Frjáls verslun - 01.04.2015, Page 42

42 FRJÁLS VERSLUN 4 tbl. 2015
S
aga OZ spannar orðið rúman aldar ­
fjórð ung en fyrirtækið var formlega
stofnað árið 1989. En það OZ sem nú
starfar í Næpunni í Þingholtunum á
ekkert skylt við gamla OZ annað en
nafnið og Guðjón Má.
Gamla OZ byrjaði sem tilraunir
nokk urra menntaskólastráka með
tölv ur þeg ar þær voru að komast inn
á hvert heimili. OZ hefur verið frétta ­
efni æ síðan. Guðjón fæddist árið
1972 og ólst upp í skapandi umhverfi í
Laugar nes hverfi nu í Reykjavík.
Núna hefur OZ enn á ný vakið athygli fyrir hugmynd um að gera
sjónvarpsrekstur að almenningsiðju. Lénið oz.com hýsir núna pall
– eða platform á ensku – fyrir eins margar sjónvarpsstöðvar og fólk
lystir að stofna. Og hver og einn getur haft tekjur af rekstrinum ef
áhorfendur sýna áhuga.
„Draumur okkar er að hugmyndaríkir einstaklingar geti lifað af
því að reka sína eigin sjónvarpsstöð,“ segir Guðjón.
tækni og tekjuöflun
Í raun sameinar þessi hugmynd margar aðrar lausnir. Það er hægt að
dreifa sjónvarpsefni á YouTube og fleiri slíkum miðlum, en þar er
vandi að afla tekna nema með auglýsingum og í reynd ógerlegt að
fá svo mikið auglýsingafé að það skili nokkrum tekjum. Það eru líka
til tónlistarveitur eins og spotify.com en þar er ekki myndefni. Á
Facebook er pláss fyrir myndbönd en það skilar engum tekjum.
„Hugmynd okkar byggist ekki á nýrri og byltingarkenndri tækni
heldur er þetta tilraun til að sameina marga möguleika sem fram
hafa komið á síðustu árum. Það er búið að ryðja öllum tæknilegum
hindr unum úr vegi þess að reka sjónvarpsstöð með þessum hætti og
að hafa tekjur af,“ segir Guðjón.
Enn er þetta á tilraunastigi en netsvæðið er opið öllum án endur ­
gjalds og Guðjón orðar þetta svo að á oz.com sé „tilboð um að
skoða okkar lausn án allrar áhættu fyrir þá sem það vilja“.
óteljandi sjónvarpsstjórar
Viðmótið á síðunni er einfalt og skýrt og það þarf engan tölvunörd
til að komast í gegnum uppsetningu stöðvarinnar. Þetta getur hver
sem er.
„Hver og einn markaðssetur sína stöð. Það er hægt að búa til
sérstakan kynningarbút með efni stöðvarinnar og leggja hann út á
Facebook eða Twitter. Það er líka hægt að hafa viss lykilorð í heiti
stöðvarinnar og kynningu þannig að hún komi upp við venjulega leit
á Google. Það fer svo eftir efni stöðvarinnar og metnaði sjón varps ­
stjórans hvort margir áskrifendur vilja borga fyrir aðgang,“ segir
Guðjón.
Guðjón segir sögu af ungum áhugamanni um hjólabretti sem
búinn er að setja upp áskriftarstöð helgaða þessu göfuga áhuga máli:
hjólabrettunum. Hinn ungi sjónvarpsstjóri setti sér í upphafi það
markmið að fá tólf áskrifendur í heildina og þar með nægar tekjur
til að kaupa MacBook Air innan tveggja ára! Ekki er ólíklegt að
fjöldi áskrifenda fari langt fram úr þeim vonum hjá unga manninum.
Skiptingin 70/30
Áskrift er greidd mánaðarlega og gjaldinu skipt þannig að eigandi
stöðvarinnar fær 70% en OZ fær 30% fyrir að reka kerfið.
forsíðuViðtal