Læknablaðið - 15.10.2006, Side 51

UMRÆÐA & FRÉTTIR /ÁHUGAMÁL
og undir þeim merkjum hafa verið farnar styttri
og lengri ferðir á vegum klúbbsins. „Við höfum
reynt að undirbúa þessar ferðir vel svo þær væru
farnar í góðri sátt við landeigendur á hverjum
stað. Það er nauðsynlegt að afla leyfa til að taka
land á eyjum eða nesjum þegar stórir hópar fólks
eru á ferð. Einnig þarf að virða varptíma fugla,
bæði æðarvörp og varp sjaldgæfra fugla, svo við
höfum skipulagt ferðir okkar með tilliti til þess.
Aðalferð klúbbsins er nú farin í byrjun ágúst um
Breiðafjörðinn og í hvert sinn höfum við farið á
nýja staði. Svona ferðir eru mjög góður vettvangur
til að leiða saman þá sem eru minna vanir og hina
sem eru reyndari og geta þá miðlað af reynslu
sinni. I sumar fórum við í mjög góða ferð og þar
voru meðal annarra með í för tveir ágætir kollegar
mínir. í júní fórum við einnig í mjög skemmtilega
ferð í Náttfaravíkur við Skjálfandaflóa. Það er
auðvitað einn tilgangur klúbbsins að skipuleggja
ferðir þar sem þeir sem eru annars einir á báti geta
farið í ferðir með öðrum.”
IIvað heillar mest við kajaksiglinganiar?
„Maður upplifir náttúruna allt öðruvísi á kajak,
hvort sem er á vötnum upp til fjalla, inn á fjörðum
eða milli eyja. Maður truflar dýralífið nánast ekki
neitt og kemst mjög nálægt bæði fuglum og selum
og getur virt dýrin fyrir sér úr mikilli nálægð. Svo
kemst maður á ýmsa staði á kajak sem aðrir kom-
ast ekki svo létt að. Það er til dæmis heilmikil ganga
yfir háan fjallaþröskuld að komast í Náttfaravíkur
ef farið er landleiðina. En að róa þangað er fyr-
irhafnarlítið í góðu veðri með ígildi þess sem
kemst í tvo bakpoka og að þurfa svo ekki einu
sinni að halda á því er ákaflega gott í ofanálag. Við Á Skarey við
látum ekkert skorta í mat í drykk í þessum ferðum, Fión 1 Danmörku.
grillum gjarnan þegar komið er í land, byggjum
upp varðeld og njótum rauðvínsflösku til að
krydda með matinn og tilveruna. Þetta er það sem
dregur okkur hjónin aftur og aftur í kajakferðir, að
geta verið útaf fyrir okkur á lítilli eyju eða á fallegu
nesi við fallega strönd eða fara í lengri ferðir með
góðum félögum. Þetta er áhugamál sem sameinar
margt það besta við útivist og íþróttaiðkun.”
Reynir Tómas hefur sannarlega ekki lagt árar
í bát þó haustið sé að leggjast að. „Við hjónin
erum að fara í mjög spennandi róðrarferð núna
síðar í haust urn eyjar á landamærum Malasíu og
Tælands. Það er mikið tilhlökkunarefni.”
Klakkeyjar á Breiðafirði. Ljósmynd: Sœvar Helgason.
Læknablaðið 2006/92 711