Frjáls verslun - 01.01.2014, Síða 6

6 FRJÁLS VERSLUN 1. 2014
E
N
N
E
M
M
/
S
ÍA
/
N
M
6
13
7
2
FRAMÚRSKARANDI ÁRANGUR Í EIGNASTÝRINGU
Kynntu þér fjölbreyttar leiðir í sparnaði og fjárfestingum á vib.is eða fáðu nánari upplýsingar í síma 440 4900.
HLUTABRÉFASJÓÐURINN
SKILAÐI 46,2% ÁVÖXTUN
ÁRIÐ 2013
Síðasta ár var gjöfult á hlutabréfamarkaði og er þetta fimmta árið í röð sem Hlutabréfasjóðurinn skilar frábærum
árangri. Fjárfesting í Hlutabréfasjóðnum er áhrifarík leið til þátttöku í hlutafjárútboðum og jafnframt nýtur þú
virkrar eignastýringar í íslenskum hlutabréfum.
Íslensk hlutabréf* 1 ár 2 ár 3 ár 4 ár 5 ár
Hlutabréfasjóðurinn 46,2% 34,7% 27,2% 25,6% 19,8%
Landsbréf - Úrvalsbréf 29,3% 25,2% 17,3% 19,6% 15,0%
Stefnir - ÍS-15 43,4% 33,4% 22,6% 20,9% 17,4%
Íslandsbanki | Kirkjusandi | 155 Reykjavík | Sími 440 4900 | vib@vib.is
facebook.com/VIB.stofan | @vibstofan | www.vib.is
* Skv. sjodir.is 31. desember 2013. Ávöxtunartölur miðast við nafnávöxtun og er ávöxtun umfram 12 mánuði umreiknuð í ávöxtun á ársgrundvelli.
Hlutabréfasjóðurinn er fjárfestingarsjóður skv. lögum nr. 128/2011 um verðbréfasjóði, fjárfestingarsjóði og fagfjárfestasjóði.
Ávöxtun í fortíð er ekki ávísun á ávöxtun í framtíð. Hafa ber í huga að eign í fjárfestingarsjóði getur bæði hækkað eða lækkað, allt eftir þróun á
markaðsverði þeirra. Íslandssjóðir hf. er rekstrarfélag sjóðsins. Útboðslýsingu og nánari upplýsingar er hægt að nálgast á heimasíðu Íslandssjóða,
www.islandssjodir.is. eða á vib.is Fjárfestar eru hvattir til að kynna sér útboðslýsingu sjóðsins og þá sérstaklega umfjöllun um áhættuþætti.
S
vipmyndir atvinnulífsins breytast dag frá
degi. Einn daginn er allt bjart en þann næsta
er útlitið fremur dökkt. Einn daginn er það
Landspítalinn, skuldavandi heimila og fyrir­
tækja – sem og krónískur fjárlagahalli. Næsta
dag er yfirskriftin Ísland best í heimi; allir brattir og
bjartsýnir. Einn daginn er okkur sagt að allt sé á uppleið
og birt hafi yfir landinu, fjárfestingar séu að glæðast
og stóraukinnar bjartsýni gæti á meðal almennings
og forráðamanna fyrirtækja. Næsta dag kemur útspil
frá ríkisstjórninni sem veldur ólgu og mótmælum á
Austurvelli við þinghúsið og stemningin í samfélaginu
tekur skyndilega á sig nýja mynd. Þegar mestu vind­
arnir blása heldur hinn sanni Íslendingur sig við gamla
haldreipið: Þetta reddast – en það er einhvers konar
blanda hæfilegs kæruleysis og bjartsýni – en hún
kem ur hins vegar ekki í staðinn fyrir agaða hagstjórn
ríkisstjórnar, fyrirtækja og einstaklinga þótt hún kunni
að vera góð með.
Kosningarnar á síðasta ári snerust um agaða og
skyn samlega hagstjórn sem lyfti atvinnulífinu upp úr
lognmollu og stöðnun – og ýtti undir bjartsýni, vinnu ­
vilja og framtakssemi; energí og trú. Sterkt atvinnu líf
er undirstaða velferðar í landinu. Kosn ingarn ar sner­
ust líka um skattalækkanir og minni andúð í garð
atvinnu lífsins svo við færum upp úr fyrsta gírn um,
eins og það var orðað. Í kosningabaráttunni var minnt
á galdrana varðandi skattheimtu en kúnstin sú er að
eftir því sem skattprósenta er lægri þeim mun meiri
verður vinnuviljinn og stærri verður kakan – og þar
með skattstofninn. Undir lok kosningabaráttunnar varð
umræða um skuldaleiðréttingu heimila fyrirferðar mest
og margir líta á hana sem hina eiginlegu birt ingar mynd
kosninganna.
