Frjáls verslun - 01.02.2007, Síða 25

F R J Á L S V E R S L U N • 2 . T B L . 2 0 0 7 25
FORSÍÐUVIÐTAL • ÁSLAUG MAGNÚSDÓTTIR
GÓÐ REYNSLA FRÁ BAUGI OG McKINSEY
Áslaug segir að vinnan hjá Baugi og McKinsey hafi komið sé vel hjá
Marvin Traub. „Þegar ég var ráðin hingað var mér sagt að Marvin
ætlaði að færa út kvíarnar og að sterklega kæmi til greina að fara út í
fjárfestingar tengdar tísku- og lúxusgeiranum. Þetta vakti áhuga minn
og féll sömuleiðis að minni reynslu.“
Einhver kynni að halda að tískumarkaðurinn væri mettur; a.m.k. í
Evrópu og Bandaríkjunum. Áslaug er ekki á því. „Tækifærin eru enn
mikil í þessum geira, lúxusvörumarkaðurinn heldur áfram að vaxa
bæði í Bandaríkjunum og Vestur-Evrópu. Enn meiri vöxtur á sér stað
í mörkuðum sem eru ekki eins þróaðir, svo sem
í Kína, Indlandi og Rússlandi. Þar eru að verða
til efnaðar millistéttir sem láta sig tísku og lúxus
miklu varða.“
Áslaug brosir út í annað þegar ég spyr hvers
vegna hún hafi yfirgefið Baug og flust til New
York. „Eiginmaður minn, sem er bandarískur,
vildi flytja aftur vestur um haf og við ákváðum
einfaldlega að láta verða af því.“
Ektamakinn heitir Gabríel Levy og er gamall
skólafélagi hennar í Harvard. Hann er alinn upp
í San Francisco en á breska móður. Þau Áslaug kynntust í Harvard
þar sem hann var einnig í MBA-námi. Þau höfðu verið í fjarbúð
um nokkurra ára skeið þegar hann fluttist til London fyrir rúmum
þremur árum. Þau hófu búskap og gengu í það heilaga. Hann starfar
í tónlistargeiranum í New York – er yfirmaður tónlistarsviðs Real
Networks.
Áslaug á son frá fyrra hjónabandi, Gunnar Ágúst Thoroddsen, 13
ára. Hann hefur búið hjá föður sínum í Lúxemborg. „Hann verður
fermdur núna um páskana heima á Íslandi. Það er alltaf gaman að
koma heim til Íslands en það verður óvenjugaman að þessu sinni,“
segir Áslaug.
LEIÐIN TIL FRAMA?
Fólk í viðskiptalífinu, sem hefur náð langt á beinu brautinni, er
sterkar fyrirmyndir. Ég vík því talinu að formúlunni á bak við frama
á alþjóðlegum vettvangi. Hvaða góð ráð hefur hún handa ungu fólki
á Íslandi sem hefur áhuga á að vinna erlendis og komast til metorða
hjá alþjóðlegum stórfyrirtækjum?
„Menntun skiptir öllu máli; hún er grunnurinn. Að vísu hafa
margir frumkvöðlar náð langt á alþjóðlega vísu án þess að vera með
háskólanám. En til að komast í gott starf hjá stórfyrirtæki erlendis
verður fólk að hafa menntun. Það er líka mjög mikilvægt að setja sér
það sem skýrt markmið að stefna á starf erlendis og haga undirbún-
ingi sínum eftir því.
Það eru fyrst og fremst tvær leiðir fyrir ungt fólk á Íslandi til að
komast til útlanda í vinnu hjá sterkum fyrirtækjum. Önnur er að
byrja að vinna hjá íslensku fyrirtækjunum, sem hafa þegar haslað sér
völl erlendis, og vaxa með þeim – eða þá að færa sig þaðan yfir til
annarra stórra erlendra fyrirtækja. Hin leiðin – en það er sú sem ég
valdi – er að fara í nám við góðan erlendan háskóla sem opnar dyr
að störfum erlendis. Erlend stórfyrirtæki heimsækja stóru bandarísku
háskólana reglulega til að krækja í efnilega nemendur. Þau eru með
vakandi auga yfir góðum nemendum.“
Áslaug segir að fyrir utan góða menntun í erlendum háskólum
fylgi öflugt tengslanet með í eins konar kaupbæti. Tengslanet séu
mjög verðmæt og komi að góðum notum. Markviss vinna við að
byggja góð sambönd í viðskiptalífinu og öflug tengslanet skipti mun
meira máli úti en heima á Íslandi þar sem næstum allir þekkjast.
