Frjáls verslun - 01.08.2012, Síða 10

10 FRJÁLS VERSLUN 8.- 9. 2012
Ráðstefnu- og fundarsalirnir eru allir búnir besta fáanlega tækjakosti og henta
jafnt stórum sem smáum hópum til fundarhalda. Ferskar veitingar og glæsileg
hönnun húsgagna gera góðan fund enn betri.
Bókaðu ferskan fund í síma 525 9932 – við tökum vel á móti þér og hópnum þínum.
www.hotelsaga.is
Standard
Fundarsalur fyrir tíu eða fleiri. Morgun- og síðdegis-
kaffi að vali kokksins. Hádegisverðarhlaðborð í Skrúð.
Skjávarpi. Þráðlaust internet.
Business Class
Fundarsalur fyrir sjö eða fleiri. Allt í Standard
og að auki: Ferskir ávextir, gos og tölva í fundarsal.
Express-pakki
Fundarsalur fyrir tíu eða fleiri. Fundarpakki
sem hannaður er fyrir stutta fundi án hádegis-
eða kvöldverðar. Morgun- og/eða síðdegiskaffi.
Skjávarpi. Þráðlaust internet.
Við bjóðum þrjá mismunandi pakka sem til
samans mæta þörfum allra. Hvort sem þú velur
Standard, Business Class eða Express-pakka
má alltaf bæta við léttum veitingum eftir fund:
FERSKIR FUNDIR
Radisson Blu Hótel Saga býður upp á frábæra fundaraðstöðu
og góðar veitingar í hrífandi umhverfi
A
N
T
O
N
&
B
E
R
G
U
R
firtökur eru algengar í viðskiptalífinu.
Ef Ísland væri fyrirtæki, háeff, væri for­
vitnilegt að skoða hvort eitthvert fyrirtæki
vildi taka það yfir. Það er mjög líklegt
að fyrirtæki væru til i það vegna þess að
auðlindir landsins eru miklar og framtíðartekjur nokkuð
traustar. Þó vantar meiri snerpu í framleiðsluna og
fyrirtæki eru enn of brothætt, þ.e. skulda of mikið þrátt
fyrir afskriftir lána. Viðskiptaráð kynnti nýlega úttekt
McKinsey á íslensku hagkerfi og meginlínan var sú að
framleiðni, þ.e. framleiðsla á mann, væri ekki nægilega
mikil. Það vantar meiri snerpu, kraft og afköst. Þetta eru
að vísu engin ný sann indi.
Tækni og fjárfestingar eru undirstaða framleiðni og
aukinna afkasta. Oft er framleiðni haldið niðri til að
fleiri hafi vinnu. Það heitir dulbúið atvinnuleysi. Þrátt
fyrir snarminnkað bankakerfi eftir fall bankanna haustið
2008 er það enn of stórt og sennilega væri hægt að segja
hátt í þúsund bankastarfsmönnum upp án þess að það
hefði afgerandi áhrif á verðmætasköpun bankakerfisins.
Þetta á við um fleiri atvinnugreinar. Opinberir starfs­
menn eru t.d. allt of margir og afköst mismikil.
Fjárlagahallinn á sex ára tímabili, 2008 til og með 2013,
nemur alls 600 milljörðum króna. Fjárlagahallinn
á valda t íma þessarar ríkisstjórnar er 380 milljarðar
króna. Svo mikill fjárlagahalli er dulbúið atvinnuleysi.
Nauðsynlegur niðurskurður í ríkisútgjöldum getur ekki
orðið nema segja upp ríkisstarfsmönnum. Þess vegna
er aldrei brýnna að atvinnulífið skapi fleiri störf. Auknar
fjárfestingar eru eina leiðin sem skapar varanlegan
hagvöxt og fleiri störf. Fjárfestingar sem hlutfall af
lands framleiðslu eru því miður á bilinu 12 til 14% og í
sögulegu lágmarki. Þumalfingursreglan er að fyrir hvert
1% í fjárfestingu minnkar atvinnuleysi um ½ prósent.
