Ægir - 01.11.2007, Qupperneq 51

51
um í efnahagslífi heimsins er
ekki óeðlilegt að ætla að fólk
muni leita eftir ódýrari mat-
vælum. Um þetta er þó erfitt
að spá. Varðandi uppsjáv-
artegundirnar þá virðist útlitið
vera nokkuð gott en þó hefur
verð á fiskimjöli lækkað mjög
mikið á undanförnum mán-
uðum. Ég hygg að sé óhætt
að segja að tiltölulega litlar
birgðir séu til staðar af loðnu-
afurðum og því er útlitið
nokkuð gott með sölu á
þeim. Núna í haust hefur
gengið ágætlega að selja síld-
ina, en hins vegar er síld-
arkvótinn í það heila stór og
fyrirsjáanlegt er að norsk-ís-
lenski síldarkvótinn verður
mjög stór á næsta ári. Síld-
armarkaðir í Póllandi og Rúss-
landi hafa verið að styrkjast
með vaxandi kaupgetu í þess-
um löndum. En á móti kemur
að útlit er fyrir töluvert mikið
framboð á síld og því má ætla
að hlutfallslega muni bræðsla
síldar á næsta ári ekki minnka
frá því sem var á þessu ári.
Olíuverðshækkunin kemur
harkalega niður á veiðum á
tegundum eins og kolmunna
sem þarf að sækja lengra og
dýpra. Kolmunnaveiðarnar
hafa því verið erfiðar og af-
koman af þeim versnað mik-
ið.“
Sókn í Eyjum
Á sama tíma og almennt er
samdráttur í íslenskum sjáv-
arútvegi hafa Eyjamenn hert
róðurinn í þessum efnum
með kaupum á nýjum skip-
um og aflaheimildum. Sjáv-
arútvegurinn virðist með öðr-
um orðum vera í sókn í Eyj-
um. Ægir Páll segir að tvö
stærstu fyrirtækin í Eyjum –
Ísfélagið og Vinnslustöðin –
hafi verið í ágætum vexti á
síðustu árum og þá hafi önn-
ur fyrirtæki einnig verið að
sækja í sig veðrið. „Það sem
skiptir öllu máli í þessu er að
rekstur fyrirtækja sé í lagi og
hann skili hagnaði sem fyr-
irtækin geti notað til að
styrkja reksturinn, við það
skapast líka traust á fyrirtækj-
unum sem m.a. eykur að-
gengi þeirra að fjármagni.
Rekstur Ísfélagsins hefur
gengið ágætlega undanfarin
ár og hefur þar skipt miklu
máli að félagið hefur haft gott
starfsfólk. Fyrir Ísfélagið hef-
ur það líka verið mikill styrk-
ur hversu litlar breytingar
hafa verið á undanförnum ár-
um í eigendahópi félagsins
og hafa eigendurnir staðið
þétt á bakvið félagið. Ein fjöl-
skylda hefur átt yfir 70% í fé-
laginu og þannig hefur það
verið lengi. Þetta skapar fé-
laginu mikla kjölfestu,“ segir
Ægir Páll.
„Auðvitað er það svo að
kvótaskerðingin í þorskinum
tekur gríðarlega í hér í Vest-
mannaeyjum eins og annars
staðar. Um það þarf ekkert að
efast. Þetta tekur mikið í hjá
útgerðinni, en ekkert síður
hjá sjómönnunum, sem mér
finnst oft hafa gleymst í hinni
pólitísku umræðu. Staðreynd-
in er auðvitað sú að þessi
niðurskurður skerðir tekjur
sjómanna alveg gríðarlega.
Það er óskiljanlegt að jafnvel
þrátt fyrir þetta þá muni sjáv-
arútvegurinn bara hér í Eyjum
verða skattlagður umfram
aðrar atvinnugreinar fyrir um
u.þ.b. 100 milljónir króna,
verði álagningu auðlinda-
skattsins ekki breytt. En að
öðru leyti er ég tiltölulega
bjartsýnn á framtíð sjávarút-
vegsins hér í Vestmannaeyj-
um. Það er engin ástæða til
annars. Við stöndum að vísu
núna frammi fyrir þeirri
óvissu hversu stór loðnukvót-
inn verður en það hefur því
miður verið mikil óvissa með
loðnuúthlutun á síðustu ár-
um. Loðnan skiptir mjög
miklu máli fyrir alla hér í Eyj-
um – bæði Ísfélagið og
Vinnslustöðina. Ef vel tekst til
er loðnuvertíðin mikill upp-
gripatími fyrir samfélagið
hér,“ segir Ægir Páll.
Allar gerðir bindivéla
Stál- og plastbönd
Ísfell ehf • Óseyrarbraut 28 • 220 Hafnarfjörður • Sími 5200 500 • isfell@isfell.is
www.isfell.is
Í S F É L A G I Ð
„Ég get ekki neitað því að þetta ár hefur verið mjög viðburðaríkt og annasamt,“
segir Ægir Páll Friðbertsson, framkvæmdastjóri Ísfélagsins í Eyjum.
Mynd: Óskar P. Friðriksson/Vestmannaeyjum.
Ægir Páll fyrir utan hið þekkta hús Ísfélagsins í Eyjum, þar sem skrifstofur fyr-
irtækisins eru m.a. Mynd: Óskar P. Friðriksson/Vestmannaeyjum.