Frjáls verslun - 01.01.2014, Side 104

104 FRJÁLS VERSLUN 1. 2014
SEX FLUGLEGGIR MILLI ÁFANGASTAÐA INNANLANDS
is
le
ns
ka
/s
ia
.is
F
LU
6
78
42
0
2’
14
Flugfélag Íslands mælir með Flugfrelsi ef þú átt oft erindi út á land eða til
borgarinnar. Nýttu þér frelsið til að fljúga innanlands á hagstæðari kjörum.
FLUGFELAG.IS
SEX FYRIR 68.100
Ekkert breytingarg jald
Ekkert afbókunarg jald
Takmarkað sætaframboð
Hvert Flugfrelsi gildir fyrir einn farþega
Bókanlegt í síma 570 3030
Útflutningsrisarnir
Marel og Össur komust í gegnum efna hags ­
þrengingar Íslands í framhaldi af hruninu
árið 2008og má jafnvel segja að rekstrar ­
grund völlur fyrirtækjanna hafi styrkst vegna
efnahagslegu hamfaranna, öfugsnúið sem
það má virðast. Ástæðan er að stór hluti af
hagnaði fyrirtækjanna myndast á erlendri
grundu í erlendri mynt. Hagnaður frá þeirri
veltu í erlendri mynter umreiknaður í krónur.
Eftir að íslenska krónan veiktist árið 2008,
eftir margra ára styrkingu, varð hagnaður sem
skapaðist á erlendri grundu verðmeiri.
Rekstur Marels gekk þó ekki nægjanlega
vel á árinu 2013. Tekjur félagsins lækkuðu
fyrstu níu mánuði ársins samanborið við ár­
inu 2012 og hagnaður dróst töluvert saman.
Framlegð félagsins hefur síðustu ár verið að
dragast saman og hefur það komið fram í
gengi hlutabréfa félagsins. Þessi þróun hefur
endurspeglast í gengi hlutabréfa félagsins
undanfarið og er hér sýnt hvernig hún hefur
verið árin 2012 og 2013.
Eins og sést á myndinni hefur ávöxtun
hluta bréfa félagsins verið, ólíkt flestum öðrum
skráðum hlutafélögum á íslenskum markaði,
slök. Í framhaldi af tilkynningu uppgjörs
fyrir þriðja ársfjórðung 2013 lækkaði gengi
hlutabréfa þess í lægstu slóðir síðastliðin tvö
ár. Í upphafi nóvembermánaðar tilkynnti
félagið svo að stjórn þess hefði ráðið Árna
Odd Þórðarson sem forstjóra, en hann hafði
setið í stjórn félagsins frá árinu 2005 og
lengst af sem stjórnarformaður. Forvitnilegt
verður að sjá hvort Árni Oddur nær að bæta
rekstur félagsins en hlutabréf þess hækkuðu
í framhaldi af ráðningu hans, sem gefur vís ­
bendingu um að fjárfestar vænti betri af komu
undir hans stjórn.
Rekstur Össurar hefur verið tiltölulega stöð ­
ugur undanfarin ár og hefur gengi hlutabréfa
félagsins endurspeglað væntingar sem hafa
sveiflast með óreglubundnum hætti. Gengi
hlutabréfa félagsins tók töluverða dýfu haust ið
2013 þegar óvissa ríkti um skráningu félags ins
í Kauphöll Íslands. Afkoma félagsins á þriðja
ársfjórðungi síðasta árs var hins vegar töluvert
betri en væntingar flestra og hækk aði gengi
bréfa þess töluvert í framhaldi af uppgjörinu.
Er markaðsvirði Össurar nú hærra en það
hefur nokkru sinni verið og fyrstu vikur ársins
2014 gefa til kynna að sú hrina hækkana sé
ekki búin að renna sitt skeið.
