Læknablaðið - 15.11.2007, Qupperneq 59

UMRÆÐUR 0 G FRÉTTIR
MEISTARANÁM
er mikið framundan á þessum vettvangi. Þörf
fyrir vel menntað fólk til þess að stjórna þessum
fyrirtækjum er því afar brýn."
Skemmtilegt er að rifja upp í þessu samhengi
að tveir af fyrrverandi heilbrigðisráðherrum
landsins hafa stundað nám við Samvinnuskólann
á Bifröst þeir Guðmundur Bjarnason og Jón
Kristjánsson og Ásta Dís segir að eflaust hafi fleiri
ráðherrar stundað nám í Samvinnuskólanum
forðum og það sé aldrei að vita nema einhverjir
þeirra sem nú hefja nám munu taka það hlutverk
að sér síðar meir.
Tengsl Ástu Dísar við læknisfræði og heil-
brigðisþjónustu eiga sér í vissum skilningi rætur
á Bifröst en afi hennar Þórður Oddsson var hér-
aðslæknir í Borgarfirði á árunum 1955-65 og fyrsti
læknir Bifrastar. „Hann var að mörgu leyti mín
fyrirmynd og þegar ég var yngri þá langaði mig
alltaf að verða læknir, en svo varð nú ekki. En
líklega hefur þetta bara átt að fara svona því ég
er nokkuð viss um að ég er á réttri hillu í dag sem
dósent á Bifröst og framkvæmdastjóri InPro sem
er að endurvekja gömlu Heilsuverndarstöðina á
Barónsstíg sem forvarnar og endurhæfingarhús,
nú 50 árum eftir vígslu hússins, 1957."
Námið hefur alþjóðlega skírskotun og miðar
að sögn Ástu Dísar að því að uppfylla ört vaxandi
eftirspurn eftir vel menntuðum stjórnendum með
þekkingu á heilbrigðisþjónustu. „Nemendur geta
stundað námið með vinnu sinni og lokið því á um
einu og hálfu ári. Bifröst hentar einkar vel fyrir
þetta nám þar sem boðið er upp á öflugt fjarnám.
Þar með getur fólk sem er í mikilli vinnu, hvort
sem það er dagvinna eða vaktavinna nálgast fyr-
irlestrana hvar og hvenær sem þeim hentar. Þetta
er ávinningur bæði fyrir nemendur sem stunda
námið og eins fyrir atvinnurekendur.
Margir atvinnurekendur taka þátt í að greiða
námið fyrir starfsmenn sína til þess að efla þá enn
frekar í starfi og þeir líta margir hverjir á það sem
kost að nemendur þurfa ekki að taka sér mikið frí
frá vinnu til þess að sinna náminu á dagvinnu-
tíma eins og er í flestu öðru meistaranámi sem er í
boði hérlendis."
Að sögn Ástu verður stefnt að því að nem-
endahópurinn verði með fjölbreyttan bakgrunn
en það muni skapa aukna víðsýni í náminu
og styrkja samskiptanet þeirra í framtíðinni.
„Nemendum ættu að bíða góð atvinnutækifæri
og jafnframt möguleiki á að koma á fót eigin
starfsemi í heilbrigðisþjónustu."
Nánari upplýsingar má finna á heimsíðu
Háskólans á Bifröst www.bifrost.is
Læknar í starfsnámi
skurðlæknasvið
LANDSPÍTAU
háskólasjijkrahCis
Skurðlækningasvið óskar eftir þremur læknum í starfsnámi. Stöðurnar eru 100% og veitast annars vegar frá 1. júní
2008 og hins vegar 1. sept. 2008. Ráðning er til tveggja eða tveggja og hálfs árs skv. samkomulagi. Starfið er einkum
hugsað fyrir unglækna sem stefna að framhaldsnámi í skurðlækningum. Starfsvettvangur innan Landspítala verður
á almennum-, þvagfæra-, brjósthols-, æða-, lýta-, heila- og taugaskurðlækningadeildum. Auk þess er í boði starfs-
tími á skurðdeild St. Jósefsspítala og 6 mánaða starfstími á svæfinga- og gjörgæslu- og skurðstofusviði Landspítala.
Umsækjendur skulu hafa lækningaleyfi.
Umsóknum skulu fylgja upplýsingar um nám, fyrri störf, reynslu af kennslu, vísindavinnu og stjórnunarstörfum. Viðtöl
verða tekin við umsækjendur og byggist ákvörðun um ráðningu m.a. á þeim.
Umsóknargögn berist fyrir 1. desember 2007 til Guðjóns Birgissonar, skurðlæknis, gudjonbi@landspitali.is Nánari
upplýsingar veitir Jóhann Páll Ingimarsson, deildarlæknir, johannpa@landspitali.is
Hægt er að nálgast umsókn um lækningaleyfi eða læknisstöðu á heimasíðu Landspítala. Laun eru skv. kjarasamningi fjármálaráðherra og sjúkra-
húslækna og er starfið bundið við sjúkrahúsið eingöngu sbr. yfirlýsingu Landspítala vegna kjarasamnings við sjúkrahúslækna dags. 02.05.2002,
sbr. breytingu 5. mars 2006. Tekið er mið af jafnréttisstefnu spítalans við ráðningar í störf. Öllum umsóknum verður svarað þegar ákvörðun um
ráðningu hefur verið tekin.
Landspítali er reyklaus vinnustaður.
LÆKNAblaðið 2007/93 791