetta eru þeir félagarn-
ir Baldur Þórir Gíslason og Breki
Bjarnason sem standa að fyrirtæk-
inu Sæfrosti ásamt feðrum sín-
um. Félagið var formlega stofnað
í febrúar síðastliðnum og að jafn-
aði starfa um fimm manns hjá fyrir-
tækinu. Síðasta sumar voru 16 sem
höfðu vinnu á makrílvertíðinni. Það
voru einmitt Baldur Þórir og Gísli
Baldursson faðir hans sem byrjuðu
einir síns liðs makrílveiðar á Stein-
grímsfirði síðsumars 2011. Breki
bættist síðan við á sínum báti sum-
arið eftir, 2012. Þetta voru frum-
herjarnir í veiðum á makríl í Stein-
grímsfirði, á því mikla veiðisvæði
þar sem síðasta sumar voru hátt í
50 bátar á veiðum á fremur litlum
firði, en Steingrímsfjörður var að-
alveiðisvæði smærri báta á makríl
bróðurpartinn af vertíðinni.
Kynntust í
byggingarvinnu
Þeir Baldur Þórir og Breki kynntust
þegar þeir unnu saman í byggingar-
vinnu í Reykjavík haustið 2004. „Þá
var ég nýlega byrjaður á gráslepp-
unni með pabba. Síðan þá höfum
við verið að pæla í ýmsu saman og
mest eitthvað sjávarútvegstengdu.
Það er oft gaman hjá okkur í þess-
um pælingum ekki síst síðasta sum-
ar þegar við vorum að tala saman í
síma og planleggja sitthvoru meg-
in við fjörðinn, hann norðan meg-
in og ég að sunnan,“ segir Bald-
ur Þórir. Eins og áður segir standa
þeir í útgerð ásamt feðrum sínum
og hvor um sig gera út þrjá minni
báta. Baldur Þórir og Gísli fað-
ir hans gera út á grásleppuna frá
Skarðsstöð. Breki, sem er frá Auðs-
haug, - austasta bænum í Vestur-
Barðastrandsýslu, er með útgerð
ásamt Bjarna Kristjánssyni föður
sínum á Brjánslæk. Báðar útgerð-
irnar hafa um árabil gert út á grá-
sleppuna. Breki keypti sér eigin bát
vorið 2007 og var þá trúlega yngsti
skipstjórinn á vertíðinni. Hann er í
dag 29 ára, þremur árum yngri en
Baldur Þórir. Þeir félagar segja að
grásleppuveiðarnar hafi í sjálfu sér
gengið vel í þá þrjá mánuði, sem
vertíðin yfirleitt stendur að sumr-
inu, en verð á grásleppuhrognum
séu upp og niður og voru eiginlega
í lágmarki á þessu ári.
Byrjuðu í gamni
á makrílnum
Eins og áður segir byrjuðu þeir
feðgar Baldur Þórir og Gísli á
makrílveiðum á Steingrímsfirði
síðsumars 2011. „Þetta var bara í
gamni sem við fórum í þetta, enda
þá engin vinnsla til að taka við mak-
rílnum. Við vorum bara ósköp kát-
ir með að veiða 500 kíló í róðrin-
um. Þeir vildu varla taka við aflan-
um á fiskmarkaðinn en féllust þó á
það. Ætluðu svo varla að þora að
segja hvað við fengum fyrir aflann,
tíu krónur á kílóið eða fimm þús-
und krónur fyrir farminn. Við vor-
um því vel kauplausir þann daginn,
en var slétt sama þar sem við vor-
um bara að gera þetta fyrir ánægj-
una. Sumarið eftir leit þetta betur
út, því þá var farið að taka við mak-
rílnum frá smábátunum til vinnslu.
Þá bættist Breki við en það var al-
veg ævintýralegt að við skildum
sitja einir af aflanum á Steingríms-
firði. Þá fengum við samtals um 50
tonn á báða bátana. Síðasta sumar
varð svo allt vitlaust á Steingríms-
firðinum og þá varð hann makríl-
veiðisvæðið mikla. Hátt í 50 bátar
og samtals veiddu okkar bátar um
120 tonn. Ég komst reyndar ekki á
sjóinn, var hérna í vinnslunni með-
an ævintýrið gekk yfir, að mestu á
þremur vikum;“ segir Baldur Þórir.
