Frjáls verslun - 01.01.2014, Qupperneq 145

FRJÁLS VERSLUN 1. 2014 145
B
yltingin sem orðið
hefur í fjarskiptum
og miðlun undan­
farin misseri kallar
á nýja nálgun í
markaðsmálum og hvernig við
komum vörumerki Símans og
þjónustunni á framfæri,“ segir
Kristbjörg Edda Jóhannsdóttir,
forstöðumaður markaðssviðs
Símans.
„Áherslan á að auglýsa í
sjónvarpi og prentmiðlum hefur
minnkað en netið og sam félags ­
miðlar skipa stöðugt stærri
sess. Í gegnum samfélags ­
miðl ana náum við til skilgreinds
mark hóps en á móti kemur að
áreitið á neytendur er almennt
miklu meira nú en áður þannig
að nálgunin þarf að vera ný eða
afgerandi til að ná í gegn.“
Hún segir starfið felast í að
markaðssetja þær vörur og
þjónustu sem Síminn hefur upp
á að bjóða og styrkja og styðja
við vörumerki fyrirtækisins.
„Markaðssérfræðingar og
grafískir hönnuðir vinna á svið ­
inu. Við gerum talsvert af mark ­
aðsefni hér innanhúss en erum
líka í miklu samstarfi við sam­
starfsaðila í hugmyndavinnu,
framleiðsu, markaðsrannsókum
og miðlun.“
Kristbjörg Edda hóf störf sem
vörustjóri hjá Össuri árið 2000
en þá var hún nýútskrifuð með
meistarapróf í stjórnun og stefnu ­
mótun. Hún vann næstu ár á
Íslandi, í Hollandi og Banda­
ríkjunum.
„Ég gegndi ýmsum stjórnunar ­
störfum tengdum vöru þróun,
vörustjórnun og markaðs málum
og síðast var ég framkvæmda ­
stjóri vöru­ og markaðssviðs
fyrir stoðtæki.“ Hún var m.a.
fram kvæmdastjóri markaðs­
sviðs fyrir Evrópu, Mið­Austur ­
lönd og Afríku. Starfsins vegna
var hún erlendis í um hundrað
daga á ári í nokkur ár og ákvað
að breyta til í fyrra til að geta
verið meira með fjölskyldu og
vin um.
„Það sem er líkt með Símanum
og Össuri er að bæði fyrirtækin
eru í fararbroddi í tækninýjung­
um; Össur á sviði stoðtækja en
Síminn á sviði fjarskipta á Ísl­
andi. Tæknin gerir starfið spenn­
andi, heldur öllum á tánum og
hlutirnir hreyfast hratt í öllum
skilningi. Sem dæmi um leiðandi
tækninýjungar er tengingin við
Spotify, sem hefur breytt því
hvernig fólk nýtur tónlistar, og
einnig Sjónvarps Símans­appið
sem gerir fólki kleift að horfa á
sjónvarp í snjalltækjunum hvar
og hvenær sem er.“
Kristbjörg Edda er gift Sebast­
ian Peters, sem er í doktorsnámi
í skipulagsverkfræði. Þau eiga
tvö börn; Emil, sextán ára, og
Kötlu Ýri, þrettán ára.
Áhugamálin eru nokkur þótt
hún hafi ekki haft mikinn tíma til
að sinna þeim undanfarin ár þar
sem hún var svo mikið erlendis.
„Ég hef sinnt ráðgjöf fyrir frum ­
kvöðla í vöruþróunarferlum og
vörustjórnun og segja má að
það sé helsta áhugamál mitt
þar sem ég sinni því sem slíku.
Þá hef ég gaman af hvers konar
útiveru svo sem fjallgöngu. Ég
er í nokkrum gönguhópum sem
skipuleggja sig á Facebook og
ég reyni að komast á fjöll þegar
ég get. Svo fer ég á skíði og
hestbak þegar tækifæri gefst.“
Kristbjörg Edda segist annars
sækja stöðugt í nýjar áskoranir.
„Næsta frí verður nokkurra
daga námskeið í jóga og hug ­
leiðslu – það verður áskorun. Þá
var ég ráðstefnustjóri á IMARK­
deginum í febrúar. Ég hafði ekki
tekið þátt í starfsemi IMARK
áður þar sem ég hef ekki starf­
að á íslenskum markaði en það
var skemmtilegt að kynnast því.
Þá mun ég kenna vörustjórnun
hjá Endurmenntun Háskóla
Íslands ásamt góðu fólki.“
Kristbjörg Edda Jóhannsdóttir
– forstöðumaður markaðssviðs Símans
„Næsta frí verður nokkurra daga námskeið í jóga og hug leiðslu – það verður áskorun.
Þá var ég ráðstefnustjóri á IMARK-deginum í febrúar.“
Nafn: Kristbjörg Edda Jóhannsdóttir.
Fæðingarstaður: Reykjavík,
5. janúar 1973.
Foreldrar: Hjördís Jóhanna Hjalta­
dóttir og Jóhann Ólafsson.
Maki: Sebastian Peters.
Börn: Emil, sextán ára, og Katla Ýr,
þrettán ára.
Menntun: Meistarapróf í stjórnun og
stefnumótun frá HÍ og Háskólanum
í Árósum og BA­gráða í hagfræði og
mannfræði frá HÍ.
Kristbjörg Edda Jóhannsdóttir, forstöðumaður markaðssviðs Símans.
TexTi: svava jónsdóTTir Mynd: Geir ólafsson