Frjáls verslun - 01.08.2012, Qupperneq 67

FRJÁLS VERSLUN 8.- 9. 2012 67
1. Hver verða forgangsverkefni
fyrirtækis þíns næstu sex
mánuðina?
Vöxtur og markaðssókn
samkvæmt stefnumótandi
áætlun.
2. Hver er kjarninn í stefnu -
mótun fyrirtækis þíns?
Traust samband við viðs kipta ­
vini okkar og þekking og færni
okkar við að stuðla að vexti
þeirra og velgengni.

3. Hafa tekjur fyrirtækis þíns
vaxið frá því í fyrra?
Já, umtalsvert, enda er bankinn
markvisst að auka umsvif sín.
Tekjur á þriðja fjórðungi þessa
árs eru um 160% hærri en á
þriðja fjórðungi í fyrra.

4. Hvaða árangur ert þú
ánægð astur með innan þíns
fyrirtækis á árinu?
Að framkvæmd áætlunar hefur
gengið vel og að MP­banka
hefur verið vel tekið.

5. Hver er helsti vandinn sem
fyrirtæki glíma núna við?
Óskýr efnahagsstefna.

6. Er atvinnulífið enn of
skuld ugt til að geta byrjað að
fjárfesta?
Þeir sem vita hvað þeir skulda
mikið eru að verða tilbúnir að
fjárfesta. Þeir sem enn glíma við
óvissu geta það ekki og þetta
nær til fyrirtækja sem ekki hafa
lokið við endurskipulagningu
sem og til sjávarútvegsins
nánast eins og hann leggur sig.

7. Eitthvert eitt ráð sem þú vilt
gefa stjórnvöldum?
Gera skýra efnahagsstefnu til
lengri tíma, vinna markvisst
og fumlaust að afnámi gjald ­
eyrishafta og leggja mikið kapp
á að laða erlenda fjárfestingu
inn í landið. Þetta hangir allt
saman svo ég tel þetta vera eitt
ráð.
siGuRðuR ATLi jÓNssoN, BANKAsTjÓRi Mp-BANKA
Sókn samkvæmt áætlun
„Traust samband við viðs kipta vini
okkar og þekking og færni okkar
við að stuðla að vexti þeirra og
velgengni.“
Sigurður Atli Jónsson.