Fréttatíminn - 14.11.2014, Side 40

Síðumúla 30 - Reykjavík | Sími 533 3500
Hofsbót 4 - Akureyri | Sími 462 3504
25%
AFSLÁTTUR
Jólailmurinn
Föt eiga að
vera hlý,
klæðileg og
þægileg
Kolbrún Ýr Gunnarsdóttir fatahönnuður framleiðir allar sínar
vörur sjálf og selur í Kirsuberjatrénu. Hún er hrifin af því
að klæða sig í mörg lög af góðum efnum og að hennar mati
eiga föt fyrst og fremst að vera hlý, klæðileg og þægileg.
Kolbrún Ýr Gunnarsdóttir fatahönnuður selur föt og skart í Kirsuberjatrénu við Vesturgötu. Hún er sjálf hrifin af þægilegum og
klæðilegum fötum úr góðum efnum, helst í nokkrum lögum. Nýja línan hennar er undir japönskum áhrifum.
É g byrjaði eiginlega á öfugum enda,“ segir Kolbrún sem lærði textílkennslu og kenndi börnum handavinnu í eitt ár áður
en hún sneri sér að fatahönnun. „Mér fannst ekk-
ert gaman að kenna en var alltaf að búa til fatnað
og fylgihluti fyrir mig. Svo fóru vinir mínar að
falast eftir því sem ég var að búa til og það vatt
upp á sig. Áður en ég vissi af var ég komin með
búð á Laugaveginum,“ segir Kolbrún en hún rak
verslunina KVK með vinkonu sinn í nokkur ár.
„Svo var ég búin að vera í bransanum í átta ár
þegar ég ákvað að fara út í fatahönnunarnám,
til að öðlast meiri tæknilega reynslu og skilning
á bransanum,“ segir Kolbrún sem var í IED í
Barcelona í þrjú ár en hefur nú komið sér vel
fyrir hérna heima á nýjan leik.
Elskar að gera vetrarlínur
Kolbrún er með vinnustofu í Brautarholti þar
sem hún framleiðir allar sínar vörur sjálf og
selur þær svo í Kirsuberjatrénu við Vesturgötu.
„Ég hef stundum fengið aðstoð við framleiðsl-
una en það verður aldrei eins gott og ég vil hafa
það svo ég enda alltaf á að gera allt sjálf,“ segir
Kolbrún og hlær. „Ég er með frekar mikla full-
komnunaráráttu og vanda mig mikið við allt sem
ég geri.“
Kolbrún segist elska vetrarlínur
enda sé það henni sérstaklega
mikilvægt að vera hlýtt, auk þess
að fötin séu klæðileg og þægileg.
„Ég legg mikið upp úr sníða-
gerð og fallegum gæðaefnum og
í ullarkápunum og kjólunum sem
ég er að vinna í núna fyrir jólin
verður hægt að sjá japönsk áhrif.“
Langaði alltaf í skartgripa-
hönnun
Auk þess að sauma þá prjónar
Kolbrún og gerir skart. „Hluti af
lokaverkefni mínu var að endur-
nýta skart og ég hef verið að gera
mikið af því, aðallega hálsmen og
armbönd, en núna er ég búin að
gera hringa í samstarfi við Helgu
Mogensen skartgripahönnuð
sem einnig selur vörur sínar í
Kirsuberjatrénu. Við fórum í hug-
stormun saman og ákváðum að
gera eitthvað fallegt og úr urðu Iidem kjúku-
hringarnir okkar. Mig hefur stundum langað að
læra gullsmíði svo núna er ég svo heppin að fá
að læra af Helgu,“ segir Kolbrún og bendir á að
einn af kostum þess að vera á svona stað eins og
Kirsuberjatrénu sé að vera umkringd skapandi
konum sem eru alltaf til í að eiga samtal um
listir, hönnun og sköpun.
Halla Harðardóttir
halla@frettatiminn.is
Peysurnar hennar
Kolbrúnar eru af
öllum stærðum og
gerðum, prjónaðar
af henni sjálfri
úr íslenskri ull,
mohair og silki.
Iidem kjúkuhringar.
Þessir silfurhringar
eru nýjasta hugar-
smíð Kolbrúnar en
þá hannaði hún
í samstarfi við
samstarfskonu úr
Kirsuberjatrénu,
Helgu Mogensen
skartgripahönnuð.
Jólablað Fréttatímans
Jólablað Fréttatímans 2014 kemur út
miðvikudaginn 26. nóvember
Mikið verður lagt í jólablaðið að þessu sinni. Í því verður
spennandi, jólatengt efni af ýmsum toga,
skrifað af reyndum blaðamönnum.
Auglýsingabókanir þurfa að berast fyrir
mánudaginn 24 nóvember.
Nánari upplýsingar veitir Kristi Jo í
síma 531 3307 eða kristijo@frettatiminn.is
40 viðtal Helgin 14.-16. nóvember 2014