Fréttatíminn - 19.09.2014, Page 44

44 ferðalög Helgin 19.-21. september 2014
S á sem er á ferðalagi í útlönd-um þegar flugfélagið fer í þrot þarf sjálfur að leggja út fyr-
ir nýjum miða til að komast heim.
Farþeginn getur síðar gert kröfu í
þrotabú félagsins en ef ferðin ófarin
er andvirði flugmiðans tapað nema
kreditkortafyrirtækið geti aftur-
kallað greiðsluna. Ferðamenn á
vegum ferðaskrifstofa eru hins
vegar mun betur settir ef rekstur
ferðaskrifstofu stöðvast í miðri ferð.
Þá á skyldutrygging ferðaskrifstofa
að bæta tjón farþeganna og þeim
 RegluveRk DaniR Reyna nýjaR leiðiR fyRiR flugfaRþega
Vilja tryggja flugfarþega gegn gjaldþrotum
Þeir sem setja saman sína eigin utanlandsferð eru mun verr
settir ef flugfélög fara í þrot en viðskiptavinir ferðaskrifstofa.
Í Danmörku gengur illa að jafna stöðu þessara tveggja hópa
þrátt fyrir áralangar tilraunir yfirvalda.
Tölvutek • Reykjavík • Hallarmúla 2 • 563 6900 • Akureyri • Undirhlíð 2 • 430 6900 • www.tolvutek.is
16BLSBÆKLINGUR
STÚTFULLUR AF ÖLLUM HEITUSTU TÖLVU-GRÆJUNUM
ÞÚ
Þ
AR
FT
BA
RA
AÐ SKANNA QR KÓÐANN
TIL AÐ FÁ NÝJASTA BÆKLINGIN
N Í
SÍM
AN
N
ÞI
NN
Kynntu þér Dublin á uu.is
Úrval Útsýn er í Hlíðasmára 19, Kópavogi.
Sími 585 4000 www.uu.is
Dublin
Haustferð
23.-26.OKTÓBER
20.–23. NÓVEMBER
Verð frá aðeins 88.500 kr.
er flogið heim án aukakostnaðar. Í
Danmörku hafa stjórnvöld um ára-
bil reynt að bæta stöðu þeirra sem
aðeins kaupa flugmiða. Ástæðan
er sú að síðustu ár hafa alla vega
þrjú stór flugfélög farið í þrot þar í
landi og fjölmargir farþegar urðu þá
strandaglópar.
Fá flugfélög fylgja reglunum
Farþegar sem kaupa flugmiða með
dönskum flugfélögum í dag eiga að
hafa möguleika á að bæta sérstakri
gjaldþrotatryggingu við pöntunina
og er iðgjaldið 20 danskar krónur
(rúmar 400 íslenskar). Þeir sem
kaupa trygginguna eiga þá rétt á
bótum ef rekstrarstöðvun flugfélags
setur strik í ferðaplönin. Nýleg
könnun á vegum danskra neytenda-
yfirvalda leiddi hins vegar í ljós að
aðeins á þriðjungur flugfélaganna
þar í landi var með upplýsingar um
trygginguna aðgengilegar á heima-
síðunni sinni og bauð upp á hana í
bókunarferlinu. Það eru sem sagt
miklir brestir í kerfinu.
Salan fer til hins opinbera
Nú hafa verið lagðar fram betrum-
bætur á reglunum og samkvæmt
þeim eiga flugfélögin að hætta að
innheimta iðgjöldin sjálf og vísa í
staðinn á heimasíðu Ábyrgðasjóðs
ferðamanna (Rejsegarantifonden).
Þar á farþeginn að geta keypt trygg-
inguna í framtíðinni. Talsmaður
neytendasamtakanna Tænk í Dan-
mörku segir í viðtali við Politiken
að það komi ekki nægjanlega skýrt
fram í nýju reglunum hvernig flug-
félögin eigi að kynna trygginguna
og efast því um að staða flugfarþega
muni batna. Talsmaðurinn segist
hafa kosið þá leið að 5 danskar krón-
ur (um 100 íslenskar) yrðu lagðar
ofan á alla flugmiða sem seldir væru
frá Danmörku. Þar með væru allir
farþegar tryggðir. Sú tillaga hlaut
hins vegar ekki hljómgrunn innan
nefndarinnar sem vann að nýju regl-
unum.
Veikir samkeppnisstöðuna
Ef nýja regluverkið verður sam-
þykkt munu öll f lugfélög sem
fljúga meira en 25 þúsund ferðir frá
Danmörku á ári þurfa að upplýsa
farþega sína um gjaldþrotatrygg-
inguna. Talsmenn ferðaþjónust-
unnar í Danmörku benda á að þessi
sérdanska leið geti veikt stöðu inn-
lendra flugfélaga því þau erlendu
þurfa ekki að bjóða upp á trygg-
inguna. Hvorki Icelandair né WOW
air fljúga til að mynda nægjanlega
oft til og frá dönskum flugvöllum
til að vera skylduð til að hafa trygg-
inguna á boðstólum. Ekkert annað
Evrópuland hefur fylgt fordæmi
Danmerkur í þessum efnum.
Sérstök gjaldþrotatrygging fyrir flug-
farþega í Danmörku á að gera stöðu
þeirra jafn góða og þeirra sem kaupa
pakkaferðir ef rekstur flugfélags
stöðvast. Mynd: CopenhagenMediaCenter/
Ty Stange
Kristján
Sigurjónsson
kristjan@turisti.is