Frjáls verslun - 01.02.2007, Síða 80

80 F R J Á L S V E R S L U N • 2 . T B L . 2 0 0 7
L U N D Ú N A P I S T I L L S I G R Ú N A R
ekki mikið í handraðanum þó hann gefi af
krafti. Útsjónarsemi hans í fjárfestingum sér
fyrir því. Fjárfestingarfélag hans, West Coast
Capital, einbeitir sér að fasteignum, verslun
og tæknifyrirtækjum.
Líkt og Jón Ásgeir hefur Hunter verið í
hópnum í kringum Philip Green. Kaupin
á BHS hafa skilað Green í hóp mestu auð-
manna Bretlands og þar sem Hunter á 8%
hlut í BHS hefur hann líka notið góðs af
viðgangi þess fyrirtækis. Núorðið eru það
einkum Hunter, Jón Ásgeir og nokkrir aðrir
fjárfestar sem vinna saman í hópi sem er
að því er virðist orðinn nokkuð njörvaður
saman og samtaka. Af verslunarfjárfestingum
hans má nefna stóran hlut í skókeðjunni
Office sem setur svip á allar breskar versl-
unargötur.
Garðrækt er ein vinsælasta tómstundaiðja
Englendinga og þá er ómissandi að kaupa
inn í garðyrkjumiðstöðvum. Þar er Hunter
að verða ráðandi, átti fyrir Wyedale-keðjuna
sem hann keypti fyrir 300 milljónir og nú
hefur West Coast Capital keypt aðra slíka,
Blooms of Bressingham, fyrir rúmar 30
milljónir punda. Baugur var þátttakandi í
þeirri yfirtöku.
Það liggur í loftinu að verslun með garð-
vörur muni eflast mjög á komandi árum
eftir því sem ellilífeyrisþegum með rúm
fjárráð fjölgar. Og Hunter sér greinilega
fleiri tækifæri í gamla fólkinu því hann
keypti nýlega byggingafyrirtækið McCarthy
& Stone fyrir rúman 1 milljarð punda en
það fyrirtæki sérhæfir sig í að byggja íbúðir
fyrir eldri borgara.
Hunter heldur sig einmitt við fasteigna-
og byggingageirann þessar vikurnar. Hann
er nýbúinn að kaupa byggingafyrirtækið
Crest Nicholson sem er metið á rúmar 700
milljónir punda. Þó að krafturinn sé mikill
lánast honum ekki alltaf allt því hann varð
undir í tilraun sinni til að kaupa risabygg-
ingarfyrirtækið Wilson Bowden fyrir rúma
tvo milljarða punda. Alls er áætlað að West
Coast Capital hafi komið að samningum
upp á um sex milljarða punda síðan sjóð-
urinn var stofnaður 2001 – og örugglega
ekkert lát á.
Tom Hunter hefur stutt við bakið á Bob Geldof sem hefur látið til sín taka í mannúðarmálum.
Fyrir mannúðarmál
og umsvif í þágu
frumkvöðlahugsunar var
hann aðlaður 2005 og
er því Sir Tom Hunter.