Skessuhorn - 27.11.2013, Blaðsíða 62

62 ÞRIÐJUDAGUR 26. NÓVEMBER 2013
25 gönguleiðir
á Snæfellsnesi
salka.is • Skipholti 50c • 105 Reykjavík
Fjölbreyt
tar
göngulei
ðir
við allra
hæfi
Ný bók í þessum vinsæla bókaflokki
Eftir Reyni Ingibjartsson
Kort með fjölda örnefna, fylgir hverjum
gönguhring, ásamt leiðarlýsingu og
myndum af því sem fyrir augu ber.
Snæfellsnes er meðal vinsælustu
ferðamannastaða.
Hér vísar Reynir okkur veginn að nokkrum
fegurstu náttúruperlunum.
Auglýst eftir umsóknum í
Vaxtarsamning Vesturlands
Vaxtarsamningur Vesturlands
veitir styrki til nýsköpunar- og
atvinnuþróunarverkefna á
Vesturlandi.

Á heimasíðu Vaxtarsamningsins www.vaxtarsamningur.is
undir flipanum „Umsóknir“ er umsóknareyðublað og
upplýsingar um reglur og viðmið varðandi styrkveitingar.

Umsóknum skal skilað rafrænt á netfangið
vaxtarsamningur@vaxtarsamningur.is
en frestur til að skila umsóknum er til 9. desember 2013.
S
K
E
S
S
U
H
O
R
N
2
01
3
Fyrir fjórum árum réðst Ragn-
ar Sigurðsson á Kirkjubóli í Hvít-
ársíðu í að breyta fjósi og hlöðu í
hótel sem stendur á bökkum Hvít-
ár með fallega fjallasýn til Oks-
ins og inn á jöklana, Eiríksjökul
og Langjökul. Ragnar breytti fjós-
inu í veitingasal og í hlöðunni inn-
réttaði hann fimmtán vel búin her-
bergi. Reksturinn leigði hann út en
síðasta haust kom nýr hótelstjóri
til starfa á Hótel Á, eins og hót-
elið heitir einföldu nafni. Það er
sonur Ragnars, Adam Breki Wey-
wadt, sem aðeins er 19 ára gamall
og án efa yngsti hótelstjóri lands-
ins. Adam ræðst ekki á garðinn þar
sem hann er lægstur og er bjart-
sýnn enda lofi bókanir fyrir næsta
ár góðu. Þeir feðgar ætla meira að
segja að brydda upp á ýmsu í vet-
ur. Framundan hjá þeim er jóla-
hlaðborð um miðjan desember. Að-
spurðir segjast þeir vera að byrja að
auglýsa það. „Við eigum allavega
von á fólkinu úr sveitinni og von-
andi líka einhverum hótelgestum,“
segir Adam Breki.
Hálendið og
jöklarnir trekkja
Adam er stúdent frá Kvennaskól-
anum í Reykjavík og segir að nám-
ið þar komi sér vel í hótelstjóra-
starfinu og við reksturinn á hótel-
inu. „Ég reikna með að ég verði
hér eiginlega í öllu. Yfir hávertíð-
ina og þegar meira stendur til fáum
við til okkar kokk. Ég á von á því að
við verðum með um fimm manna
starfslið næsta sumar,“ segir Adam.
Blaðamaður ók fram Hvítársíðuna
í engri umferð og vetrarríki. Því
lá beint við að spyrja Adam, hvort
hann hafi ekkert verið tvístígandi
að koma heim og taka við hótel-
stjórastarfinu? „Nei, hér hef ég ver-
ið frá því ég var barn og hvergi er
betra að vera. Ég vann með Matthí-
asi Jóhannssyni matreiðslumanni
sem var hér með reksturinn áður.
Þannig að ég veit að hverju ég
geng. Það eru hálendis- og jökla-
ferðir sem trekkja fyrir hópa hing-
að. Að langmestu leyti eru þetta
hópar erlendra ferðamanna sem
koma í gegnum ferðaskrifstofurnar.
Síðasta sumar var ósköp lítið um Ís-
lendinga.“
Verðlagningin mætti
vera hóflegri
Aðspurður segir Adam að það sem
vanti sé að lengja ferðamannatím-
ann. Hann hafi mikla trú á því að
það gerist með tímanum. „Við
erum með opið allt árið og veitum
þá þjónustu sem óskað er. Núna
í vetur höfum við til dæmis ver-
ið með hádegismat fyrir hópa. Ég
held við höfum mikla möguleika
að höfða til hópa sem vilja koma
hingað að vetrinum. Meðal annars
í norðurljósaferðir sem eru sífellt
að verða vinsælli. Hins vegar virðist
verðlagningin víða í hótel- og veit-
ingarekstrinum vera að stefna úr
hófi. Við sjáum það bara í nýlegum
kynningum. Okkur finnst það ekki
alveg henta þeim sem eru jafnframt
að glíma við það að lengja ferða-
mannatímann og veita þjónustu allt
árið.“
Adam segist una sér vel í Hvít-
ársíðunni núna í vetur þótt kær-
astan hans sé við nám í Reykja-
vík. „Hérna er alltaf nóg að gera
og enginn tími til að láta sér leið-
ast, enda umhverfið alveg stórkost-
legt,“ sagði Adam Breki að lokum,
en hann segist stefna á nám í hótel-
rekstri eða viðskiptafræði í framtíð-
inni. þá
Svipmynd úr veitingasalnum.
Yngsti hótelstjóri landsins á Hótel Á í Hvítársíðu
Hinn nítján ára Adam Breki Weywadt Ragnarsson hótelstjóri.
Hótel Á stendur á bökkum Hvítár. Hér hefur fjósi og hlöðu verið breytt í veitingastað og hótel.