„Sem fyrrverandi nemandi í Harvard Business School hefur þú
aðgang að gagnagrunni yfir alla þá sam hafa útskrifast frá skólanum
og hvar þá er að finna; símanúmer og fleira, og ég
get því verið í sambandi við þá. Ég geri ráð fyrir að
flestir af betri viðskiptaskólum í Bandaríkjunum
hafi svipaða gagnagrunni fyrir sína fyrrverandi
nemendur.
Þegar ég var hjá Baugi í London kom það fyrir
að nemendur í Harvard hringdu í mig sem fyrrum
nemanda og báðu mig um aðstoð eða óskuðu eftir
upplýsingum. Ég reyndi ævinlega að aðstoða þá.
Þessi samkennd hefur mikið að segja. Það dugir
yfirleitt að kynna sig sem nemanda frá sama skóla
– þá er ísinn brotinn. Þess vegna segi ég að gott MBA-próf frá góðum
og virtum háskóla, hvort heldur í Bandaríkjunum eða Evrópu, getur
af nokkrum ástæðum opnað dyr að góðum störfum.
En gamla orðatiltækið, að hver sé sinnar gæfu smiður, verður ekki
úrelt. Árangur og frami er undir hverjum og einum kominn þegar
á reynir. Sömuleiðis þarf heppni; vera réttur maður á réttum stað á
réttum tíma. Heppni og tilviljanir ráða oft úrslitum þótt fólk telji sig
búið að kortleggja menntun sína, möguleika og markmið. Þú veist
hins vegar að þegar „rétta kallið“ kemur ertu með grunninn sem þarf;
þú veist hvað þú vilt – og það sem skiptir ekki síður máli; þú veist
hvað þú vilt alls ekki.“
PABBI SAGÐI AF RÆLNI – HVERS VEGNA EKKI PRÓFA BAUG?
„Þegar ég hafði unnið hjá McKinsey í rúm þrjú ár í London – og
var orðin leið á ferðatöskum og ferðalögum og byrjuð að leita mér
að nýrri vinnu sem tengdist tískuheiminum – var það pabbi sem af
rælni sagði: Hvers vegna ekki að prófa Baug? Ég var auðvitað búin að
heyra af starfsemi Baugs í London, en ég hafði ekki veitt fyrirtækinu
athygli með það í huga að ég myndi leita mér að vinnu þar. En allt í
einu blasti þetta tækifæri við – þegar mér var bent á það.
Ég tók pabba á orðinu, hringdi á skrifstofu Baugs og fékk samband
við Ágústu Guðmundsdóttur sem á þessum tíma var verkefnastjóri
hjá fyrirtækinu í London. Hún bað mig að senda sér ferilsskrá mína
og næsta dag var hringt og ég beðin um að koma í viðtal. Þau sögðust
ekki hafa ætlað sér að ráða Íslending, en ég teldist eiginlega ekki vera
Íslendingur þar sem ég væri búin að búa svo lengi erlendis.
Ég get líka bætt því við að það var ákveðin tilviljun á bak við ráðn-
ingu mína til Marvin Traub. Eiginmaður minn fór sl. haust á undan
mér til New York til starfa þar. Hann brá sér á hafnaboltaleik með
gömlum skólabróður okkar frá Harvard og sagði honum að ég væri að
Hún kom eftir nokkrar
mínútur; lífleg,
brosmild og opinská
– nákvæmlega eins og
henni hafði verið lýst
fyrir mér.