Frjáls verslun - 01.01.2014, Blaðsíða 106

106 FRJÁLS VERSLUN 1. 2014
Rekstur Eimskips árið 2013 gekk tiltölulega
illa. Gerði það að verkum að gengi félagsins
var tiltölulega stefnulaust þó að það hafi í
lokin hækkað á milli ára. Misvægi á innflutn ­
ingi og útflutningi olli félaginu erfiðleikum.
Fjárfestar virðast þó gera ráð fyrir að um
tíma bundna erfiðleika í rekstri sé að ræða.
Gengi hlutabréfa Eimskips fór niður í rúm ­
ar 220 krónur í kjölfar uppgjör þess á þriðja
ársfjórðungi. Síðustu vikur ársins hækk aði
gengi hlutabréfanna þó um tæp 20%. Skýr ­
ingin er hugsanlega sú að síðustu mánuði
ársins styrktist íslenska krónan. Slíkt hefur
í dag jákvæð áhrif á rekstur félagsins því að
styrking krónunnar eykur kaupgleði land ans,
enda ættu aðfluttar vörur að lækka í verði.
Væntingar um aukinn innflutning vegna
áhrifa af endurgreiðslu verðtryggðra lána, sem
ríkisstjórnin hefur boðað að hefjist sumarið
2014, gætu einnig aukið innflutning. Slíkt
drægi úr misvægi á inn­ og útflutningi sem
hefur leikið rekstur Eimskips grátt undanfarin
misseri. Hverfi það misvægi ykist hagnaður
félagsins sem ætti að endurspeglast í gengi
hlutabréfa þess.
Hlutabréf í Fjarskiptum (betur þekkt sem
Voda fone) og Marel voru einu bréfin sem
skráð voru í Kauphöllinni sem veittu nei ­
kvæða ávöxtun árið 2012. Versta ávöxtunin
var hjá Fjarskiptum, sem lækkuðu um rúm
16% á milli ára. Það þarf ekki að hafa mörg
orð um að stór ástæða þess er leki sem átti
sér stað í gagnagrunni fyrirtækisins. Útboðs ­
gengi félagsins var 31,5 krónur í desember
2012 og hækkaði gengi þess raunar í rúmlega
35 krónur í apríl árið 2012. Miðað við
óbreyttan hagnað voru hlutabréf félagsins
verð lögð nokkuð hátt. Það er kaldhæðni að
lækkunin skuli hafa átt sér stað í lok ársins
því einungis nokkrum vikum áður hafði
fyrir tækið birt afar gott árshlutauppgjör, sem
hefði að ósekju mátt koma í kjölfar jákvæðra
afkomuviðvarana eins og stjórn Haga gerði í
tvígang á árinu. Þriðji ársfjórðungur Fjarskipta
var sá besti í sögu fyrirtækisins eftir að
það var skráð á markað. Það er sérstaklega
eftir tektarvert að nú, þegar viðhald loftneta
líður undir lok og útsendingar sjónvarps
verða einungis í gegnum tæknilausnir fjar ­
skiptafyrirtækja með tilheyrandi áskriftum
og myndleigum, er hugsanlegt að hagnaður
Fjarskipta aukist mikið næstu mánuði. Veitti
síðasta árshlutauppgjör vísbendingu um að
slík þróun væri að eiga sér stað hjá félaginu.
Afkoma Fjarskipta ræðst mikið af velgengni
í gegnum sjónvarpsþjónustu og frekari
hag ræðingu í rekstri, til dæmis samstarf við
önnur fjarskiptafyrirtæki, en Fjarskipti til ­
kynntu í nóvember að félagið hygðist stofna
nýtt rekstrarfélag í samstarfi við Nova um
far símadreifikerfi til að lækka kostnað beggja
félaga.
Versta ávöxtunin var hjá Fjar ­
skiptum, sem lækkuðu um rúm
16% á milli ára. Það þarf ekki að
hafa mörg orð um að stór ástæða
þess er leki sem átti sér stað í
gagnagrunni fyrirtækisins.
Hástökkvarinn
Samhliða fjölgun ferðamanna til Íslands hef ­
ur hagur Icelandair vænkast. Ávöxtun sem
fékkst á hlutabréf félagsins var dágóð fyrstu
tvö ár þessa áratugar, það er árin 2010 og
2011. Árið 2012 hækkaði gengi hlutabréfanna
hins vegar um 62% og 121% árið 2013.
Önnur leið til að líta á þessa ávöxtun er að
100 krónur sem voru fjárfestar í félaginu í
ársbyrjun 2012 voru orðnar að 355 krónum í
árslok 2013. Gengi hlutabréfanna er ekki hátt
miðað við núverandi hagnað en það hefur
sýnt sig í gegnum tíðina að gengi flug félaga
getur breyst með undraverðum hraða. Slíkar
breytingar eru þó oftast tengdar efna hagsleg ­
um áhrifum út um allan heim en ekki aðstæð ­
um sem nú ríkja á Íslandi, en sumir hafa
reyndar orðið áhyggjur af því að landið sjálft
þoli ekki allan þennan ágang ferða manna um
náttúru þess.
Gengi flugfélaga hefur alltaf verið sveiflu ­
kennt. Því má búast við áframhaldandi
sveiflum í gengi hlutabréfa Icelandair. Það
þýðir ekki nauðsynlega að það muni falla
næstu mánuði. Raunar gæti minni vöxtur haft
jákvæð áhrif á rekstur félagsins en of hraður
vöxtur kemur stundum niður á rekstri félaga
sem þurfa að aðlagast breyttum (jákvæðum)
skilyrðum hratt, sem kemur niður á aðhaldi
rekstrar.
Gengi flugfélaga hefur alltaf verið
sveiflu kennt. Því má búast við
áframhaldandi sveiflum í gengi
hlutabréfa Icelandair.
Þau eru á leiðinni í
Kauphöllina árið 2014
Nokkur félög eru á leið í skráningu
í Kauphöllina og má í því sam bandi
nefna fasteignafélagið Reiti, trygg ­
ingarfélagið Sjóvá og fjarskipta félagið
Skipti.
Ávöxtun hlutabréfa verður tæpast jafn góð
næstu ár og hún hefur verið undan far in
ár. Verðmat sumra hlutabréfa er í hærri
kantinum og hugsanlega þyrfti að taka
meira tillit til áhættu í verðmötum þeirra.
Umræða um bólu á hins vegar ekki við
á íslenskum hlutabréfamarkaði. Valdi
afkoma skráðra fyrirtækja í Kaup höllinni
vonbrigðum árið 2014 lækkar gengi hluta ­
bréfa íslenskra félaga. Ef afkoman verður í
takt við væntingar, sem gera al mennt ekki
ráð fyrir innistæðu lausum vexti hagnaðar,
má gera ráð fyrir áfram haldandi viðunandi
ávöxtun íslenskra hlutabréfa.
fjÁrMÁl

800
900
1000
1100
1200
1300
Íslenska OMXI6 hlutabréfavísitalan
árin 2012 og 2013

800
900
1000
1100
1200
1300
Íslenska OMXI6 hlutabréfavísitalan
árin 2012 og 2013