Læknablaðið - 15.07.2008, Page 44

U M R Æ Ð U R
Á F E R Ð U M
O G
N Ý
F R É T T I R
JA-SJÁLAN
D
Bráðaaðgerð á slóðum Hringadrottins
Það er kannski ekki í frásögur færandi þó læknar taki sig til og gangi saman sér
til heilsubótar en gönguferð er stundum annað og meira en bara gönguferð einsog
sannaðist í vetur. Þá hélt stór hópur lækna, ásamt mökum og vinafólki, alla leið
til Nýja-Sjálands og gekk þar saman þekkta leið sem nefnist Milford Track og eru
hlutar leiðarinnar orðnir þekktir um heimsbyggðina eftir að myndirnar byggðar á
Hringadrottinssögu voru kvikmyndaðar þar.
Hávar
Sigurjónsson
Að baki ferðinni stóð gönguhópurinn Sárir og
súrir fætur sem stofnaður var árið 2002 af hjón-
unum Ölmu Eir Svavarsdóttur heimilislækni
og Guðjóni Birgissyni skurðlækni og Hilmari
Kjartanssyni bráðalækni og Svövu Kristinsdóttur.
Þessi hópur hefur farið ört stækkandi og gengið
víða um land á undanförnum árum en þetta var í
fyrsta sinn sem haldið var útfyrir landsteinana til
gönguferðar. Aðalhvatamenn ferðarinnar til Nýja-
Sjálands voru Hilmar og Svava sem bæði stunda
nám þar, Hilmar er að klára nám í bráðalækning-
um og Svava stundar nám í heilsuverkfræði.
Að sögn þeirra sem þátt tóku í ferðinni gekk
hún framúrskarandi vel og var mikil upplifun
enda gengið um stórbrotið landslag, skóga og fjöll,
gil og dali, yfir vatnsmiklar ár á hengibrúm, eftir
einstigum yfir hengiflugi, en svæðið er hluti af
þjóðgarði og náttúrufar og dýralíf mjög fjölbreytt
og litskrúðugt.
Þegar þau Svava ákváðu að flytja til Nýja-Sjá-
lands hafi þeim verið uppálagt að skipuleggja
gönguferð fyrir gönguhópinn og sagði Hilmar
að þau hefði eiginlega ekki grunað að ferðin yrði
nokkurn tíma að veruleika.
„Fólkið í þessum gönguhóp er ekki að mikla
hlutina fyrir sér og ákvað að stytta harðan vetur
á norðurhveli til að fara í gönguferð eins langt í
burtu og hægt er. Ferðin byrjaði ekki gæfulega
þar sem við lentum í hinu mesta óveðri frá Christ-
church yfir á hinn hluta eyjarinnar, yfir fjallgarðinn
þar sem grjótskriður, aurskriður og snjókoma um
mitt sumar gerðu sitt til að reyna að stöðva okkur,
en yfir á vesturströndina komumst við þrátt fyrir
að bílar á eftir okkur hafi ekki verið eins heppnir
þar sem veginum var lokað fyrir umferð stuttu
síðar. í byrjun ferðarinnar fór hópurinn í kajakferð
en svo var haldið áfram og útsýnið til Franz Josef
og Fox jöklanna þar sem þeir ryðjast niður úr
fjöllunum ofan í regnskóginn var alveg magnað.
Það er sannarlega óraunverulegt að sjá skriðjökla
enda niður í regnskóg og ekki alveg það sem við
erum vön frá íslandi. Næstu nótt gistum við í
Haast og þaðan var ekið til Queenstown næsta
dag. I Queenstown bættust svo fleiri í hópinn.
A fimmtudeginum var svo tekin rúta árla
morguns frá Queenstown til Te Anau Downs
og svo ferja að upphafi göngunnar. Næstu fjóra
daga gengum við svo Milford Track gönguna sem
snemma á síðustu öld var lýst sem „finest walk in
the world" í bresku blaði og hefur þessi gönguleið
sennilega haldið sessi sem ein af topp tíu göngu-
leiðum jarðar. Það er skemmst frá því að segja að
þessa ganga býður upp á magnaða fjölbreytni,
tröllslegt landslag, forna skóga, fallegar ár og eina
Nýsjálenskir bráðaliðar ganga frá búnaði í sjúkraþyrluna. íslensku læknarnir gera að ökklabroti Allison Wraightfrá Ástralíu.
556 LÆKNAblaðið 2008/94