Læknablaðið - 15.03.2011, Blaðsíða 51

UMRÆÐUR O G FRÉTTIR
LÆKNAKENNSLA
læknanemar fá talsvert fleiri tækifæri til að
meðhöndla sjúklinga en læknanemar við ýmsa
háskóla erlendis. Við höfum fengið hingað erlenda
skiptinema sem eru hissa á því hvað þeir fá að
gera mikið. En þetta stefnir í sama horf hér og
annars staðar."
Læknanáminu lýkur aldrei
Kristján segir að vegna þessara miklu breytinga
sem orðið hafa á læknanáminu séu gerðar mun
meiri kröfur en áður til tæknilegs búnaðar við
kennsluna. „Nemendur sjá að nokkru leyti
um sig sjálfir hvað þetta varðar, með sínar
fartölvur en við þurfum að standa okkur betur
en hingað til. Námsefnið og kennsluaðferðir eru
í sífelldri endurskoðun og við þurfum stöðugt
að vera á tánum. Sannarlega eru fyrirlestrar
ódýrasta kennsluaðferðin en er í dag alls ekki
sú besta. Þeir sem eru hvað framsæknastir tala
um að leggja fyrirlestrana alveg niður. Fyrir
litla einingu eins og okkar læknadeild er mjög
kostnaðarsamt að breyta þessu og við höfum um
nokkurt skeið haft aðgang að hugbúnaði erlendis
sem veitir nemendum tækifæri til þjálfunar í
sýndarveruleika. Læknadeildin á búnað til að veita
nemendum þjálfun í saumum, setja upp nálar og
þræða öndunarleggi, og í hjúkrunarfræðideild
er ennfremur til mjög fullkomin dúkka, Her-
mann að nafni, sem hefur gjörbreytt klínískri
þjálfun í hjúkrunarnáminu. Með hinu nýja
heilbrigðisvísindasviði háskólans opnast ýmsir
möguleikar á samnýtingu kennslutækja fyrir
nemendur í heilbrigðisgreinunum í anda þverfag-
legrar samvinnu og þverfræðilegs náms."
Fyrri hluti sérnáms í ýmsum greinum læknis-
fræði er nú í boði á Landspítala en læknar fara utan
til að ljúka seinni hluta sémámsins. „Flestir em
sammála um að þetta sé nokkuð gott fyrirkomulag
og ekki ástæða til að lengja sérnámið hér heima.
Fyrir vikið hefur ekki orðið knýjandi þörf fyrir

flókinn og dýran kennslubúnað, eins og til dæmis
skurðherma, þar sem okkar læknar fá aðgang að
þeim í sémámi sínu erlendis. A hinn bóginn eru
kröfurnar í dag orðnar slíkar að læknanámi lýkur
í rauninni aldrei. Læknar þurfa að vera í stöðugri
endurnýjun sinnar þekkingar og viðhalda þjálfun
sinni, og í Bandaríkjunum þurfa sérfræðilæknar
að gangast undir próf í sérgreininni á fimm ára
fresti. Eflaust er það bara tímaspursmál hvenær
við þurfum að taka á því með afgerandi hætti. Þó
endumýjun og viðhaldsmenntun íslenskra lækna
sé ekki mjög skipulögð held ég að okkar læknar
séu mjög meðvitaðir um þetta og nýti sér öll
tækifæri sem bjóðast til að viðhalda og endurnýja
þekkingu sína og þjálfun. Staða okkar er því góð
þó eflaust megi gera betur."
„/dag er stundum sagt
að sjúklingarnir séu
farnir af spítölunum
en læknanemarnir séu
þar enn," segir Kristján
Erlendsson formaður
kennsluráðs læknadeildar.
dáleiðslunámskeið
á hótel holti í reykjavík samtals 8 dagar 6.-10. maí og 3. -7. júní, 2011
Kennt er alla dagana frá 10 -17, stundum til 18 eftlr atvikum.
Námskeidið er á ensku. Kennari er John Sellars, Clinical
Hypnotherapist, FHS, Dip.(Hyp), SHS(Acc), NRH sem
hefur starfað við dáleiðslu og kennt hana í 30 ár i Bretlandi
Honum til aðstoðar er Sarah Bartlett, Clinical Hypnotherapist og hjúkrunarfraeðingur Námskeiðið
er vottað (Accredited) af stærstu samtökum dáleiðenda í Bretlandi, Hvpnotherapv Scocietv
Námskeið John Sellars þykja vera með bestu námskeiðum (dáleiðslu
íyrir lækna
er dálelðsla frábzert t«ki. Aðferðir John Sellars
eru fljótvlrkar og þaer munu ekki tefja tímann
heldur gera þér kleift að vinna hraðar auk þess að
ná betrl árangri og gera sjúklinga ánaegðari.
Og allt í etnu geta laeknar náð árangri við
vefjagigt, IBS og fjölmargt annað sem ekki hefur
svarað annarri meðferð, og þá um leið dregið úr
eða haett lyfjagjöf.
allar frekari upplýsingai' á http://4.is/dtl
LÆKNAblaðið 2011/97 183