Hagvöxtur á Íslandi hefur ævinlega komið í gegnum
fjárfestingar og útflutningstekjur. Ríksvaldið telur hins
vegar vænlegast að auka skattaálögur á fyrirtæki og
einstaklinga svo minna svigrúm sé til að ráðast í fjár ­
festingar. Sumir telja það algerlega óraunhæft að hægt
sé að draga úr skattálögum þegar svo mikið tap er
á ríkissjóði. En er það svo? Skattar eru teygnir. Það
kemur ævinlega að þeim punkti á grafinu að skatt ­
heimtumaðurinn skjóti sig í fótinn og auknar skatta ­
álögur í prósentum dragi úr heildarskatttekjum. Þá
er verr af stað farið en heima setið. Í ofanálag hafa
„aðilar vinnumarkaðarins“ fundið það snjallræði út að
hækka laun, svo störfum fækki og minna fé gefist til
fjárfestinga. Launahækkanirnar renna beint út í verð ­
lagið og verðbólgan grefur undan gjaldmiðlinum. Laun
ráða mestu um verðbólgu og raungengi.
Það eru engir töfrar og galdrar þegar kemur að
efnahagsformúlum; öguð hagstjórn er upphaf og endir
alls – líka á Íslandi. Hæfileikar, duglegt fólk, þekking,
hugmyndir, fjárfestingar, atvinnufrelsi, sanngjarnir
skattar, tækni, samkeppnishæfni, verðmætasköpun og
traust efnahagsstjórn. Þessi pakki er hinn raunverulegi
gjaldmiðill þjóða. Þessi pakki á að vera í öndvegi. Sterkt
atvinnulíf merkir sterkur gjaldmiðill. Peningar flæða
frá Spáni, Ítalíu og Grikklandi vegna veiks atvinnulífs
sem grefur undan styrk banka í þessum löndum.
Íslendingar, sem fjárfestu í sumarhúsum á Spáni, sitja
t.d. fastir inni með peningana sína í formi óseljanlegra
eigna. Segja má að á Íslandi séu fjármagnshöft frekar
en gjaldeyrishöft. Sparnaði landsmanna er haldið
kerfisbundið innanlands og útlendingar lána frekar fé
til landsins en að leggja til hlutafé. Engu að síður hafa
þónokkrir erlendir fjárfestar keypt hér fyrirtæki þrátt
fyrir versnandi skattalegt umhverfi.
En vill einhver taka Ísland hf. yfir við þessar aðstæður? Örugglega. Það er eftir miklu að slægjast. Landið er ríkt af náttúruauðlindum.
Við höfum fiskinn í sjónum og kvótakerfi á heims ­
mælikvarða til að stýra veiðunum. Að vísu hafa
stjórn völd fullkominn brotavilja til að brjóta það kerfi
niður. Við eigum orku og heitt vatn, sem allir öfunda
okkur af. Erlend stóriðja sækist eftir að vera hér. Við
eigum stórbrotna náttúru sem heillar og laðar að
erlenda ferðamenn. Lega landsins í Atlantshafi er
verðmæt vegna nýrra siglingaleiða um norðurslóðir.
Flugsamgöngur eru einstakar; flogið er til yfir 30
áfangastaða í Evrópu og Bandaríkjunum á degi hverj ­
um. Það er lítil skriffinnska við að stofna fyrirtæki.
Menntun íbúanna er góð og heilbrigðiskerfið með
besta móti. Atvinnulífið er sæmilega sterkt þrátt fyrir
að það sé enn of skuldugt eftir útlánabóluna og búi við
mjög íþyngjandi skattaálögur. Sjávarútvegur, ferða ­
þjónusta og stóriðja eru þær útflutningsgreinar sem
skapað hafa þann hagvöxt sem þó hefur orðið eftir að
landsframleiðslan skrapp saman um samtals 11% árin
2009 og 2010. Að þessum greinum er núna sótt. Sú
þverstæða blasir sömuleiðis við að þótt dregið hafi úr
atvinnuleysi hefur störfum fækkað.
Er eitthvert vit í þessu fyrirtæki, Íslandi hf.? Eigum
við að yfirtaka það? Já. Vegna þess að við yfirtökur á
fyrirtækjum sækjumst við eftir auðlindum, hæfileikum,
framtíðartekjum og sjáum möguleika á að bæta
reksturinn með því að halda rétt á spilunum. Við
sækjumst eftir óperusöngkonunni vegna söngsins,
annað skiptir okkur minna máli.
Ísland hf. yfirtekið?
Jón G. Hauksson
Er eitthvert
vit í þessu
fyrirtæki,
Íslandi hf.?
Eigum við að
yfirtaka það?
Já.
Leiðari