Skessuhorn - 19.11.2014, Side 4

4 MIÐVIKUDAGUR 19. NÓVEMBER 2014
Kirkjubraut 54-56 - Akranesi - Sími: 433 5500 - www.skessuhorn.is
Skessuhorn kemur út alla miðvikudaga. Skilafrestur auglýsinga er kl. 14.00 á þriðjudög-
um. Auglýsendum er bent á að panta auglýsingapláss tímanlega. Skilafrestur smáaug-
lýsinga er til 12.00 á þriðjudögum.
Blaðið er gefið út í 3.800 eintökum og selt til áskrifenda og í lausasölu.
Áskriftarverð er 2.480 krónur með vsk. á mánuði. Elli- og örorkulífeyrisþegar greiða
kr. 2.150. Rafræn áskrift kostar kr. 1.950. Verð í lausasölu er 600 kr.
SKRIFSTOFA BLAÐSINS ER OPIN KL. 9-16 VIRKA DAGA
Útgefandi: Skessuhorn ehf. skessuhorn@skessuhorn.is
Ritstjórn:
Magnús Magnússon, ritstjóri s. 894 8998 magnus@skessuhorn.is
Þórhallur Ásmundsson, blaðamaður th@skessuhorn.is
Guðný Ruth Þorfinnsdóttir, blaðamaður gudny@skessuhorn.is
Magnús Þór Hafsteinsson, blaðamaður mth@skessuhorn.is
Auglýsingar og dreifing:
Emilía Ottesen, markaðsstjóri emilia@skessuhorn.is
Pálína Alfreðsdóttir palina@skessuhorn.is
Valdimar Björgvinsson valdimar@skessuhorn.is
Tinna Ósk Grímarsdóttir (vefauglýsingar) tinna@skessuhorn.is
Umbrot:
Ómar Örn Sigurðsson omar@skessuhorn.is
Bókhald og innheimta:
Guðbjörg Ólafsdóttir bokhald@skessuhorn.is
Prentun: Landsprent ehf.
Leiðari
Dökkar hliðar upplýsingaaldar
Því fylgja ýmsir kostir að leiðum til upplýsingaöflunar hefur fjölgað. En
ókostir ofmiðlunar eru engu að síður til staðar og eiga sínar skuggahliðar.
Óprúttnir einstaklingar, þjófar, hafa óþarflega miklum upplýsingum úr að
moða þegar þeir skipuleggja myrkraverk sín heima í stofu í Lazy boy - stól-
unum. Nú geta þessir herramenn farið á netið. Þeir velja sér fórnarlömb,
fara svo til dæmis inn á ja.is og finna þar þessar fínu ljósmyndir af húsum
fólks. Einnig geta þeir farið á Google og séð húsa- og götumyndir tekn-
ar með bestu myndgæðum að sumri. Á vefnum geta þeir svo fært sig eftir
götunum, talið glugga og hurðir á húsum, grandskoðað hversu margir ná-
grannar mögulega geta séð heim að viðkomandi húsi, séð hvaða bílar eru
til staðar og svo framvegis. Þegar þessari leit er lokið velja þeir fórnarlömb
úr húsunum og fara svo á Faceook til að lesa sig betur til um fólk. Sumir
notendur þess samskiptamiðils eru duglegir að skrifa, t.d: „Hlakka til helg-
arinnar í sumarhúsinu,“ eða „fjölskyldan búin að panta Spánarferð í byrj-
un júlí.“ Svo getur jafnvel verið að þjófar þessir hafi sérstakan augastað á
húsum sem eru til sölu á vefjum fasteignasala. Þá komast þeir fyrst í feitt!
Á fasteignasölusíðum má oft finna margar, jafnvel tugi, ljósmynda úr híbýl-
um fólks. Fasteignasalarnir með fínu myndavélarnar fara náttúrlega inn í
hvert herbergi og mynda þau í bak og fyrir. Þar geta þjófarnir séð hversu
dýr húsgögn eru í íbúðinni, mávastellin í gegnum glerhurðir stofuskápanna
og ef vel ber í veiði, glittir í hornið á peningaskápnum inni í klæðaskáp eða
á skrifstofunni.
