Ægir - 01.11.2007, Blaðsíða 26

26
Sjávarútvegsráðuneytið hefur
undanfarið ráðstafað alls 645
milljónum kr. til ýmissa verk-
efna í kjölfar niðurskurðar á
þorskkvóta sl. sumar. Alls 570
millj. kr. eru til komnar vegna
mótvægisaðgerða og á sú tala
eftir að hækka sagði Einar Kr.
Guðfinnsson í ávarpi sem
hann flutti á 43. þingi Far-
manna- og fiskimannasam-
bands á dögunum.
Alls 250 millj. kr. eru til
komnar vegna niðurfellingar
á veiðigjaldi á þorski á þessu
fiskveiðiári „… en ómögulegt
er að segja til um hver upp-
hæðin verður á næsta fisk-
veiðiári þar sem þetta er tengt
afkomu greinarinnar. 150
millj. króna kr. alls á þremur
árum eru til eflingar á togara-
ralli Hafrannsóknastofnunar-
innar og 120 millj. kr. skiptust
jafnt á milli sex rannsókna-
stofnana og -setra vítt og
breitt um landið,“ sagði ráð-
herrann. Hann bendi einnig á
þá ákvörðun ríkisstjórnarinnar
um að efla samkeppnissjóði
og hækka framlög til AVS-
sjóðsins í fjárlögum 2008 um
50 millj. kr. Því til viðbótar
hafi verið ákveðið að verja
öðrum 50 millj. kr. til AVS og
sé summan því samtals 100
millj. kr.
Ráðherrann vék einnig að
þeirri staðreynd að fjármunir
til hafrannsókna hefðu aukist
verulega. Stuðlað er að meiri
fjölbreytni þar með því að
styrkja sjávarrannsóknasetur
út um landið og fé til sam-
keppnisrannsókna tvöfaldað.
Þá stæði til að efla togararall
Hafró, sem áður segir.
„Með þessum aðgerðum
vildi ég freista þess að koma
til móts við vel rökstuddan
málflutning forystumanna
ykkar og margra skipstjórn-
armanna sem ég hef rætt við
á umliðnum mánuðum í kjöl-
far niðurskurðar aflaheimilda.
Mér er það ljóst að við verð-
um að gera allt sem unnt er
til að það takist að gera sem
mest verðmæti úr því sem
veitt er og tryggja aðgengi að
þeim fisktegundum sem við
viljum ná,” sagði Einar Kr.
Guðfinnsson.
Þ I N G F A R M A N N A - O G F I S K I M A N N A S A M B A N D S I N S
Margvíslegar mótvægisaðgerðir, segir sjávarútvegsráðherra:
Aukið fé til útvegsins
Einar Kristinn Guðfinnsson, sjávarútvegsráðherra.