Afköstin eru að aukast
Sæfrost er til húsa í sláturhúsinu í
Búðardal, sem byggt var um 1970
en ekki hefur verið slátrað þar síð-
ustu árin. Sæfrost hefur haft húsið
á leigu og frá því félagið var form-
lega stofnaði í febrúar hefur líf ver-
ið að færast í húsið. Þar eru nú,
auk Sæfrosts, kræklingaræktendur
að koma sér fyrir með aðstöðu og
Björn Anton Einarsson stálsmiður
að setja upp sitt verkstæði. Þeir Sæ-
frostmenn segja að mikið hafi ver-
ið að gera frá því í febrúar. Þá var
strax byrjað að frysta heilar grá-
sleppur frá bátum á Hólmavík, en
grásleppan heilfryst án hrogna er
nú orðin verðmæt afurð til Kína. Þá
var einnig farið að undirbúa mót-
töku og frystingu á makrílnum, sem
síðasta sumar skilaði um hundrað
krónum á kílóið til bátanna. „Hug-
myndin var að taka á móti afla frá
mörgum bátum á vertíðinni. Topp-
arnir voru hins vegar svo skarp-
ir að við komumst ekki yfir meira
en það sem okkar bátar öfluðu. Að-
staðan hjá okkur var á steinaldar-
stigi síðasta sumar. Allt handflokk-
að og raðað á pönnur í frystirinn
eftir gamla laginu. Við fórum svo í
það eftir vertíðina að fá hann Tona
stálsmið til að hanna fyrir okkur
lausfrystiband. Þar með erum við
búnir að tvöfalda afköstin, úr 12
tonna frystigetu á sólarhring í 25
tonn og erum bara nokkuð góðir
með það í bili.“
Alltof lítill kvóti
á síldina
Þeir Breki og Baldur Þórir er að
búa sig út til síldveiða þessa dagana
og taka þann litla síldarkvóta sem
þeir fengu, en það eru aðeins átta
tonn. Þeim finnst ótrúlegt að ráða-
menn þjóðarinnar skuli ekki hafa
dug í sér að úthluta meiri kvóta til
bátanna þegar ljóst er hvað veið-
arnar skapa mikla vinnu. „Þetta
er ótrúlegt, þrátt fyrir allan síld-
ardauðann í fyrra juku þeir heild-
arkvótann núna, en ætla að halda
veiðum smábátanna í lágmarki. Og
það virðist alveg vara sama hvor
blokkin er við völdin. Við tókum
slaginn við Steingrím J. í fyrra en
núna er hinn armurinn við völd
og það lagast ekkert,“ segir Baldur
Þórir sem hefur sig meira frammi í
viðtalinu. Þeir eru ekki líkir félag-
arnir, Breki mun rólegri og trúlega
vega þeir hvorn annan vel upp. Síð-
ustu vikurnar hafa þeir í Sæfrosti
fryst lax fyrir Fjarðarlax, tekið þar
kúfinn af en það fyrirtæki er mik-
ið í útflutningi á ferskum laxi. „Það
er í leiðinni að koma með laxinn til
okkar til frystingar. Hérna í gegn
fer gríðarlegt magn af fiski vestan
af fjörðum. Við erum svona mið-
svæðis hérna. Það er klukkutími
fyrir okkur í báðar áttir, í Skarðs-
stöð þar sem við gerum út á grá-
sleppuna og á Hólmavík þar sem
við róum á makrílinn og síldina,“
segir Baldur Þórir. Það tekur hins
vegar tvo tíma fyrir Breka að keyra
heimanað frá Auðshaug í Búðardal.
Honum finnst það ekkert mikið, en
heldur þó að miklu leyti til í Búðar-
dal. „Mér finnst ekki síst gaman að
við skulum standa í þessu brölti í að
skaffa atvinnu hérna í sláturhúsinu
að afi minn Þórir Thorlacius var
byggingarstjóri hér þegar slátur-
húsið var byggt,“ sagði Baldur Þór-
ir að endingu. þá
Unnið við frystingu á laxi hjá Sæfrosti.
Byggja upp sjávarútvegsfyrirtæki í Búðadal
Baldur Þórir Gíslason og Breki Bjarnason. Nýja lausfrysti færibandið í bakgrunni.