Nýverið var fjallað um það hér í blaðinu að það hefur færst í vöxt að
fólk geymi fjármuni heima hjá sér. Jafnvel töluverða fjármuni í formi pen-
inga, skartgripa, frímerkjasafna eða annarra verðmæta. Í ljós kom í þessari
umfjöllun að ástæðurnar eru margþættar. Fólk treystir ekki bankastofnun-
um eins og það gerði, eldra fólk vill ekki hafa peninga inni á bankareikn-
ingum því fjármagnstekjur skerða greiðslu lífeyris úr opinberum sjóðum,
líkt og greiðslur úr lífeyrissjóðum sannanlega gera. Samfélagið er einfald-
lega ekki fullkomnara þrátt fyrir að einhverjir vilji kenna það við norræna
velferð. Hér á landi er þeim refsað sem gera allt samkvæmt bókinni. Þeim
sem spara til efri áranna, greiða lífeyri í þar til gerða sjóði, borga skatta
og skyldur alla tíð. Hafi þeir óreglulegar tekjur er þeim umsvifalaust refs-
að í formi lækkunar ellilífeyris eða örorkubóta. Engu líkara en að þeir sem
gera allt eins og af þeim er ætlast, sé refsað harðast. Margt fullorðið fólk er
búið að uppgötva þetta. Sumir nurla því undir koddann eða geyma í hólf-
um og hirslum heima hjá sér. Það hafa fyrrgreindir þjófar uppgötvað. Þetta
er þeirri nýi markhópur.
Mér finnst afar sorglegt þegar ég heyri lýsingar fórnarlamba innbrots-
þjófa á því persónulega inngripi sem það upplifir þegar einhverjir hafa lát-
ið greipar sópa heima hjá þeim. Þegar óviðkomandi hafa rótað í persónu-
legum eigum, stolið verðmætum, sem jafnvel tók ár og áratugi að nurla fyr-
ir. Oftar en ekki er tjón af þessum völdum því óbætanlegt, bæði peninga-
og sálarlega.
Sú staðreynd að hægt sé að fara á netið og sækja þar ljósmyndir af hí-
býlum fólks á upplýsingavefjum eins og ja.is kemur mér alltaf jafn mik-
ið á óvart. Hvað voru starfsmenn Persónuverndar að hugsa sem gáfu leyfi
til slíkra myndbirtinga? Þá er ástæða til að hvetja fólk til að íhuga vel það
sem það skrifar á Fésbók og aðra samfélagsmiðla um hagi þess og ferða-
venjur. Þær upplýsingar allar eru sem vatn á myllu þjófanna. Þá þurfa fast-
eignasalar að íhuga þetta einnig. Að endingu hvet ég fólk til að styrkja ná-
grannavörslu hvar sem það býr. Á það við um sveitir, fjölbýlishús eða sér-
eignahverfi í þéttbýli. Það er að mínu viti sjálfsagt mál að hvetja til ná-
grannavörslu og fá grannana til að fylgjast með eignum manns þegar farið
er í ferðalög, jafnvel þótt þau standi stutt. Með því móti verður þjófahysk-
inu allavega gert erfiðara fyrir.
Magnús Magnússon.
Lýsingar vegna tveggja skipulagstillagna í Borgarbyggð
Skotæfingasvæði í landi Hamars
Sveitarstjórn Borgarbyggðar samþykkti á fundi sínum þann 14. ágúst 2014 að auglýsa lýsingu vegna breytinga á aðalskipu-
lagi Borgarbyggðar 2010-2022 fyrir skotæfingasvæði í landi Hamars.
Fyrirhugað er að breyta landnotkun svæðisins úr landbúnaði í íþróttasvæði. Reið- og gönguleið sem liggur að svæðinu
verður skilgreind sem vegur og ný veglína reið- og gönguleiðar verður staðsett fjær skotæfingasvæðinu.

Húsafell
Sveitarstjórn Borgarbyggðar samþykkti á fundi sínum 8. október 2014 að auglýsa lýsingu vegna deiliskipulags lóðar í landi
Húsafells 1.
Markmið deiliskipulagsins er að byggja upp sýningarskála, menningarhús og þjónustuhús vegna menningartengdrar
starfsemi í Húsafelli.

Lýsingarnar eru til sýnis í Ráðhúsi Borgarbyggðar frá 21. nóvember til 1. desember 2014 og á heimasíðu Borgarbyggðar
www.borgarbyggd.is.
Athugasemdir eða ábendingar skulu vera skriflegar og berast skipulagsfulltrúa í síðasta lagi 1. desember 2014
annað hvort í Ráðhús Borgarbyggðar, Borgarbraut 14, 310 Borgarbyggð eða á netfangið lulu@borgarbyggd.is

Borgarnesi, 18. nóvember 2014
Lulu Munk Andersen
skipulags- og byggingarfulltrúi
S
K
E
S
S
U
H
O
R
N
2
01
4
Forsvarsmenn knattspyrnumála í
Grundarfirði tilkynntu KSÍ í gær-
morgun að Ungmennafélag Grund-
arfjarðar ætlaði ekki að senda lið til
keppni í þriðju deild næsta sumar og
myndu því draga sig út úr keppn-
inni. Tómas Freyr Kristjánsson
talsmaður fótboltaliðsins í Grund-
arfirði og helsti leiðtogi liðsins seg-
ir það fúlt að þurfa að taka þessa
ákvörðun. Hann segir að vinnan
við að halda úti liði hafi lent á alltof
fáum. Erfitt hafi verið að manna lið.
