Læknablaðið - 01.07.2015, Síða 46

386 LÆKNAblaðið 2015/101
Audi A3 e-tron
Nýir tímar kalla á nýja tækni.
HEKLA · Laugavegi 170-174 · Reykjavík · sími 590 5000 · www.audi.is
A3 Sportback e-tron, 204 hö, 7,6 sek 0-100 km/klst.,
CO2 35 g/km, eyðsla: 1,5 l. í blönduðum akstri.
Verð frá 5.190.000 kr.
Audi A3 e-tron sameinar helstu kosti raf- og bensínbíla. Raforkan ein og sér
dugar í flestar ferðir innanbæjar, eða allt að 50 kílómetra. Í lengri ferðum
gengur sparneytin bensínvél til liðs við e-tron rafdrifið svo samanlögð
akstursdrægni er 940 kílómetrar. Með Audi A3 e-tron eru þér allir vegir færir.
Hefur gegnt lykilhlutverki í sóttvörnum
Þórólfur Guðnason rakti feril Haraldar í máli og myndum. Árni Friðrik Ólafarson færði Haraldi þakklætisvott frá Alnæmissamtökunum á Íslandi.
Læknablaðið færir Haraldi góðar
kveðjur við starfslok og þakkar
hans góða skerf til blaðsins fyrr
og síðar.
Vinir og velunnarar og samstarfsmenn
Haraldar Briem sóttvarnalæknis, efndu til
málþings honum til heiðurs mánudaginn
22. júní í Hringsal Landspítalans.
Tilefnið var væntanleg starfslok
Haraldar en hann lætur af starfi sínu um
næstu áramót og við embættinu tekur
einn nánasti samstarfsmaður hans til
margra ára, Þórólfur Guðnason.
Fundarstjóri málþingsins var Birgir
Jakobsson landlæknir en erindi fluttu
Þórólfur Guðnason, Sigurður Guðmunds-
son, Magnús Gottfreðsson, Unnur A.
Valdimarsdóttir og Richard Wenzel.
Þórólfur sagði frá ætt, uppruna, námi
og starfsferli Haraldar undir yfirskriftinni
Haraldur Briem – hver er maðurinn? Kom
þar fram að Haraldur er vel ættaður, hlaut
gott uppeldi, stundaði nám sitt af kost-
gæfni og hefur átt merkan og gifturíkan
starfsferil. Bar Þórólfur Haraldi í hvívetna
vel söguna og vitnaði í Hávamál þar sem
segir efnislega að meira mark sé takandi
á því sem sagt er um menn lifandi en
eftir að þeir eru horfnir yfir móðuna
miklu. Þórólfur kvaðst aðeins einu sinni
hafa orðið fyrir vonbrigðum með Harald,
þegar hann komst að því að hann vissi
engin deili á þeim merka gítarleikara Eric
Clapton. Þarna var semsagt slegið á létta
strengi í bland við alvarlegri tóna.
Sigurður Guðmundsson fyrrverandi
landlæknir og samstarfsmaður Haraldar
til margra ára rakti sögu alnæmis á Ís-
landi og var þáttur Haraldar eigi alllítill.
Spannar sú saga ríflega 30 ár. Nefndi
Sigurður fyrirlesturinn HIV og alnæmi á
Íslandi fyrstu árin – þáttur Haraldar Briem.
Að loknu erindi Sigurðar færðu
Alnæmissamtökin á Íslandi Haraldi blóm-
vönd í þakklætisskyni fyrir stuðning hans
við alnæmissjúka frá upphafi.
Magnús Gottfreðsson sérfræðingur í
smitsjúkdómum flutti erindi á ensku er
nefndist What can we learn from old data?
Measles epidemic in 19th century Iceland.
Lýsti Magnús rannsókn sinni og sam-
starfsmanna á mislingafaraldri er gekk
yfir þjóðina árið 1882 og hvernig sjá mætti
dánartíðni og útbreiðslu sjúkdómsins útfrá
kirkjubókum þar sem fjöldi látinna, aldur
þeirra og kyn væri skilmerkilega skráð.
Benti hann á greinileg tengsl ónæmis þess
hluta þjóðarinnar er var fæddur árið 1846
er annar mislingafaraldur reið yfir og því
hafi faraldurinn 1882 komið harðast niður
á þeim er yngri voru en 36 ára. Sérstaklega
hafi börn og konur á barnsburðaraldri
orðið fyrir barðinu á sjúkdómnum. Sagði
Magnús mikilvægt að hafa þetta í huga
núna þegar ýmsar ranghugmyndir eru
uppi um mikilvægi bólusetninga gegn
mislingum og öðrum lífshættulegum
smitsjúkdómum.
Unnur A. Valdimarsdóttir flutti erindið
Haraldur Briem and public health preparedness
in Iceland og rakti hún þátt Haraldar í að
koma á fót Miðstöð í lýðheilsuvísindum
við Háskóla Íslands.
Síðastur á mælendaskrá var Richard
Wenzel, sérfræðingur í smitsjúkdómum
og einn ritstjóra NEJM en hann ræddi
samspil sýkingavarna og aukins ónæmis
gegn sýklalyfjum undir yfirskriftinni The
co-evolution of infection control and antibiotic
resistance. Wenzel er heimsþekktur á sviði
sýkingavarna og ritstjóri handbókar um
efnið sem margir hafa nýtt sér í gegnum
tíðina.
M Á l Þ i n G T i l H E i ð U R S H a R a l D i b R i E M
■ ■ ■ Hávar Sigurjónsson