Ég hef verið eindreginn talsmaður þess í leiðurum Frjálsrar verslunar að við Íslendingar tileinkuðum
okkur agaða og skynsamlega hagstjórn og hún væri
í forgangi. Þess vegna hreifst ég af orðum Hreggviðs
Jóns sonar, formanns Viðskiptaráðs, á nýafstöðnu
Viðskiptaþingi um mikilvægi agaðrar hagstjórnar
og að við tækjum á eigin spýtur upp Maastrich­skil ­
mála um stöðugt verðlag, jafnvægi í fjárlögum hins
opin bera og hlutfall skulda af vergri landsframleiðslu.
Allar ríkisstjórnir ættu að stefna á stöðugt verðlag og
jafnvægi í fjárlögum hins opinbera þótt þeim takist
ekki oft sem skyldi. Ekki er nóg að ríkisstjórnir stefni
á stöðugt verðlag – um það þarf að ríkja þjóðarsátt.
Almenningur og atvinnulífið verða að vilja það í verki.
Öguð hagstjórn er alltaf nauðsynleg – hver sem
gjaldmiðillinn er. Fjárfestar sækjast mest eftir góðri
viðskiptahugmynd en horfa mjög á pólitískt landslag
og hvort vinnumarkaðir séu sveigjanlegir, hvort
þar séu hóflegir og skynsamir kjarasamningar og
hvort auðvelt sé að ráða og segja upp fólki án mikils
kostnaðar – hvort þar sé sífelldur órói, verkföll og
launa hækkanir langt umfram hagvöxt og framleiðni,
þ.e. verðmætasköpun vinnuafls og fjármagns.
Þjóðverjum hefur gengið vel og þar er þjóðarsátt um
litla verðbólgu, hún er eitur í þeirra beinum. Þar eru
hóflegar launahækkanir til langs tíma og kjarabótin
kemur með auknum kaupmætti ráðstöfunartekna.
Áhugi fjárfesta á Frakklandi er fremur lítill vegna þess
hve vinnumarkaðurinn er ósveigjanlegur – þar er erfitt
og mjög kostnaðarsamt að segja upp starfsfólki, breyta
fyrir tækjum og ná fram hagræðingu.
Laun eru yfir helmingur af þjóðarkökunni og þess vegna eru þau langstærsta breytan í verð bólgu ­
for múlunni. Kerfið hristist allt og skelfur þegar gerðir
eru óraunhæfir kjarasamningar. Það á einnig við um
önnur lönd. Ef Þjóðverjar hegðuðu sér eins og við í
launahækkunum, þ.e. hækkuðu laun langt umfram
hagvöxt og framleiðni, væri þar bullandi verðbólga
og minni hagvöxtur. Formúlan fyrir hagvöxt á Íslandi
er ekki flókin; í áratugi hefur hún byggst á sterkum
útflutningsgreinum og fjárfestingum í atvinnulífinu.
Efnahagsbatinn frá hruni hefur allur komið frá sjávar ­
útvegi, ferðaþjónustu og orkufrekum iðnaði – og hefur
verið ánægjulegt að sjá hvað ferðaþjónustan vex hratt.
Stóra myndin á Íslandi er ágæt ef okkur tekst að
beita agaðri og skynsamlegri hagstjórn og efla atvinnu ­
vegina með skattalækkunum og standa þannig undir
velferð. Okkur Íslendinga sárvantar hins vegar þjóðar ­
sátt á vinnumarkaði; að hækka ekki laun umfram
hag vöxt og framleiðni. Forráðamenn fyrirtækja innan
atvinnulífsins mættu raunar vera sterkari fyrirmyndir í
þeim efnum og gæta hófs í launahækkunum til stjórn ­
enda til að auðveldara sé að ná sáttum á vinnumarkaði
og ná fram hinum eftirsótta stöðugleika í verðlagi.
Í nýlegri könnun Frjálsrar verslunar sögðust yfir 70%
telja að árið 2014 yrði betra en árið 2013. Það veit á gott.
Bjart framundan! Höfum það sem langtímaveðurspá
þótt svipmyndir og veðurkort atvinnulífsins breytist dag
frá degi.
Jón G. Hauksson
Í nýlegri könnun
Frjálsrar versl­
unar sögðust yfir
70% telja að árið
2014 yrði betra
en árið 2013. Það
veit á gott.
Öguð hagstjórn
leiðari