Skessuhorn - 17.06.2014, Side 6

6 ÞRIÐJUDAGUR 17. JÚNÍ 2014
Endurtalning
breytti engu
AKRANES: Eins og fram kom
í frétt Skessuhorns í síðustu viku
óskaði Vinstri hreyfingin grænt
framboð á Akranesi eftir því við
kjörstjórn að fram færi endur­
talning atkvæða í sveitarstjórn­
arkosningunum á Akranesi.
Var farið fram á það vegna lít­
ils munar á milli 5. manns Sjálf­
stæðisflokks og 1. manns VG.
Var munurinn nákvæmlega 6,2
atkvæði, sem þýddi að við end­
urtalningu hefði VG þurft að fá
a.m.k. sjö atkvæði til viðbótar að
því gefnu að Sjálfstæðisflokkur
fengi ekkert. Endurtalning at­
kvæða fór fram sl. þriðjudags­
kvöld. Eftir hana standa úrslit
kosninganna óbreytt. Reynd­
ar fór það svo að við endur­
talningu bætti Sjálfstæðisflokk­
urinn við sig tveimur atkvæð­
um, Samfylking einu og Frjáls­
ir með framsókn einu, en þessi
fjögur atkvæði höfðu verið tal­
in með auðum atkvæðaseðlum.
Munurinn á 5. manni Sjálfstæð­
isflokks og 1. manni VG jókst
því við endurtalninguna. –mm
Yfir 30 óku
of hratt
LBD: Fjögur umferðaróhöpp
urðu í umdæmi lögreglunnar í
Borgarfirði og Dölum í liðinni
viku, þar af eitt þar sem minni­
háttar meiðsli urðu á fólki. Þrjár
tilkynningar bárum um að ekið
væri á lömb og einn var kærður
fyrir að aka undir áhrifum fíkni­
efna. Flest málin í liðinni viku
voru vegna flýtis á ökumönn­
um. Alls voru 33 kærur vegna of
hraðs aksturs og var einn öku­
maður sviptur ökuréttindum,
en sá ók á 127 km hraða þar sem
hámarkshraði var 50 km. –þá
Brákarhátíð
framundan
BORGARNES: Laugardaginn
28. júní nk. verður Brákarhátíð
haldin í sjötta sinn í Borgarnesi.
Hátíðin hefur vaxið ár frá ári og
er nú orðinn ómissandi hluti
af sumrinu í Borgarfirði. Það
eru Hollvinasamtök Borgar­
ness, áður Neðribæjarsamtökin
í Borgarnesi, sem standa að há­
tíðinni eins og áður. Allur und­
irbúningur og skipulag er unn­
ið í sjálfboðavinnu. Dagskráin
er að taka á sig mynd og verður
aðgengileg á www.brakarhatid.
is ásamt helstu upplýsingum.
–fréttatilkynning
Tóku þátt í víð-
tækri leit
Björgunarsveitar af Vesturlandi
tóku frá því á miðvikudaginn í
síðustu viku þátt í víðtækri leit
að íslenskri konu á fertugsaldri
sem saknað var frá því í viku­
byrjun í Fljótshlíð. Spænsk vin­
kona konunnar fannst látin í
Bleiksárgljúfri skömmu eftir
að leit að konunum hófst. Þar
fundust einnig föt og skófatn­
aður. Að sögn Þórs Bínó Frið­
rikssonar, formanns Björgun­
arfélags Akraness, voru allar
björgunarsveitir af Vesturlandi
beðnar að taka þátt í leitinni.
„Við frá Akranesi vorum mætt
á leitarsvæðið á miðvikudaginn.
Vel hefur gengið að leita þrátt
fyrir að enn hafa aðeins fundið
vísbendingar,“ sagði Þór þegar
Skessuhorn náði sambandi við
hann fyrir helgina. Konan hafði
ekki fundist þegar Skessuhorn
fór í prentun. –jsb
Forstjóraskipti
hjá Elkem
GRUNDART: Framundan
eru forstjóraskipti hjá Elkem
Ísland á Grundartanga. Einar
Þorsteinsson sem gegnt hefur
starfinu síðustu sex árin er að
hverfa til starfa hjá Elkem Fo­
undry í Asíu. Við starfi Einars
hjá Elkem Ísland á Grundar­
tanga tekur 1. ágúst nk. Gest­
ur Pétursson umhverfis­ og
öryggisstjóri. Gestur hefur
sinnt því starfi um árabil ásamt
því að vera staðgengill og ná­
inn samstarfsmaður fráfarandi
forstjóra. Einari Þorsteins­
syni er ætlað hjá Elkem Fo­
undry að leiða sókn fyrirtæk­
isins á hratt vaxandi markaði
fyrir kísilmálm í Asíu. Elkem
er einn stærsti framleiðandi
á kísilmálmi í heiminum og
starfar á þriðja þúsund manns
í verksmiðjum fyrirtækisins í
fjórum álfum; Ameríku, Afr­
íku, Asíu og Evrópu.
