Frjáls verslun - 01.08.2012, Síða 163

FRJÁLS VERSLUN 8.- 9. 2012 163
TexTi: HilMar KarlSSon
Steven Spielberg að koma með
Indiana Jones and the Kingdom
of the Crystal Skull á markaðinn
og tilkynnti um leið að hann
myndi hefja tökur á Lincoln á
árinu. Ekkert varð úr því og hóf­
ust tökur ekki fyrr en í október
2011 og stóðu í þrjá mánuði.
Daniel Day Lewis í
stað Liams Neesons
Liam Neeson hafði áður unnið
með Spielberg í The Schindler’s
List og undirbjó Neeson sig
gaumgæfilega fyrir hlutverkið,
en það var síðan hans eigin
ákvörðun að hætta við það um
mitt árið 2010. Hann taldi sig
of gamlan fyrir hlutverkið, sem
hlýt ur að hafa verið fyrirslátt­
ur því þegar tökur hófust var
Neeson aðeins þremur árum
eldri en Lincoln, sem var 56 ára
þegar hann var myrtur. Ástæðu­
na má líklega frekar rekja til
þess að hann var nýbúinn að
missa eigin konu sína, leikkon­
una Natöshu Richardson, í
skíðaslysi og sjálfsagt verið að
reyna að byrja nýtt líf og talið
best að segja sig frá hlutverkinu
ef hann skyldi ekki vera tilbúinn
þegar tökur hæfust.
Liam Neeson fer sem sagt út
og inn kemur Daniel Day­Lewis,
sjálfsagt einn erfiðasti leikari
sem hægt er að vinna með,
en hann skilar sínu og vel það
og það vissi Spielberg. Fékk
Day­Lewis ár til að undirbúa
sig og þeir sem hafa séð hann
í hlutverkinu telja víst að hann
komi sterklega til greina þegar
kemur að óskarnum. Framleið­
andinn Kathleen Kennedy, sem
unnið hefur með Spielberg við
allar hans kvikmyndir, sagði:
„Í hvert skipti sem ég kom á
tökustað fór hálfgerður hrollur
um mig, mér fannst eins og
Lincoln sjálfur væri sestur í
stólinn.“
Í hlutverkum fjölskyldumeðlima
Lincolns eru Sally Field, sem
leikur eiginkonu hans, Mary
Todd Lincoln, og Joseph Gord­
on­Lewitt, sem leikur elsta son
þeirra, Robert Todd Lincoln. Eins
og við er að búast eru þunga ­
vigtar leikarar í mörgum smærri
hlutverkum, má þar nefna Tommy
Lee Jones, David Straitharn,
Dav id Oyelowo, Hal Holbrook,
Tim Blake Nelson og Jared
Harris sem leikur hershöfðingj­
ann Ulysses S. Grant, sem síðar
varð forseti Bandaríkjanna.
Steven Spielberg er ekki að eins
með þungavigtarleikara, hann
er með nokkra snillinga sem
hafa unnið með honum í flestum
kvikmyndum hans síðustu
þrjátíu árin og sumir leng ur, má
þar nefna tónskáldið John Willi­
ams, kvikmyndatöku manninn
Kanusz Kaminski, klipparann
Michael Kahn og fyrr nefndan
bakvörð Spielbergs, framleiðand­
ann Kathleen Kennedy. Mikil
eftirvænting er í loftinu hvað
varðar Lincoln, en hún verður
frumsýnd í Bandaríkjun um 16.
nóvember. Hér á landi er enn
ekki komin dagsetning á mynd­
ina. Tímasetningin er góð fyrir
kvikmyndir sem ætla má að fái
margar óskarstilnefningar.
Daniel Day-Lewis nægir ekki að leika, hann „lifir“ hlutverkið og það kemur niður á meðleikurum
hans, sem hafa ekki fallega sögu að
segja af honum þegar samstarfið er
annars vegar. Mörg dæmi eru um
hvernig hann hagar sér við upptökur
á kvik mynd. Má nefna að þegar verið
var að taka upp There Will Be Blood
neitaði hann að tala við meðleikara
sína að loknum vinnudegi og bjó
einn í tjaldi á olíusvæði í Texas. Og
Liam Neeson, sem upp runalega átti
að leika Abraham Lincoln og lék á
móti Day-Lewis í The Gangs of New
York, varð brjál aður út í hann þegar
Day-Lewis neitaði að kalla hann réttu
nafni þeg ar þeir voru ekki við tökur
heldur kallaði hann nafni persónunn-
ar sem hann lék, meira að segja
þegar þeir voru að æfa í ræktinni.
Álíka sögur og margar skrítnari eru
til af Daniel Day-Lewis og hegðun
hans, en allir viðurkenna að enginn
leikari kemur jafn vel undirbúinn
fyrir hlutverk sitt. Til að mynda fyrir
hlutverk IRA-skæruliðans Gerrys
Conlons í In the Name of The Father
dvaldi hann nokkra sólarhringa í óupp-
hituðum ein angrunarklefa í fangelsi.
