Frjáls verslun - 01.10.2009, Blaðsíða 35

F R J Á L S V E R S L U N • 1 0 . T B L . 2 0 0 9 35
um fyrirtæki sem hafa hrannast upp
hjá bönkunum og Kauphöllin sér leik á
borði við að einkavæða aftur?
Fjöldinn er ekki vandamál, vitanlega eru til
mun fleiri en 15 góð og traust fyrirtæki sem
eiga erindi í Kauphöllina. Í því sambandi
nægir að benda á að 75 fyrirtæki voru skráð
þegar flest var áður en fjármálafyrirtækin
urðu ráðandi á markaðnum. Við teljum
ekki ólíklegt að um það bil helmingur
af umræddum 15 fyrirtækjum komi frá
bönkunum.
6. Er nokkur önnur leið fær fyrir
bankana en að byrja á því að afskrifa
gríðarlegar skuldir þeirra fyrirtækja
sem þeir hafa tekið yfir áður en þeir
geta selt þau aftur?
Bankar þurfa að afskrifa töluverðar skuldir.
Vandað reikningshald, byggt á raunsæi,
krefst þess. En slíkar afskriftir eru, eða ættu
að vera, óháðar því hvort félög eru í söluferli
og byggjast einfaldlega á því hversu miklum
skuldum rekstur fyrirtækjanna stendur
undir. Afskriftir ættu því ekki að standa
skráningu á markað fyrir þrifum.
7. Hvað með bankana sjálfa? Áttu von
á því þeir verði skráðir á markað á
næsta ári, t.d. Íslandsbanki og Arion,
sem væntanlega verða báðir í meiri-
hlutaeigu erlendra kröfuhafa sem í
raun er enn ekki ljóst hverjir eru?
Ég tel það hag bankanna að fara á markað.
Til viðbótar við hefðbundin rök er nú rík
krafa í þjóðfélaginu um gegnsæi, t.a.m.
um að upplýst verði um eignarhald á
bönkunum og hvernig það breytist á einum
tíma til annars. Bankar sem sýna gott
fordæmi í þessum efnum munu laða til sín
viðskiptavini og efla traust og því kæmi mér
á óvart ef bankarnir yrðu ekki skráðir innan
tíðar. Ég er þeirrar skoðunar að það ætti að
gerast strax í kjölfarið á því að kröfuhafar
taka bankana yfir – og reyndar tel ég það
grundvallaratriði að gegnsæi gildi um
eignarhald á þeim og breytingar á því ekki
seinna en frá þeim tíma.
8. Þrátt fyrir fögur orð um aukið gegn-
sæi og aukna upplýsingagjöf fyrir-
tækja upplifir almenningur það svo að
leyndin og pukrið í kringum bankana
hafi aldreiverið eins mikið. Traust er
hins vegar nauðsynlegt til að byggja
upp hlutabréfamarkað að nýju?
Andrúmsloftið í þjóðfélaginu er auðvitað
mikilvægt en það er hæpið að fjárfestar
fúlsi við vel reknum fyrirtækjum sem hafa
góða sögu að segja vegna vantrausts á
öðrum aðilum. Það eru mörg fyrirtæki sem
eru traustsins verð og í samstarfi við þau
byggjum við upp hlutabréfamarkaðinn.
9. Í hvaða atvinnugreinum eru mestu
tækifærin varðandi skráningu fyrir-
tækja á markaði, t.d. í orku, iðnaði,
tryggingum, sjávarútvegi, svo eitthvað
sé nefnt?
Útflutningsfyrirtæki almennt njóta góðs af
lágu gengi krónunnar og þar eru ótvíræð
tækifæri til skráningar. Fjárfestar munu án
vafa líta til rekstrarfélaga fremur en fjárfest-
ingarfélaga. Nýsköpunarfyrirtæki njóta nú
Þórður Friðjónsson, forstjóri Kauphallarinnar.
15
spurningar