Í ekki stærri bæ séu iðkendur ekki á
hverju strái og leitað hafi verið liðs-
styrks erlendis frá. Það sé dýrt auk
þess sem kostnaðarsamt er að taka
þátt í þriðju deildinni. Grundfirð-
ingar hafa staðið sig vel í fótbolt-
anum síðustu árin og eftirsjá verð-
ur af þeim á Ísalandsmótinu næsta
sumar. Meistaraflokkur Grundar-
fjarðar var endurvakinn fyrir fimm
árum og náði liðið að vinna sér sæti
í nýju þriðju deildinni árið 2012.
Sæti Ungmennafélags Grundar-
fjarðar í þriðju deild næsta sum-
ar tekur KFS frá Vestmannaeyjum
sem varð í þriðja sæti í fjórðu deild-
inni í haust. þá
Minningarsjóður Valtýs Guð-
mundssonar í Stykkishólmi stóð
í sumar fyrir söfnun fyrir hjarta-
hnoðtækinu Lúkasi til notkun-
ar í sjúkrabíl HVE í Stykkishólmi.
Valtýr lést í bílslysi í Stykkishólmi
í desember 2006, aðeins 22 ára að
aldri. Hann hefði orðið þrítug-
ur í júlí og var hvatinn að söfnun-
inni að láta gott af sér leiða í minn-
ingu hans. Það var fjölskylda Valtýs
sem stóð fyrir söfnuninni. Að sögn
Hafrúnar Bylgju Guðmundsdóttur,
systur Valtýs, gekk söfnunin vonum
framar.
„Við mættum alls staðar mikilli
jákvæðni hjá fólki og fengum væg-
ast sagt góðar viðtökur. Það tók ekki
nema rétt tæpar sjö vikur að safna
fyrir Lúkasi,“ segir Hafrún Bylgja.
Alls söfnuðust tæpar þrjár millj-
ónir og gátu aðstandendur Valtýs
því látið gott af sér leiða víðar en í
sjúkrabílnum. Auk hjartahnoðtæk-
isins keyptu þeir Ipad spjaldtölvu
til notkunar í sjúkrabílnum, ásamt
nýrri brunndælu fyrir Slökkvi-
lið Stykkishólms. Þá keypti minn-
ingarsjóðurinn einnig tölvubúnað,
tölvuborð og þrjá skrifborðsstóla
fyrir Ásbyrgi, vinnustofu fatlaðra í
Stykkishólmi. „Eftir þessi kaup átt-
um við 160 þúsund krónur í afgang
og styrktum félagsmiðstöðina og
Ásbyrgi fyrir þá upphæð.“
Hafrún segir sjóðinn hafa mætt
mikilli jákvæðni og þess vegna
hafi söfnunin gengið vonum fram-
ar. Hún nefnir að Pizzastaðurinn
Stykkið hafi til dæmis gefið alla
innkomu til söfnunarinnar í einn
dag. Þá hafi einnig verið haldn-
ir tónleikar í Sjávarpakkhúsinu,
þar sem heimamenn gáfu vinnu
sína. Aðgangseyrir var 1000 krón-
ur en Sjávarpakkhúsið gaf 2000 kr.
á móti hverjum seldum miða. „Fyr-
ir hönd sjóðsins vil ég þakka góð-
ar móttökur og jákvæðar undir-
tektir. Þetta fór framar okkar björt-
ustu vonum með hjálp fólksins hér
í bænum,“ segir Hafrún þakklát að
endingu. Formleg afhending gjaf-
anna fór fram á Heilbrigðisstofn-
un Vesturlands í Stykkishólmi síð-
astliðinn miðvikudag.
Víða um land hefur verið safn-
að fyrir hjartahnoðtækjum undan-
farin misseri. Tækin eru sjálfvirk og
koma í stað eins manns við endur-
lífgun og veita þar að auki mun ár-
angursríkara hnoð en nokkur mað-
ur getur enda þreytast þau ekki.
Tækið er ekki fyrir öðrum við end-
urlífgun en með notkun þess skap-
ast mun betra rými fyrir bráða-
liða, t.d. til að veita öndunaraðstoð
og lyfjagjöf samhliða því að tæk-
ið hnoðar. Fyrr á árinu hefur ver-
ið safnað fyrir hjartahnoðtækjum
á Akranesi, í Búðardal og Ólafsvík
með góðum árangri.
grþ
Fjölskylda Valtýs heitins afhenti gjafirnar formlega sl. miðvikudag.
Ljósm. Sumarliði Ásgeirsson.
Hjartahnoðtæki og fleiri gjafir
gefnar í Stykkishólmi
Grundfirðingar draga sig úr þriðju
deildinni í knattspyrnu