Tímarit Máls og menningar - 01.12.1942, Qupperneq 103

TÍMARIT MÁLS OG MENNINGAR
285
in þá þegar orðin íslenzk biflía. Nokkru síðar forlagði bóka-
útgáfa íslenzku verklýðsfélaganna þetta sorprit um verklýðs-
hreyfingu heimsins. Bókaútgáfa þessi var þá í þjóðstjórnarhönd-
um og naut styrks frá íslenzka rikinu auk styrks, sem tekinn
var með nefskatti af verklýðsfélögunum. Áður höfðu nokkrii
þjóðstjórnarfulltrúar boðið einkaforleggjurum fram fé með hók-
inni, en enginn bitið á agnið.
Nú hefur aðalhöfundur bókarinnar, Krebs, verið settur hak við
lás og hespu af innflytjendalögreglu Bandaríkjanna sem „hættu-
legur útlendingur, meinsærismaður og erindreki fyrir Nazista-
þýzkaland“. Mun hann verða sendur heim til Þýzkalands óðar en
stríðinu er lokið. Glæparegistur þessa prýðilega manns er i lengra
lagi og tilgangslaust að rekja það hér. Þó má geta þess, að 1938
strauk hann af skipi á land í Bandaríkjunum og lá þá undir ákæru
fyrir siðferðisbrot. Hann er gamall og nýr ræningi og innbrots-
þjófur og sat m. a. þrjú ár í San Quentin tukthúsinu í Kaliforniu
fyrir að hafa í ránsferð 1926 hauskúpubrotið smákaupmann í
Los Angeles. H. Ií. L.
í DULKLÆÐUM.
Það var hér á árunum, árum friðar og lítilla tekna, að stund-
um bárust manni upp í hendurnar ókunnuglegar bækur og hinar
óásjálegustu, illa prentaðar á ljótan pappír. Og innihald þeirra
var eftir því: reyfarar af allra versta tagi, þýddir á hraksmán-
arlegt mál. Þessar bækur höfðu samnefnið Lögbergssögur og
komu vestan um haf.
Nú er tími styrjalda og stórtekna, en andi hinna gamalkunnu
sagna er ekki útdauður, hann hefur aðeins klæðzt búningi, sem
samsvarar tízkunni og kröfum bókakaupenda. En einhvern veg-
inn kann ég, samræmis vegna, betur við tötra Lögbergsbók-
anna en skartbúning Lady Hamilton, bókarinnar, sem nú er
keypt af kappi. En innihald liennar minnir mig mest á áður-
nefndar bókmenntir. Hin vandaða útgáfa og góða þýðing er eins
og farði, sem sniurt hefur verið yfir illkynjað sár ineð sýking-
arhættu. Þetta er hvorki saga hinnar fögru og kaldrifjuðu frillu
— ekki aðeins Nelson’s heldur margra annarra — sögð í ævi-
sögustíl, né heldur er það skáldverk um sömu persónu. Það
er blátt áfram reyfari á borð við Lögbergssögurnar.
Um liina gömlu vestanreyfara var hljótt á þeim tíma, sem
þeir grasséruðu, en þessi bók hefur verið auglýst i samræmi
við hið ytra útlit hennar og verð. Það er auglýst, að „einn fræg-
asti ævisagnahöfundur, sem uppi hefur verið“, hafi ritað hana.