Læknablaðið - 15.10.2006, Side 47

UMRÆÐA & FRÉTTIR / BARNAHÚS
Jón R. Kristinsson
barnalœknir er einn þeirra
lœkna sem starfa við
Barnahúsið.
ferðislegu ofbeldi segir Jón að læknisrannsókn sé í
mörgum tilfellum afar nauðsynleg fyrir barnið og
foreldra til að staðfesta að allt sé í lagi og líffærin
alveg eðlileg. „Við vitum að þó ekkert finnist við
læknisskoðun útilokar eðlileg skoðun alls ekki að
barnið hafi orðið fyrir kynferðislegu ofbeldi. Stund-
um finnum við sýkingar eða áverkamerki sem
styðja frásögn barnsins. Rannsóknin er mikilvæg
og oftast nauðsynleg. Við eru oftast þrjú við
þessar rannsóknir, reyndur hjúkrunarfræðingur
sem hefur mikla reynslu af að umgangast börn,
barnalæknir og kvensjúkdómalæknir. Við notum
leggangaspegil og tökum upp á myndband læknis-
skoðun af þeim líkamshlutum sem þurfa þykir.
Börnin eru langflest búin að skoða alla aðstöðu
og tæki hjá okkur áður en að skoðun kemur. Afar
sjaldan kemur fyrir að svæfa þurfi barn eftir að við
fórum að skoða börnin í Barnahúsi, en áður var
það algengt. Við leggjum mikla áherslu á að börnin
séu óhrædd og við höfum við þau fulla samvinnu á
meðan á skoðun stendur svo ekki sé verið að bæta
á þeirra hremmingar. Þetta er einungis hægt með
því að nýta sérþekkingu og sérþjálfun þeirra sem
að þessum málum koma.”
ISPCAN eru einu þverfaglegu heimssamtökin á
sviði barnaverndar og hafa að markmiði að vinna
gegn hvers konar ofbeldi og vanrækslu barna alls
staðar í veröldinni. Samtökin voru stofnuð árið
1977. Snar þáttur í starfsemi þeirra er að miðla
fræðslu á meðal fagfólks úr ólíkum fræðigreinum
um vísindalegar rannsóknir, starfsemi og verklag
sem telst til fyrirmyndar á sviði barnaverndar
auk þess að auka þekkingu og vitund almennings
sem og stjórnvalda á réttindum og þörfum barna.
ISPCAN annast margháttaða þjálfun og fræðslu,
til dæmis með útgáfu ritsins Child Abuse and
Neglect sem er helsta fræðitímarit í barnavernd
sem þekkist. Starfsemi samtakanna rís hæst á
heimsráðstefnum sem haldnar eru annað hvert
ár og álfuráðstefnum sem haldnar eru árin þar á
milli. Frekari upplýsingar um ISPCAN má finna á
heimasíðu samtakanna www.ispcan.org
I tengslum við heimsráðstefnur sínar hefur
ISPCAN veitt nokkur verðlaun fyrir frumkvæði
og framúrskarandi framlag á ýmsum sviðum barna
verndar. Multidiciplinary TeamAward voru nú veitt
í annað sinn en verðlaunahafi er valinn úr hópi
tilnefninga sem berast samtökunum. Barnahús
var tilnefnt til þessara verðlauna af Dr. Patty Toth
lögfræðingi hjá Washington State Criminal Justice
Commision og fyrrum samstarfsmönnum hennar
hjá Harbourview Medical Center í Seattle en þeir
hafa fylgst með stofnun og starfsemi Barnahúss
frá upphafi. í tilnefningunni kom fram það álit
að Barnahúsið hafi valdið þáttaskilum í meðferð
kynferðisbrotamála á íslandi, einkum með tilliti
til þarfa og réttinda barna. Þá hafi framlag íslands
til að vinna að framgangi faglegra vinnubragða
varðandi kynferðisbrot gegn börnum í Evrópu
verið einkar árangursríkt eins og opnun barnahúsa
í Svíþjóð beri ótvírætt vitni um.
/
/
Læknablaðið 2006/92 707