Frjáls verslun - 01.10.2009, Blaðsíða 86

86 F R J Á L S V E R S L U N • 1 0 . T B L . 2 0 0 9
jólin koma
Úlfar Eysteinsson hjá Þremur frökkum segir
að það sé erfitt að undirbúa jólin vegna
annríkis á veitingastaðnum í desember. „Ég
verð að gera það í nóvember,“ segir hann
en hann var búinn að setja upp jólaseríur
og aðventuljós upp í kringum 20. nóvember.
„Ég er lítið heima við í desember og er í
skötu upp fyrir eyru síðustu dagana fyrir jól;
ég þarf að vera fyrirhyggjusamur.“ Það er
einmitt skatan sem ræður ríkjum á Þremur
frökkum á þorláksmessu.
Úlfar og annar veitingamaður, Tómas
Tómasson, hafa látið sér vaxa skegg fyrir
þessi jólin en hugmyndin er að raka sig
þegar stýrivextirnir fara niður fyrir 10%.
Þeir eru búnir að verða sér úti um jóla-
sveinabúninga og hafa fengið 1000 kerti
frá Sólheimum í Grímsnesi og 1000 spil
frá Icelandair. Hugmyndin er að mæta í
hlutverki jólasveina á jólaballi Icelandair;
skeggið má ekki fara fyrir þann tíma hvað
sem stýrivöxtum líður. „Við ætlum að leigja
hestvagn og gefa gjafir – kerti og spil. Þetta
verða eftirminnileg jól.“
Úlfar segist vera með einfaldan og góðan
matseðil þegar kemur að jólunum á heim-
ilinu. Hann er með ristaðan humar í forrétt
á aðfangadagskvöld og lambahryggur er í
aðalrétt.
„Ég klýf humarinn langsum, krydda hann
með salti, sítrónusafa og hvítlauk og steiki
hann upp úr smjöri við lítinn hita. Þá set ég
ljóst rasp og steinselju á pönnuna áður en
humarinn er borinn fram.
Ég krydda hrygginn með salti og pipar,
sker í puruna og steiki í ofni í klukkutíma og
kortér. Með þessu er bornar fram sykurbrún-
aðar kartöflur, grænar baunir, brún sósa og
rauðkál.“
Úlfar Eysteinsson (í miðið). „Ég er lítið heima við í desember og er í skötu upp fyrir eyru síð-
ustu dagana fyrir jól; ég þarf að vera fyrirhyggjusamur.“
Í hlutverki jólasveinsins
óskar landsmönnum
öllum gleðilegra jóla