Frjáls verslun - 01.08.2012, Page 62

62 FRJÁLS VERSLUN 8.- 9. 2012
HeRDís DRöFN FjeLDsTeD, sTjÓRNARFoRMAðuR iceLANDic GRoup
Unnið að stefnumótun til framtíðar
1. Hver verða forgangs verk -
efni fyrirtækis þíns næstu sex
mán uðina?
Helstu verkefni félagsins eru
að vinna að stefnumótun til
framtíðar eftir miklar breyt ing ­
ar undanfarin misseri. Fé lagið
festi nýverið kaup á fram leiðslu ­
fyrirtæki í Belgíu og er mikil vægt
að samþætting þess við starfsemi
Icelandic Group takist vel.
2. Hver er kjarninn í stefnu -
mótun fyrirtækis þíns?
Eftir að hafa styrkt fjárhags stöðu
félagsins erum við að vinna
að uppskiptingu á Ice landic
Group í tvö félög þar sem skýr
stefna verður sett á rekstur
félagsins annars vegar og hins
vegar á fjár fest ingar. Rekstri
félagsins er svo aftur skipt
niður í tvær afkomueiningar
þ.e. sölu­ og markaðsstarfsemi
og framleiðslustarfsemi. Þessar
skipulagsbreytingar eru gerðar
í þeim tilgangi að skerpa
áhersl ur á afkomu hvers þáttar
starf seminnar fyrir sig.
3. Hafa tekjur fyrirtækis þíns
vaxið frá því í fyrra?
Icelandic Group hefur breyst
gríðarlega mikið frá árinu 2011.
Félagið seldi starfsemi sína í
Frakklandi og Þýskalandi sem
og í Bandaríkjunum og tengda
innkaupa­ og fram leiðslu ­
starfsemi í Asíu. Félagið hefur
selt eignir fyrir samtals um 41
milljarð króna á þessu tíma bili.
Nýverið keypti félagið fram ­
leiðslufyrirtækið Gadus í Belgíu.
4. Hvaða árangur ert þú
ánægðust með innan þíns
fyrirtækis á árinu?
Ég er gríðarlega ánægð með
það starfsfólk sem vinnur fyrir
Icelandic Group. Hérna er
einvala teymi sem mætt hef ur
þeirri ögrun sem fylgir mikl ­
um breytingum af dugnaði
og fagmennsku. Samstilltur
hóp ur frábærra starfsmanna
er lykillinn að farsælli framtíð
félagsins.
5. Hver er helsti vandinn sem
fyrirtæki glíma núna við?
Þrátt fyrir að margt hafi tekist
vel í endurskipulagningu
atvinnu­ og efnahagslífsins
stöndum við enn frammi fyrir
mikilvægum verkefnum í
umhverfi fyrirtækja. Verkefnin
eru fjölmörg og lúta öll að
því að íslensk fyrirtæki verði
samkeppnishæf til framtíðar.
Afnám gjaldeyrishafta er eitt af
brýnustu verkefnunum í þá átt.
6. Er atvinnulífið enn of
skuldugt til að geta byrjað að
fjárfesta?
Fjárhagslegri endurskipulagn­
ingu íslenskra fyrirtækja er
ekki að fullu lokið og staða
þeirra misjöfn. Fjárhagslegur
styrkur fyrirtækja skiptir miklu
um fjárfestingarákvarðanir en
fleiri þættir koma þar einnig
til svo sem óvissa um þróun
efnahagsmála, bæði innlendra
og á heimsvísu.
7. Eitthvert eitt ráð sem þú vilt
gefa stjórnvöldum?
Það er afar mikilvægt að stjórn ­
völd hafi í huga að íslensk ur
sjávarútvegur hefur í gegnum
tíðina haft gríðar legt vægi í
efnahagslegri uppbygg ingu
Íslands og skapað gjaldeyris ­
tekjur, atvinnu og grunn þeirra
lífskjara sem við búum við í
dag. Í því ljósi er mikilvægt að
ekki séu lagðir óhóflegir skattar
og að ekki ríki langvarandi
óvissa um greinina. Það er
mikilvægt að vandað sé til
allra ákvarðana sem hafa áhrif
á rekstrarumhverfi sjávar ­
útvegsins.
„Félagið hefur selt eignir fyrir
samtals um 41 milljarð króna á
þessu tímabili.“
Herdís Dröfn Fjeldsted.