Smíðar í frítímanum
Daniel Day-Lewis býr ásamt eigin -
konu sinni, Rebeccu Miller (dóttur
Arhurs Millers), í þorpi á Írlandi. Þar
keypti hann jörð og bætti við annarri
svo hann fengi örugglega frið. Með
Miller á hann tvo syni. Einnig á hann
fyrir með frönsku leikkonunni Isabelle
Adjani son sem orðinn er 17 ára.
Þegar Adjani tilkynnti honum að hún
væri ófrísk sendi hann skilaboð á
faxi um að þau væru hætt saman.
Sagt er að í dag sé Daniel Day-Lew-
is í góðu sambandi við son sinn.
Önnur kærasta fékk jafnvel enn verri
skilaboð. Um er að ræða einkaþjálf-
ar ann Deyu Pichardo, sem bjó með
honum um tíma á Manhattan. Einn
vinur Day-Lewis hringdi í hana og
óskaði henni til hamingju með brúð -
kaupið! Hún kom af fjöllum, vissi
ekki að daginn áður hafði kærastinn
gifst Rebeccu Miller, sem nú er búin
að vera eiginkona hans í um það
bil fimmtán ár. Eins og áður segir
á Daniel Day Lewis til að hverfa af
sjónarsviðinu og þá snýr hann sér að
áhuga málum sínum, sem eru fyrst og
fremst smíðar og hjólreiðar. Heima
er hann með góða smíðaaðstöðu og
svo hjólar hann í marga klukkutíma,
helst þar sem enginn er. Hann fer á
bæjarkrána og fær sér Guinness-bjór
og að sögn bæjarbúa er hann alltaf
mjög vinsamlegur en um leið skynja
bæjarbúar að hann vill vera einn.
Í einu af fáum viðtölum sem tekin
hafa verið við Daniel Day-Lewis
hafði hann meiri áhuga á að tala
um smíðar en kvikmyndir og sagði
að yngri sonur sinn hefði í nokkur
ár haldið að hann væri smiður og
sagt pabba sinn smið þegar hann
var spurður út í vinnu föðurins í skól -
anum. Og þar sem hann var ekki með
hlutverk í kvikmynd eiginkonunnar,
The Private Lives of Pippa Lee, en
Rebecca Miller er bæði leikkona og
leikstjóri, réð hann sig sem smið við
sviðsmyndina og var víst mun sam-
vinnuþýðari en þegar hann leikur.
Margverðlaunaður leikari
Daniel Day-Lewis er sonur fyrrver-
andi lárviðarskálds Breta, Cecils
Day-Lewis. Þeir áttu ekki skap saman
feðgarnir og var sonurinn tekinn úr
almenningsskóla í London og sendur
á heimavistarskóla þar sem hann
reyndi allt til að vera rekinn, meðal
annars búðahnupl, en allt kom fyrir
ekki; pabbinn vildi hann ekki heim
og strákurinn fékk að vera áfram í
skólanum, þar sem hann stóð sig
illa. Það góða sem kom út úr þessari
skólavist var að þar kynntist hann
leiklist og smíði.
Daniel Day-Lewis hefur ekki leikið
í mörgum kvikmyndum eftir að hann
varð fyrst frægur fyrir leik sinn í The
Unbearable Lightness of Being
(1988) eða þrettán kvikmyndum á
24 árum, en ferillinn er stórkostlegur
og má segja að einhver verðlaun
hafi fallið honum í skaut fyrir öll
hlutverkin. Óskarinn hefur hann unnið
tvisvar, fyrst fyrir My Left Foot (1990)
og svo There Will Be Blood (2007).
Inn á milli komu tvær tilnefningar, In
the Name of the Father (1993) og
Gangs of New York (2002). Lengsta
frí sem hann hefur tekið frá kvikmy-
ndaleik er fimm ár, 1997-2002. Hvað
hann gerir eftir Lincoln er ekki vitað,
líklega langt frí, að minnsta kosti er
hann ekki skráður í neina kvikmynd
næstu misserin.
Sally Field leikur eiginkonu Lincolns, Mary Todd Lincoln.
Steven Spielberg og Daniel
Day Lewis ræða málin meðan á
tökum stóð.
Daniel Day-Lewis með Óskars-
verðlaunin sem hann fékk fyrir
leik í There Will Be Blood. Með
honum á myndinni er Helen
Mirren.
Þótt hann sé óútreiknanlegur
sérvitringur, þekktur fyrir að
forðast sviðsljósið, erfiður
vinnu félagi og eigi það til að
hverfa í nokkur ár kemur það
ekki í veg fyrir að í hvert skipti
sem hann lætur til sín taka
í kvik myndum heillar hann
fjöldann með stórkostlegum
leik og sterkri persónu sköpun.
Daniel
Day-lewis