Ægir - 01.11.2007, Blaðsíða 62

62
K R O S S G Á T A
Þ O R S K E L D I
Framtíðarhorfur þorskeldis á
Íslandi geta um margt verið
góðar. Fyrirtækin sjálf hafa
forystu í uppbyggingu atvinnu-
vegarins en hið opinbera
mótar meginstefnu og setur
reglur í nánu samstarfi við
greinina auk þess að stuðla
að uppbyggingu þekkingar hjá
vísindastofnunum, skólum og
víðar. Þetta kom fram í máli
Einars Kr. Guðfinnssonar sjáv-
arútvegsráðherra á ráðstefn-
unni Stöðumat og stefnumót-
un fyrir þorskeldi á dögunum.
„Hvað þorskeldið varðar
verðum við að sækja fram,”
sagði ráðherrann. „Sú stefna
hefur nú verið mótuð að
leggja áherslu á að koma upp
kynbættum eldisstofni þorsks
og stuðla þannig að því að
þorskeldið verði sem allra
fyrst starfrækt sem aleldi, það
er eldisferillinn spanni allt frá
hrognastigi til sláturfisks.
Fyrstu árin er þó mikilvægt
að afla reynslu með hinu svo-
kallaða áframeldi þar sem
smáþorskur er fangaður og
alinn í sláturstærð í kvíum.
Við þurfum jafnframt að vera
þess meðvituð að í þorskeld-
inu bíður okkar vafalaust
hörð samkeppni. Við því er
ekkert að gera annað en ein-
faldlega að gera betur.”
Ráðherrann sagði að fyrir
Íslendinga væri mikilvægt að
glata ekki sinni góðu stöðu á
alþjóðamörkuðum fyrir þorsk,
en sú hætta væri til staðar ef
við drögumst aftur úr öðrum
þjóðum. Þorskurinn sé okkar
langmikilvægasta nytjategund
og við höfum lagt gríðarlegt
fjármagn í nýtingu hans. Gildi
það ekki síst um markaðsmál-
in.
„Nú eru skipulegar kyn-
bætur á þorski, með það að
markmiði að koma upp eld-
isstofni með bætta arfgerð í
mikilvægustu eldiseiginleik-
unum, komnar vel af stað. Í
framhaldi af því verður að
stórauka seiðaframleiðslu og
um það markmið verður að
nást samstaða sem byggist á
þekkingu – erlendri og inn-
lendri og raunhæfum rekstr-
arviðmiðunum,“ sagði Einar
Kristinn Guðfinnsson í setn-
ingarávarpi sínu.
Sjávarútvegsráðherra telur góðar horfur í þorskeldi á Íslandi:
Aleldi er framtíðin
Hér er ein af þorskeldiskvíum Brims-fiskeldis í Eyjafirði.