Frjáls verslun - 01.02.2007, Síða 98

98 F R J Á L S V E R S L U N • 2 . T B L . 2 0 0 7
K
YN
N
IN
G
SUMARHÚS
HÚSASMIÐJAN:
Danhaus-sumarhús eftir
íslenskum teikningum
Um þessar mundir er verið að framleiða sum-arhús eftir teikningum
íslenskra arkitekta hjá danska fyr-
irtækinu Danhaus í Esbjerg á Jót-
landi. Húsasmiðjan hóf innflutning
á Danhaus-sumarhúsum á síðasta
ári en ákvað síðan að fá íslenska
arkitekta til að hanna sumarhús í
samræmi við óskir Íslendinga og
fá Danhaus til að fjöldaframleiða
húsin.
Þórhallur Óskarsson, deildarstjóri sérverkefnadeildar Húsasmiðj-
unnar, og Páll Emil Beck, ráðgjafi og sölumaður, segja að Danhaus
hafi upphaflega frameitt hús fyrir þýskan markað. Það séu mikil
meðmæli, enda Þjóðverjar kröfuharðir viðskiptavinir. Framleiðsla
Danhaus er mikils metin og fyrirtækið hefur fengið verðlaun, Byg-
gesocietetets Gyldne Söm, gyllta naglann, sem er viðurkenning veitt
þeim sem framleiða fyrir erlendan markað.
Danhaus-húsin sem þegar hafa verið flutt hingað og sett upp hafa
hlotið góðar viðtökur. En til eru þeir sem sætta sig ekki fullkomlega
við hina íhaldssömu sumarhúsahönnun Dana, t.d. lága veggi og
tiltölulega litla glugga. „Því var ákveðið að fara nýjar leiðir. Við
fengum til liðs við okkur íslensku arkitektana Jakob Líndal, Kristján
Ásgeirsson og Sturlu Þór Jónsson sem hönnuðu sumarhús sem
samræmast ýtrustu óskum íslenskra sumarhúsaeigenda. Ferlið hefur
tekið nokkurn tíma en nú er „íslenska sumarhúsið“ komið í vinnslu
hjá Danhaus. Við gerum ráð fyrir að verða komnir áður en langt um
líður með sýningarhús sem fólk getur þá skoðað.“
Hátt til lofts og stórir gluggar Í íslenska Danhaus-sumarhúsinu
verða stórir gluggar svo fólki geti notið umhverfisins, en útsýni er
Íslendingum mikilvægt. Einnig er hátt til lofts en ekkert svefnloft,
enda munu þau vera á nokkru undanhaldi. Sumarhúsið verður
smíðað í einingum í Danmörku rétt eins og önnur Danhaus-hús
og hingað komin verða þau sett upp af BKR ehf. sem hafa verið
sérstaklega fengnir til verksins. Þetta fyrirkomulag tryggir að ábyrgð
framleiðandans á húsunum helst, sem einungis gerist með því að þau
séu sett upp í samræmi við þeirra reglur. Verktakinn getur komið
að uppsetningunni á hvaða stigi sem er, byrjað á því að ganga frá
grunni undir húsið eða koma með einingarnar til uppsetningar þegar
grunnur og sökklar eru tilbúnir. Innveggir verða alltaf komnir í húsin
við afhendingu en síðan geta menn valið hvort þeir fá þau fullgerð
þau eða ekki.
Í byrjun er gert ráð fyrir að þessi íslensku Danhaus-hús verði
framleidd í tveimur stærðum en þau eru hönnuð þannig að auðvelt
verður að stækka þau. Hægt verður að fá gestahús og bátaskýli með
húsunum. Auðvelt verður að breyta útliti húsanna með því að velja
á þau mismunandi klæðningu og því gætu 10 sumarhús risið nálægt
hvert öðru en verið gjörólík í útliti.
Danhaus framleiðir
bæði sumarhús og
venjuleg íbúðarhús.
Auðvelt er að skoða
þau á heimasíðu
Danhaus www.dan-
haus.dk eða leitað
upplýsinga í Húsa-
smiðjunni.
Tölvuunnar myndir af íslensku Danhaus-húsi að utan og innan