Læknablaðið - 01.06.2014, Blaðsíða 28

348 LÆKNAblaðið 2014/100
U M F J Ö l l U n O G G R E i n a R
■ ■ ■ Gunnþóra Gunnarsdóttir
Ari Jóhannesson lyflæknir er liðtækur á
fleiri sviðum en lækningum. Hann gaf út
ljóðabókina Öskudagar árið 2007 og nú er
hann kominn með nýja bók, Lífsmörk, lífs-
reynslu- og spennusögu með hetjulækni í
aðalhlutverki.
Við Ari sitjum úti á verönd Kjarvals-
staða í glampandi sólskini og ætlum
aðallega að spjalla um nýju bókina hans,
Lífsmörk, sem gerist að hluta til á Land-
spítalanum. Aðalsöguhetjan er svæfinga-
og gjörgæslulæknir í miklum metum,
bæði meðal starfsfólks og sjúklinga. Ari
fer ekki í launkofa með að sögusviðið sé
honum kunnugt.
„Ég hef unnið á sjúkrahúsi nánast
allan minn starfsaldur, og þekki allvel til á
gjörgæsludeild, þó ég starfi þar ekki. Þetta
er hins vegar ekki lykilsaga. Persónur
bókarinnar eru alfarið mín hugarsmíð
en auðvitað hef ég viðað þeim að mér
gegnum árin. Ég vil segja að þær séu, hver
um sig, samsettar úr nokkrum lifandi
einstaklingum og held að það sé gjarnan
þannig í skáldsögum. Ég reikna með að
lesendur reyni að finna ákveðna einstak-
linga í bókinni og er spenntur að vita hvað
út úr þeim rannsóknum kemur. Það er
reyndar búið að benda mér á nokkra sem
koma til greina!“
Ari vill ekki beinlínis meina að
söguefnið hafi lengi verið búið að sækja
á hann. „Það sem sótti á mig var að halda
áfram þar sem ljóðunum sleppti. Hluti
þeirra var ortur út frá reynsluheimi læknis
og ég hafði áhuga á að halda áfram með
það sem viðmið en sá fljótlega að það sem
mig langaði að lýsa komst ekki nægilega
fyrir innan hins knappa ljóðforms. Þannig
að fljótlega var kominn söguþráður og
síðan persónur. En það var ekki eins og
ég skrifaði inn í skapalón eða tiltekinn
ramma, heldur varð söguþráðurinn að
mestu til jafnhliða skrifunum.
Ég vissi að ég ætlaði að fást við hluti
sem eru ríkjandi á bráðasjúkrahúsum, það
er fórnfýsi og það eru fíknir, bæði vinnu-
fíkn og annars konar fíknir og það eru
lífsmörk, bæði í eiginlegri og yfirfærðri
merkingu. Líka sársauki. Það er heilmikill
sársauki í þessari bók en líka húmor.
Ástæðan fyrir því að aðalsöguhetjan er
svæfinga- og gjörgæslulæknir er einkum
sú að hann er svona erkitýpa, fórnfús og
Ari er lyflæknir, með innkirtla- og efnaskiptasjúk-
dóma sem undirgrein, og hefur starfað sem slíkur
áratugum saman.
Hann var við framhaldsnám og störf í Connecticut
í Bandaríkjunum frá 1976-1984, síðan yfirlæknir á
Sjúkrahúsinu á Akranesi til ársins 1998 en hefur
síðan starfað á Landspítalanum.
Læknir og rithöfundur: „Ég vissi að ég ætlaði að fást við hluti sem eru ríkjandi á bráðasjúkrahúsum, það er fórnfýsi og það eru fíknir,“ segir Ari sem hér stendur sunnan undir
Kjarvalsstöðum, við hlið stjörnuhimins listaverksins Viðsnúningur eftir Guðjón Ketilsson. Mynd/gun
Lífsmörk er viðburðarík saga