Frjáls verslun - 01.01.2014, Síða 80

80 FRJÁLS VERSLUN 1. 2014
M
agnús Geir Þórðarson
er nýr útvarpsstjóri og
hans bíður erfitt en
spennandi verkefni.
Hann tekur við RÚV á
frekar erfiðum tímum
fjárhagslega og eftir miklar uppsagnir þar á
bæ. En hvað mun hann gera? Hvernig mun
hann hrista upp í þessari rótgrónu stofnun
sem ýmsir spyrja sig hvort sé tímaskekkja í
frjálsri flóru fjölmiðla? Breytir hann ímyndinni,
vinnu brögðum fréttastofu, dagskrárgerðinni
eða sjálfri dagskránni til að auka vinsældir
stofnunarinnar? Hingað til hefur hann náð
mikl um árangri sem leikhússtjóri og rifið upp
aðsókn t.d. að Borgarleikhúsinu og Leikfélagi
Akureyrar. Það verður mjög fróðlegt að sjá
hvað hann gerir og hvernig hann tekur á
mál um innanhúss – eitt er víst; með honum
koma ferskir vindar. Hann er þeirrar gerðar að
hann lætur verkin tala frekar en að lýsa því í
smáatriðum hvað hann ætli sér að gera. Það
kemur í ljós. Hann setti upp fyrsta verk sitt í
Borgarleikhúsinu aðeins níu ára með Ragnari
Kjartanssyni.
Magnús segir að ósamstaða starfsmanna sé
eitur í sínum beinum. „Ég legg mikið upp úr
því að byggja upp samheldinn hóp sem vinnur
saman af metnaði með skýra framtíðarsýn.
Um leið og ég geri miklar kröfur legg ég ríka
áherslu á að það sé gaman í vinnunni og að
maður nálgist hluti jákvætt á lausnamiðaðan
og uppbyggilegan hátt. Vandamálavæðing,
kvart og ósamstaða er eitur í mínum beinum,“
segir hann og bætir við að agi og skipulag sé
nauð synlegt til að njóta frelsis til að skapa og
þróa verkefni áfram.
„Í Borgarleikhúsinu settum við okkur þá
reglu að segja alltaf „JÁ“. Ég vil að allur
starfs mannahópurinn segi „já“ við góðum
hug myndum og vinni þannig að því að góðar
hug myndir fái vængi. Ég er keppnismaður en
til að vinnu staðurinn geti farið í keppnisgírinn
og fagnað áfanga sigrum þurfa markmiðin að
vera klár.“
Horfið frá leyndarmálastefnu
Magnús segir að stíll hans í umgengni við
aðra sé sá að hann reyni einfaldlega að vera
manneskja sem komi af virðingu fram við
aðra. „Leiðtogi á að vera hvetjandi og upp ­
byggi legur á sama tíma og hann miðlar skýrri
framtíðarsýn. Ég held að einn af mínum
styrkleikum sé frekar jákvætt lífsviðhorf. Ég
geri kröfur, en vil líka að fólki líði vel. Það
þarf gott upplýsingaflæði og það er mikil ­
vægt að fólk fái og nái að tala mikið saman.
Ég hef lagt mikið upp úr því að hverfa frá
leyndarmálastefnu til opins samtals. Í Borgar ­
leikhúsinu höfum við þurft að leggja hart að
okkur. Á síðustu sex árum höfum við staðið
frammi fyrir niðurskurði á hverju ári en með
mikilli vinnu allra höfum við komið í veg fyrir
uppsagnir, fækkun uppsetninga eða lokun
sviða – við höfum nefnilega þvert á móti sótt
á. Á bak við árangurinn er einstaklega sam ­
heldinn og sterkur starfsmannahópur sem
nýtur þess sem hann er að gera,“ segir hann.
lærir betur að treysta öðrum
Öll starfsemi Borgarleikhússins var stokkuð
upp árið 2008 þegar Magnús stýrði allsherjar
stefnumótunarvinnu með starfsfólki sínu.