–þá
Borgarverk
lægst í vetrar-
þjónustu
VESTURLAND: Um miðj­
an maí voru opnuð hjá Vega­
gerðinni tilboð í vetrarþjón­
ustu næstu þrjú árin á leið­
inni Borgarnes ­ Akranes og
Brattabrekka. Lægsta tilboð í
verkið kom frá Borgarverki ehf
í Borgarnesi upp á 15,8 millj­
ónir króna sem er 90,2% af
kostnaðaráætlun sem var 17,5
milljónir. Kolur ehf í Búðardal
var örlítið yfir áætluninni með
tæplega 18 milljóna króna til­
boð. Tvö önnur tilboð sem
bárust í verkið voru á svipuðu
rólu, eða um 120% af kostn­
aðaráætlun. Þau voru frá Vel­
verk ehf í Borgarnesi og T2
ehf í Reykjavík. Helstu magn­
tölur í tilboðinu voru akstur
mokstursbíla sem er áætlaður
27.000 kílómetrar og biðtími
vélamanns áætlaður 40 klst.
Tilboðið gildir til vors 2017.
–þá
Mikið olíuskip lagðist við NATO­
bryggjuna svokölluðu við olíustöð­
ina á Miðsandi innst í Hvalfirði í
liðinni viku. Það heitir Emerald
Summit og var byggt í Suður­Kór­
eu á síðasta ári. Skipið er tæplega
75 þúsund tonn, 228 metra langt og
breidd þess er 32 metrar. Það kom
tómt til landsins og er því sennilega
að sækja olíu sem geymd hefur ver­
ið í Hvalfirði. Viðsjár eru í heims­
málunum með borgarastyrjöldum
í Sýrlandi og Írak þar sem íslam­
istar sækja fram. Ástandið er einn­
ig ótryggt í Úrkraínu. Olíuverð á
heimsmarkaði hefur farið hækk­
andi það sem af er júnímánuði.
Ekkert bendir til að óróleikinn fari
minnkandi í heimsmálunum og þá
einkum fyrir botni Miðjarðarhafs.
Horfur eru á að olíuverð á heims­
mörkuðum eigi eftir að hækka
verulega þegar líður að hausti og
eftirspurn eykst fyrir veturinn, ekki
síst ef ófriður eykst. Fyrir þá sem
eiga olíu í birgðum gætu því verið
að renna upp „gósentíð“ fyrir sölu
með miklum hagnaði. mþh
Verulegar umbætur hafa orðið í vet­
ur á reiðleiðum á Akranesi. „Akra­
neskaupstaður gerði samning við
hestamannafélagið Dreyra í fyrra
um uppbyggingu á reiðleiðum á
þessu svæði. Samningurinn ger­
ir ráð fyrir styrk, þremur milljón­
um króna á ári, í þrjú ár. Fyrir þessa
peninga hefur félagið m.a. lagfært
reiðstíga. Markmiðið með samn­
ingnum var að auka fjölbreytni
reiðleiða og auka öryggi notenda,“
segir Regína Ástvaldsdóttir bæjar­
stjóri Akraneskaupstaðar.
Möl hefur meðal annars verið
borin og jöfnuð ofan í eldri slóða.
Nú síðast hefur svo verið ráðist í að
endurnýja brú yfir heitavatnslæk­
inn. Vönduð brú úr járni kemur í
stað gamallar trébrúar sem er orðin
ansi lúin. Allar þessar framkvæmd­
ir tengjast þeirri félagsaðstöðu sem
hestamannafélagið hefur á Æðar­
odda en þar er stórt hesthúsahverfi.
Reiðleiðirnar liggja að og frá þessu
svæðinu. „Ástand reiðleiða var orðið
slæmt og því var ákveðið að styrkja
félagið en þó með þeim hætti að fé­
lagið fengi fé til framkvæmda í stað
þess að við tækjum að okkur verk­
efnið,“ segir Regína.
mþh
Nýsmíðuð brú bíður þess nú að verða sett yfir heitavatnslækinn sem fellur í
Miðvog við Höfðavík.
Stórbættar reiðleiðir á Akranesi
Ný reiðleið í grennd við Höfðavík á Akranesi.
Risaolíuskipið Emerald Summit við bryggju í Hvalfirði á laugardag.
Risaolíuskip í Hvalfirði