Fréttatíminn - 29.08.2014, Page 52

heilsa Helgin 29.-31. ágúst 201452
Prófaðu Sensodyne vörurnar og finndu muninn.
Sensodyne fyrir viðkvæmar tennur
D
Y
N
A
M
O
R
E
Y
K
JA
V
ÍK
NÝ OG BE
TRI
HÖNNUN
!
TANNBURSTAR OG
TANNKREM FYRIR
VIÐKVÆM SVÆÐI
Saksóknarar í hörkuformi
Saksóknararnir
Kolbrún Benedikts-
dóttir og Hulda
Elsa Björgvinsdóttir
stunda líkamsrækt
af miklum móð.
Báðar æfa þær
kraftlyftingar, auk
þess er Kolbrún í
Crossfit og Hulda
Elsa stundar hlaup
af og til.
K olbrún Benediktsdóttir og Hulda Elsa Björgvins-dóttir, saksóknarar, hófu báðar að æfa kraftlyfingar
í byrjun ársins og líkar vel. Kolbrún
hefur æft Crossfit í þrjú ár og upplifði
þar í fyrsta sinn að langa virkilega á
æfingu.
Hulda Elsa byrjaði í einkaþjálfun í
október síðastliðnum og hafði aldrei
áður stundað kraftlyftingar. „Ég
hafði verið að lyfta lóðum í líkams-
ræktarstöðvum en ákvað svo að fara
í einkaþjálfun þar sem ég kynnt-
ist kraftlyftingum. Ég hefði aldrei
trúað því hvað þetta er skemmtilegt.
Mér finnst alltaf gaman að mæta á
æfingar og það er engin kvöð enda
er félagsskapurinn mjög góður,“
segir Hulda sem æfir lyftingarnar í
fjögurra manna hópi.
Fyrst eftir að Hulda Elsa byrjaði
í einkaþjálfuninni vann hún að því
að undirbúa líkamann undir kraft-
lyftingarnar. „Fyrstu tvo til þrjá
mánuðina fór ég ekkert nálægt stóru
lóðunum. Svo í byrjun ársins fór ég
að stunda bekkpressu, hnébeygjur,
réttstöðulyftu og aðrar kraftlyftingar
þrisvar sinnum í viku. Það er virki-
lega hvetjandi að bæta sig. Það er
svo áþreifanlegt þegar maður nær að
lyfta fleiri kílóum og maður verður
ægilega glaður þegar það tekst.“
Kolbrún tekur í sama streng og
segir félagsskapinn skipta miklu
máli. Sumarið 2011 byrjaði hún að
æfa Crossfit og hafði aldrei áður
stundað reglulega hreyfingu. „Ég
byrjaði af forvitni því ég hafði heyrt
af mörgum sem voru að æfa. Ég fann
strax að þetta var eitthvað fyrir mig
og upplifði í fyrsta sinn á ævinni að
virkilega langa á æfingu,“ segir Kol-
brún. Yfirleitt æfir hún Crossfit fjór-
um til fimm sinnum í viku. „Í Crossfit
er mikil samvinna og skemmtileg
hópamyndum. Þetta er þannig íþrótt
að fólk kynnist strax og það myndast
skemmtilegur andi.“
Í janúar bætti Kolbrún svo kraft-
lyfingum við og ætlar að taka þátt í
sínu fyrsta kraftlyfingamóti á næstu
dögum, Íslandsmótinu í réttstöðu-
lyftu. „Það er nú pínu upp á grín
og líka til að hafa gaman af þessu.
Áður hef ég keppt í liðakeppnum í
Crossfit.“
Eftir að Kolbrún byrjaði að æfa
reglulega finnur hún mikinn mun á
líðan sinni. „Það er mjög gott að fá
reglulega hreyfingu þegar maður er
í krefjandi starfi og með fjölskyldu.
Ég finn að ef maður gefur sér tíma til
að hreyfa sig er maður betur í stakk
búinn að takast á við lífið.“
Hulda Elsa segir það algengan mis-
skilning meðal kvenna að vöðvarnir
verði mjög stórir af kraftlyftingum.
„Það er eiginlega þvert á móti því
kraftlyftingar hafa verið sú hreyfing
sem hefur hjálpað mér hvað mest að
léttast. Líkaminn mótast mikið við
kraftlyfingarnar. Þegar ég lyfti sem
þyngstu léttist ég mest.“
Ef maður
gefur sér tíma
til að hreyfa
sig er maður
betur í stakk
búinn að tak-
ast á við lífið.