Læknablaðið - 01.06.2014, Blaðsíða 37

LÆKNAblaðið 2014/100 357
U M F J Ö L L U N O G G R E I N A R
Bretlandi, þeir Douglas Macmillian, Steve
McCulley og Andrew Baildam.
Afleiðingar brottnáms á sálfélagslega
líðan og samlíf þeirra sem fara í brottnám
á brjóstum voru umræðuefni Kerstin
Sandelin frá Svíþjóð og vakti erindi
hennar athygli. Ljóst er að þessar stóru
aðgerðir, bæði brjóstnám og oft á tíðum
eggjastokkabrottnám, geta haft mikil áhrif
á samlífið en þessu efni hefur ekki verið
gefinn nægur mikið gaumur í rannsókn-
um síðustu ára. Mikilvægt er að stuðla
að frekari framskyggnum rannsóknum á
þessu efni á næstu árum.
Áhugavert málþing var einnig um
það hvernig efla mætti norræna sam-
vinnu þeirra brjóstaskurðlækna sem eru
að vinna við „onkóplastik“, það er að
fjarlægja krabbamein úr brjósti en fram-
kvæma einnig uppbyggingar samfara
brjóstnámi eða fleygskurði. Ræddar voru
leiðir til að styðja við unglækna sem hafa
áhuga á að fara út í þetta sérnám, bæði
innan norrænna landa en einnig víðar, til
að mynda í Evrópu. Maria Joao Cardoso
frá Portúgal, sem starfar einnig innan ESO
(European School of Oncology), fjallaði
ítarlega um þessa möguleika. Augljóst er
að miklir ónýttir möguleikar eru bæði
innan Norðurlanda og innan Evrópu.
Staðan á Norðurlöndum
Ráðstefnunni lauk með yfirliti yfir stöðuna
í áhættuminnkandi skurðaðgerðum í
hverju Norðurlandanna fyrir sig. Fyrir
hönd Íslands var Kristján Skúli Ásgeirs-
son sem sagði meðal annars frá því að
miklar skipulagsbreytingar hefðu átt sér
stað á Landspítala undanfarin ár hvað
varðar þjónustu fyrir BRCA-arfbera og
aðra sem eru í mikilli áhættu á að fá
brjóstakrabbamein á ævinni. Þannig er
nú rekin svokölluð há-áhættu göngudeild
en þar starfa nú tveir brjóstaskurðlæknar,
og sérhæfðir brjóstahjúkrunarfræðingar
sem sinna mikilvægu stuðnings- og
upplýsingahlutverki. Áætlað er að rúmlega
40% heilbrigðra kvenna sem hafa greinst
sem BRCA-arfberar undanfarin tvö ár
muni fara í áhættuminnkandi skurðaðgerð
fyrir lok þessa árs.
Erlendir fyrirlesarar á RRS Iceland. Aftasta röð frá
vinstri: Steve McCulley (Englandi), Catharina Eriksen
(Svíþjóð), Maria Joao Cardoso (Portúgal), Douglas
Macmillan (Englandi), Andrew Baildam (Englandi),
Catarina Svarvar (Finlandi). Miðröðin frá vinstri: Ellen
Schlichtling (Noregi), Lovis Mæhle (Noregi), Kerstin
Sandelin (Svíþjóð), Anne Irene Hagen (Noregi), Tiina
Jahkola (Finlandi), Susanna Kauhanen (Finlandi).
Fremsta röð frá vinstri: Kristján Skúli Ásgeirsson
(Íslandi) og Iain Brown (Englandi).
Á myndina vantar Steven Narod (Kanada) og Trine
Foged Henriksen (Danmörku).
Mynd: Kristján Skúli Ásgeirsson
Sumarferð í Mýrdalinn
19.-20. ágúst 2014
Lagt verður af stað kl. 9 þriðjudaginn 19. ágúst frá Sælkerabúðinni að Bitruhálsi 2.
Fyrsti áfangi ferðarinnar verður að Skógum. Byggðasafnið verður skoðað með leiðsögn og
snæddur léttur hádegisverður.
Síðan verður ekið austur að Felli þar sem rústir gamla bæjarins verða skoðaðar. Hér
bjó séra jón Steingrímsson lengi en dvöl hans í Mýrdal verða gerð skil í ferðinni. Þá verður
haldið í Dyrhólaey en þaðan í Reynishverfi, skoðuð Reynisfjara og hugað að Hellnum þar
sem jón bjó um tíma. Komið verður að leiði Sveins Pálssonar, en um hann og Eyjólf Guð-
mundsson frá Hvoli verður einnig fjallað. Loks verður litið yfir Heiðardalinn en síðan haldið
að Hótel Dyrhólaey að Brekkum þar sem við gistum og snæðum saman kvöldverð.
Síðari daginn verður ekið til Víkur, litið til Suður-Víkur, komið við í Víkurfjöru og Brydes-
búð, þar sem safnið verður skoðað. Þá verður Hjörleifshöfði heimsóttur, minjar skoðaðar
að Höfðabrekku, en síðan ekið upp heiðina og inn í Þakgil. Þar verður áð. Við verðum með
nesti frá Hótel Dyrhólaey. Einnig verður fjallað um Kötlugos og áhrif þeirra á ferðaleiðir um
svæðið. Notið verður leiðsagnar staðkunnugra félagsmanna og velunnara. Loks verður
haldið heimleiðis að kveldi.
Stjórn öldungadeildar lÍ