Læknablaðið - 01.06.2014, Blaðsíða 42

362 LÆKNAblaðið 2014/100
Ö l D U n G a D E i l D
Stjórn Öldungadeildar
Magnús B. Einarson formaður, Þórarinn
Sveinsson ritari, Hörður Alfreðsson gjaldkeri,
Guðmundur oddsson, Guðrún Agnarsdóttir.
Öldungaráð
jóhann Gunnar Þorbergsson, jón Hilmar
Alfreðsson, Kristín Guttormsson, Sigurður E.
Þorvaldsson, Tryggvi Ásmundsson, Valgarður
Egilsson.
Umsjón síðu
Páll Ásmundsson
Vefsíða: http://innri.lis.is/oldungadeild-li
Aðalfundur og afmælishóf
í Skíðaskálanum
í Hveradölum
Öldungadeild LÍ var stofnuð 7. maí 1994 á
fundi í Rúgbrauðsgerðinni í Reykjavík. Svo
skemmtilega vildi til að tvítugsafmælið
bar upp á hefðbundinn aðalfundardag,
miðvikudaginn 7. maí. Þótti við hæfi að
halda upp á daginn og var því boðað til
fundarins í Skíðaskálanum í Hveradölum.
Að fundarstörfum loknum var efnt
til borðhalds. Tveir læknanemar léku á
klarinett og píanó undir fordrykk, sem
var í boði öldungadeildarinnar, sem og
rútuferð á staðinn. Veislustjóri var Páll
Ásmundsson og aðalræðumaður Hörður
Þorleifsson sem hélt erindi um sögu
öldungadeildarinnar með myndasýningu
úr starfi deildarinnar. Allnokkrir kvöddu
sér hljóðs og sögðu gamansögur. Sungið
var úr sérprentuðu sönghefti með undir-
leik læknanemanna ungu. Páll Ásmunds-
son hafði samið smellið afmælisljóð um
öldungadeildina sem sungið var við
mikinn fögnuð. Ásmundur Brekkan var
heiðursgestur á afmælisfundinum, en
hann, Árni Björnsson og Gunnlaugur
Snædal voru helstu hvatamenn að stofnun
öldungadeildarinnar. Formaður kallaði
Ásmund upp og tilkynnti honum að hann
hefði verið kjörinn heiðursfélagi öldunga-
deildarinnar. Síðar um kvöldið hélt Ás-
mundur ræðu þar sem hann lét gamminn
geisa. Rifjaði hann meðal annars upp tíðar
komur sínar í gamla skíðaskálann í Hvera-
dölum allt frá barnsaldri, en á þeim árum
var nægur snjór á svæðinu. Ekki sakaði að
hann settist við píanóið að lokinni veislu
og lék nokkur lög áður en haldið var heim.
Fundargerð og ársskýrslu ásamt erindi
Harðar Þorleifssonar má finna á vefsíðu
öldungadeildarinnar hjá lis.is.
Magnús B. Einarson formaður
Öldungadeild Læknafélags Íslands 20 ára
Ferðaglaðir öldungar. Fyrsta
utanlandsferðin var farin til
Borgundarhólms 2003. Frá 2006
hefur verið farið árlega til út-
landa nema 2009 vegna hruns-
ins. Áfangastaðir hafa verið
Slóvenía, Suður-England, Norð-
ur-Frakkland, Madrid, fyrrum
Austur-Þýskaland, Norður-
Spánn, Toskana og nú nýlega
Mön og Írland. Fararstjórar hafa
verið Gunnar Biering, Magnús
Jónsson, Kristín Jóhannsdóttir
og Kristinn R. Ólafsson. Hér
gerir öldungahópurinn sig
breiðan framan við Dómkirkjuna
í Flórens. Ljósm. PÁ.
Aðalstjórn Öldungadeildar LÍ á svölum Skíðaskálans. Frá vinstri Hörður Alfreðsson gjaldkeri, Magnús B. Einarson
formaður og Þórarinn Sveinsson ritari. Ljósm. PÁ.
1 6 - 1 8 J U N E 2 0 1 5 | G O T H E N B U R G , S W E D E N
Sustainable healthcare through General Practice
– meeting the demands of a changing world
19th Nordic Congress of General Practice
www.nordicgp2015.se
C A L L F O R S Y M P O S I U M & W O R K S H O P P R O P O S A L S
Opens: 3 Jun 2014
Deadline: 25 Sep 2014

C A L L F O R A B S T R A C T S
Opens: 1 Sep 2014
Deadline: 18 Dec 2014
R E G I S T R A T I O N O P E N S 1 D E C E M B E R 2 0 1 4