Samsetning verkefna var stokkuð upp, list ­
ræn stefna yfirfarin, allt skipulag og fjármál
endurskoðuð, markaðsmálin unnin frá
grunni og mannauðsmál yfirfarin. Þetta
skil aði betra leikhúsi, meiri aðsókn og betri
líðan starfsfólks og varð til dæmis til þess að
hægt var að setja risavaxið verkefni eins og
Mary Poppins á fjalirnar, vinsælustu sýningu
Íslands sögunnar. Fjöldi kortagesta, sem var
áður árlega milli fimm hundruð og þúsund
manns, er núna um tólf þúsund.
„Ég hef með tímanum lært að dreifa betur
ábyrgð og treysta fólki betur til að klára málin
á eigin spýtur. Á undanförnum misserum hef
ég verið að læra betur að slökkva á símanum
og skilja við vinnuna í nokkra klukkutíma
á sólarhring – og um leið að skilja betur að
samstarfsfólkið þarfnast hins sama. Við vilj um
að starfsfólk upplifi lífsfyllingu, eigi ham ­
ingju ríkt fjölskyldulíf samhliða vinnu sem það
brennur fyrir,“ segir Magnús Geir.
Magnús Geir stjórnaði Leikfélagi Akureyrar
í fjögur ár áður en hann tók við Leikfélagi
Reykjavíkur, Borgarleikhúsinu, árið 2008.
Hlutverk RÚV eru mörg og stofnunin stór.
Stjórn RÚV kaus hann einróma til starfsins
en Magnús sat sjálfur í stjórninni frá 2011
þar til nú. Leikhúsunum sem Magnús hefur
stýrt umbylti hann á marga vegu. Hann sneri
á stuttum tíma við gríðarlegum taprekstri
Leikfélags Akureyrar og sló öll sölumet í
sögu leikfélagsins. Í Borgarleikhúsinu stórjók
hann aðsókn og margfaldaði tekjurnar.
Borgarleikhúsið er núna langstærsta leikhús
landsins með tvöfalt fleiri áhorfendur en
Þjóðleikhúsið, eða um 215 þúsund á ári.
Þorgerður katrín gunnarsdóttir:
leiðtogi með skýra sýn
Þorgerður Katrín Gunnarsdóttir, formað ur
stjórnar LR, hefur frá því hún var mennta ­
málaráðherra haft samskipti við Magnús:
„Hann er leiðtogi sem hefur skýra sýn og
veit að leiðin að markmiðinu sem hann
hefur sett sér er liðsheildin. Magnús er afar
frjór, skapandi og praktískur. Hann lætur
sam starfsmenn sína og hugmyndir þeirra
njóta sín. Hann tekur utan um fólkið sitt.
Hann er skipulagður, næmur á nýjungar
og þorir að fara ótroðnar slóðir. Kannski
tókst honum svona vel upp vegna þess að
listamaðurinn er aldrei langt undan,“ segir
hún og að hluti af stjórnunarstíl Magnúsar
sé gleði og húmor. „Maður er einfaldlega
þakklátur að fá að vera í liðinu hans en
þetta var ekki endilega auðvelt í leikhúsinu
í upphafi, þar sem allir telja sig vita hvernig
á að gera hlutina. En með sjarma sínum
og sköpunarkrafti, skýrri framtíðarsýn og
gleði var fólk nokkuð fljótt að átta sig á að
Magnús Geir er einfaldlega „með þetta“,
eins og krakkarnir segja. Enda Magnús
flinkur að tala fólk inn á hluti og útskýra
sam hengið. Ætli góður sölumaður leggist
ekki ofan á alla hina eiginleikana,“ segir
Þorgerður.
Magnús Geir og Ragnar Kjartansson myndlistar­
maður settu upp Línu langsokk í Iðnó, þá 9 ára.
Magnús leikstýrði og Ragnar lék löggu.