Hlutabréf Marels og Össurar eru tiltölulega
hátt metin miðað við núverandi hagnað. Má
áætla að almennt sé gert ráð fyrir að tekjur
þessara fyrirtækja eigi eftir að aukast meira
og hraðar en hjá flestum öðrum skráðum
fé lögum. Í tilfelli Marels má gera ráð fyrir
að væntingar séu að einhverju leyti í gengi
hlutabréfa félagsins,að það nái á nýjan leik
ekki einungis sömu afkomu og hún var fyrir
nokkrum árum heldur gott betur. Væntingar
um vöxt Össurar eru ekki jafnmiklar en að ­
haldsaðgerðir samhliða aukinni sölu veita
fjár festum í dag von um að afkoma félagsins
haldi áfram að batna næstu misseri.
Eldri frumútboð
Það félag sem hækkaði næstmest á árinu
2013 í Kauphöllinni var smásölurisi Íslands,
Hagar. Virði félagsins hækkaði strax eftir
frumútboð þess þegar það var skráð í Kaup ­
höllina og hækkuðu hlutabréf þess auk
þess um 39% árið 2012. Félagið er með þá
yfirlýstu stefnu að halda arðgreiðslum í hófi
og leggur þess í stað meiri áherslu á að greiða
niður skuldir þess. Það hefur orðið til þess
að fjármagnskostnaður félagsins er stöðugt
að minnka að því marki að félagið mun með
sama áframhaldi vera með fjármagnstekjur
en ekki fjármagnsgjöld eftir nokkur ár.
Hag ræðingaraðgerðir félagsins virðast hafa
heppnast vel og er það til að mynda að
vinna í því að nýta fermetra verslana sinna
enn betur. Reksturinn gekk árið 2013 það
vel að félagið þurfti í tvígang að senda út
já kvæða afkomuviðvörun áður en endanleg
árs hlutauppgjör voru birt, því reksturinn var
töluvert umfram yfirlýstar væntingar. Fjár festar
voru í raun stöðugt að uppfæra mat sitt á virði
félagsins í takti við stöðugt betri framtíðarhorfur
í rekstri þess og hækkuðu hlutabréf félagsins
jafnt og þétt allt árið um 69%.
Þrátt fyrir að gengi hlutabréfa Haga hafi
hækkað mikið árin 2012 og 2013 eru þau þó
ekki hátt verðlögð miðað við hagnað þess.
Það á eftir að koma í ljós hvort aukning
hagnaðar sé varanleg og einnig hvort vöxtur
hagnaðar haldist á næstu árum. Verðlagning
bréfanna gefur ekki slíkt til kynna enda takmörk
fyrir því hversu mikið er hægt að hagræða í
rekstri fyrirtækisins. Auk þess gæti aukin sam­
keppni farið að eiga sér stað ef efnahagsbati
landsins verður varanlegur næstu árin.
Fasteignafélagið Reginn hefur veitt eigendum
sínum afar góða ávöxtun síðan frumútboð
þess fór fram um mitt sumar 2012. Gengi
hlutabréfa félagsins hækkaði um 36% það
árið og önnur 41% árið 2013. Hlutabréf
félagsins eru hátt metin sé miðað út frá innra
virði félagsins. Slíkt virði getur þó verið erfitt
að meta en óljóst mat á fasteignum þess
veldur því að allar skekkjur, smávægilegar
sem þær virðast vera, hafa mikil áhrif á skráð
innra virði félagsins. Sé til dæmis verðmæti
fasteigna í safni félagsins varlega áætlað er
eigið fé þess vanmetið. Sé einungis litið til
hagnaðartalna er félagið ekki hátt metið.
Því er það rekstur félagsins sem hefur til
lengri tíma áhrif á virði hlutabréfa þess. Með
aukinni eftirspurn á fasteignum samhliða
fólks fjölgun og takmörkuðum fjárfestingum í
stórum fasteignum (eftir offjárfestingu áranna
fyrir hrun) hefur Reginn góða möguleika á að
auka arðsemi sína næstu misseri. Erfitt er þó
að spá hversu mikil aukning á arðsemi er nú
þegar verðlögð í gengi bréfa félagsins.
fjÁrMÁl