Fréttatíminn - 29.08.2014, Qupperneq 44

WWW.LEIKHUSID.IS
Justin Timberlake heillaði unga fólkið í Kópavoginum á sunnudagskvöld og miðaldra tónleikarýnir Fréttatímans hreifst með. Ljósmynd/Hari
Júmbó og Justin
É g er rétt tæplega fer-tugur karlpungur en hef alltaf verið ginnkeyptur fyrir svolitlu píkupoppi.
Hef alltaf haft sérstakt dálæti á
Michael Jackson og Spice Girls
eiga sérstakan stað í hjarta mínu.
Britney Spears og Christina Aqui-
lera reyndar líka. Það þurfti því
ekkert að snúa rosalega hart upp
á höndina á mér að rúlla í Kópa-
voginn, rétt skal vera rétt, að sjá
Justin Timberlake á tónleikum.
Þeir sem komnir eru yfir
miðjan aldur tala gjarnan um það
þegar Led Zeppelin kom hér og
spilaði á hátindi frægðar hljóm-
sveitarinnar árið sjötíueitthvað
og súrkál sem stærsta tónleika-
viðburð Íslandssögunnar. Í mörg
ár hér eftir munu þeir sem voru
í Kórnum á sunnudaginn tala á
svipuðum nótum um þessa tón-
leika. Sú breyting hefur orðið á að
nú eiga allir tónleikagestir, já allir
tónleikagestir, myndir og mynd-
bönd af tónleiknum því til stað-
festingar. Ekki hefði ég viljað vera
intervefurinn þegar öll selfíin,
snapptjöttin og Facebookstatus-
arnir byrjuðu að fylla hvern krók
og kima af vefnum upp úr kvöld-
matarleytinu. Kannski er það bara
ég, en mér í það minnsta þykir
óþarfi að hanga í símanum allan
tímann á meðan viðburður eins
og þessi á sér stað. Viðurkenni
reyndar að ég tók upp brot af
endurkomutónleikum Langa Sela
og skugganna á Bar 11 hérna um
árið þannig að ég skil konseptið.
En er einhver að fara að horfa
ömurlegt myndband tekið upp á
símadruslu frá hinum endanum á
fótboltavelli þar sem stjarnan er
hálfur pixell, max og hljóðgæðin
eru skruðningur í besta falli?
Þannig að í framtíðinni – ef þú
ert ekki fremst er þetta hálfgert
tilgangsleysi. Ég var t.d. fremst
á Langa Sela tónleikunum. Ein,
tvær myndir, eitt selfí og fimm,
sex snapptjött eru maxið. Svo á
bara að skemmta sér á staðnum
og hananú, er alla vega skoðun
þess fúla karls sem þetta skrifar.
Tónleikarnir voru góðir. Justin
var í stuði og þrátt fyrir að hljóðið
væri ekki alltaf upp á sitt besta, í
það minnsta í stúkunni þar sem
við frúin sátum, virðist vel hægt
að halda tónleika þarna í uppsveit-
um Kópavogs.
Sá eða sú sem sá um skipu-
lagninguna ætti að fá Fálkaorðu
ekki seinna en um áramótin.
Allur þessi fjöldi fólks, 17 þúsund
manns, komst tiltölulega klakk-
laust til og frá tónleikastaðnum
sem augljóslega var ekki hann-
aður til þess að taka á móti svona
mörgu fólki í einu. Ég var svo
stressaður að komast á réttum
tíma á tónleikana að ég þorði ekki
annað en fara vel tímanlega að
heiman og þegar ég var svo allt
í einu bara mættur á planið fyrir
framan Kórinn sá ég ekki annan
kost í stöðunni en að fara beinustu
leið í Krónuna, hvar ég bauð
eiginkonunni upp á Júmbó-lang-
loku í tilefni kvöldsins.
Þegar JT hafði farið vandlega
í gegnum lögin, spilað bæði á
kassagítar og píanó, dansað og
spjallað við áhorfendur, sem voru
einkar vel með á nótunum þrátt
fyrir símahangsið, var komið að
uppklappinu sem endaði á laginu
Mirrors og þvílíka stemningu í
einu knattspyrnuhúsi hefur eng-
inn upplifað áður á Íslandi. Hárin
risu á hnakkanum og gæsahúðin
náði upp um alla handleggi. Justin
Timberlake tókst að töfra alla í
salnum upp úr skónum. Hafi ef
einhver farið svekktur af vett-
vangi hefur sá sami bara verið að
basla við símann sinn allt kvöldið.
Skemmtir sér svo bara eins og það
sé árið 1993 næst þegar stærsti
skemmtikraftur heimsins kíkir
við.
Haraldur Jónasson
hari@frettatiminn.is
Stórkostleg stemning var á Justin Timberlake tónleikunum í Kórnum í Kópavogi. Allir voru með símann á lofti sem kom að
góðum notum þegar JT bað um smá rómó stemningu.
44 tónleikar Helgin 29.-31. ágúst 2014