Frjáls verslun - 01.01.2014, Qupperneq 62

62 FRJÁLS VERSLUN 1. 2014
Gylfi með
540 milljónir á ári
G
ylfi Þór Sigurðsson,
knattspyrnumaður
hjá Tottenham og
íþróttamaður ársins,
er launahæsti
knatt spyrnumaður
Íslands með um
540 milljónir króna
í árstekjur. Næstur honum kemur Aron Einar
Gunnarsson, Cardiff og fyrirliði íslenska
lands liðsins, með um 120 milljónir króna í
árslaun. Kolbeinn Sigþórsson, Ajax, er með
um 100 milljónir á ári. Algeng laun íslenskra
knattspyrnumanna á Norðurlöndunum liggja
á bilinu 20 til 40 milljónir á ári. Þetta eru laun
án bónusa og annarra aukatekna.
Laun íslensku leikmannanna eru samt smá ­
munir miðað við það sem þeir bestu hafa í
laun en Messi og Cristiano Ronaldo eru með
um 2,7 milljarða króna í laun á ári.
Arsene Wenger, knattspyrnustjóri Arsenal,
sem hefur haldið nokkuð fast um budduna,
hefur margoft bent á að laun knattspyrnu ­
manna séu komin langt út yfir öll mörk
vel sæmis.
Sú var tíðin að knattspyrnan var íþrótt
verka manna á Bretlandseyjum. Lágt miðaverð
á kappleiki varð til þess að knattspyrnan var
lengi vel eina íþróttagreinin sem þeir höfðu
ráð á að fylgjast með. Á síðustu árum hefur
miðaverð á leiki rokið upp úr öllu valdi í sam ­
ræmi við hækkandi laun knatt spyrnu manna –
sem eru fyrir löngu komin úr öllum böndum.
Laun knattspyrnumanna eru oft í brenni ­
depli. Inni á vellinum geysast um leikmenn
sem eru með yfir tvo milljarða ísl. kr. í árslaun,
um 167 milljónir kr. í mánaðarlaun og yfir
40 milljónir kr. í vikulaun – þrátt fyrir að eiga
afar misjafna leiki: valda oft vonbrigðum. Þar
má nefna Wayne Rooney, Manchester United,
John Terry, Chelsea, Yaya Toure, Manchester
City, Sergio Aguero, Manchester City, og
Fernando Torres, Chelsea. Ofan á laun þeirra
bætast svo auglýsingatekjur, sem eru mis ­
miklar.
Það væri aðeins til að flækja málið að nefna
til sögunnar þá Cristiano Ronaldo, Real
Madrid, og Lionel Messi, Barcelona, sem eru
með um 2,7 milljarða í árslaun. Þeir eru með
225 milljónir í mánaðartekjur, litlar 56 millj.
kr. á viku. Þessi upphæð tvöfaldast og rúm ­
lega það þegar auglýsingatekjur bætast við.
Launahæstu Íslendingarnir
Launahæstu íslensku knattspyrnumennirnir
eru ekki einu sinni hálfdrættingar á við þá
sem hala inn mestu upphæðirnar.
Gylfi Þór Sigurðsson, leikmaður Tottenham,
hefur fjórfaldað laun sín á milli áranna 2012
og 2013; var með í árstekjur 540 millj. ísl.
króna – 45 milljónir á mánuði, 11 milljónir á
viku, 1,6 milljónir á dag.
Aron Einar Gunnarsson, sem leikur með
Cardiff, kemur næstur í tekjum á eftir Gylfa
Þór af Íslendingunum í ensku knattspyrnunni.
Hann er með um 120 millj. kr. í árslaun – 10
milljónir í mánaðarlaun og 2,5 millj. á viku.
Þegar farið er yfir Ermarsundið hittum við
fyrir Kolbein Sigþórsson hjá Ajax í Amster dam,
sem er með um 100 milljónir kr. í árs laun, 8,3
millj. á mánuði, tvær milljónir á viku.
Sagt var frá því á dögunum í Tipsbladet í
Danmörku að Sölvi Geir Ottesen hefði gert
ótrúlega góðan samning er hann fór frá FC
Kaupmannahöfn til Ural í Rússlandi, þar sem
hann fær vel yfir 80 millj. kr. í árslaun.
Birkir Bjarnason, Sampdoria, og Emil Hall ­
freðsson, Hellas Verona, eru með yfir 70
milljónir í árslaun á Ítalíu.
Hér eru ekki taldir með bónusar og auglý ­
singatekjur, sem eru misjafnar hjá leik ­
mönn um. Gylfi var nýlega valinn í hóp bestu
knatt spyrnumanna heims, sem eru í súperliði
Pepsi 2014 og leika í sjónvarps auglýsingum.
Mynd af Gylfa verður á tveggja lítra Pepsi­ og
Pepsi Max­flöskum.
Íslenskir knattspyrnumenn í öðrum löndum
eru ekki með eins há laun og áðurnefndir
leikmenn – myndi eflaust svelgjast á ef þessar
upphæðir yrðu nefndar í þeirra herbúðum. Í
Norergi eru íslensku leikmennirnir með þetta
1,5 til 2,5 millj. kr. í laun á mánuði, fyrir skatt.
Veigar Páll Gunnarsson var launahæsti Íslend ­
ingurinn í Noregi er hann lék með Stabæk 2012,
með um 4,5 milljónir kr. á mán uði. Árstekjur
Veigars voru um 54 milljón ir kr. en hann greiddi
24,6 milljónir kr. í skatt.
Með auknum vinsældum breyttist knatt ­
spyrnan úr afþreyingu og leik yfir í viðskipta ­
vöru, sem ákveðinn snobbstimpill var þrykkt ­
ur á. Á árum áður fór ríka fólkið á veðreiðar
Gylfi Þór Sigurðsson, knattspyrnumaður hjá Tottenham og íþrótta­
maður ársins, er launahæsti knattspyrnumaður Íslands. Hann er
með um 540 milljónir króna í árstekjur og með hærri laun en allir
aðrir leikmenn landsliðsins til samans.
TexTi: siGMundur ó. sTeinarsson. / Myndir: ÝMsir.
Hér eru ekki taldir með
bónusar og auglýsinga­
tekjur, sem eru misjafnar
hjá leikmönnum. Gylfi var
nýlega valinn í hóp bestu
knattspyrnumanna heims,
sem eru í súperliði Pepsi
2014 og leika í sjónvarps­
auglýsingum.
íþróttir